Quel est le site Web ?

https://www.facebook.com/497383440639938/

Camion en Algérie

💔 هنا إحكي حكايتك 💔

💝فرغ قلبك معنا💝

💕 هنا عائلة واحدة تجمعنا 💕
(2)

16/10/2025

الخيط لما يتقطع ويرجع يتربط مرة أخرى ، تبقى فيه عقد وهذا أكبر وصف معبر ومناسب لجملة " مكانش حاجة ترجع كيما الأول " و مستحيل تلقى نفس الشخص مرتين حتى في نفس الشخص .. 💛

16/10/2025

#رسائلكــــــم
السلام عليكم
حكاتلي ماما قتلي بكري كانت وحد لكوانة مقابلة لمسجد تنوض فيها حاجة كي يعود وقت صلاة الصبح ولمصلين لي يعود عاقب يرجع يهرب حتى ولاو يصلو فديارهم، وحد الخطرا سمع بلحكايا راجل صالح قارئ لكتاب الله وجاب معاه قارئ أوخر هو عاد وقت لمروح للجامع وهي ناضت عليهم كي عادو عاقبين وحبسو وبداو يقراو فلقرآن طولو محبسوش وهذيك الحاجة تعيط تعيط حتى شعلت النار من هذاك اليوم راحت لحد الآن الحمد لله هذي لبلاصة حذا بيت جدي بعد

16/10/2025

#رسائلكــــــم
السلام عليكم
عمي كاميرون حطلهم ينحل مخي شوي ونقدر نقرا وادعولي ربي ينجحني

16/10/2025

#رسائلكــــــم
سلام عليكم من فضلك حط في الصفحة
اطلب الدعاء لي بالشفاء فدعوة المؤمن لأخيه بظهر الغيب مستجابة

16/10/2025

#رسائلكم
السلام عليكم
ولادي يحكولي بلي شافوا امور بزاف بنتي شافت جسم شفاف،ومرة شافت عصفور كبير يخزر فيها، زوج ولادي شافوا مع بعض راس نتاع عبد كبير فالسقف يخزر فيهم ومرة ولدي يحسب خوه صغير جا يقلقوا قالي رميتلوا لمخدة قالي دخلت في جسموا وفاتت منهيه ونا مرة شفت جن بدون ملامح قريت قرآن راح ومرة شفت خيال طفل صغير سنين بسم الله ونضت شعلت الضوء راح انا منسألش على تفسير عارفة بإذن الله بلي عندي سحر وعين وحتى العين يرافقها الجن ماشي غير السحر و المشكل العين والسحر يمشيو للاولاد بالوراثة،نقلت قصة هاذي للعبرة الحرب بينا وبين للشياطين راهي قائمة إلى قيام الساعة الإنسان يستعمل بالله ويصب ورب يفرح على كل مومن #

16/10/2025

#رسائلكم
السلام عليكم
خويا ولا ولدي حطلي منشوري رحمة على والديك
قبل ما ندخل فالموضوع حبيت نمد نبذة قصيرة على حياتي ولا عقليتي أنا من صغري عطاني رب غيرة غير عادية نشوف يما مع ولاد عمها بلا حجاب نتقلق ونا في عمري تسع سنين كي كبرت ألي يشوف فيا نتقلق وكامل الجيران بل القرية بأكملها حفظوني والله أنانمشي وهوما يطبسوا راسهم
مرة ركبت أنا ويما في حافلة شفت راجل يشوف فيها بخبث وما يحبس ينحي عينيه كي نضت ليه كنت راح نضربوا من قوة الغضب حتى هبط وهرب
اليوم أنا والزوج تاعي مسافرين وكي العادة نهبوا في محطة بنزين معروفة بالنقانصليو روحوا
كي دخلت للمايضا نتوضى سمعت راجليكبم مرتوا ودخل الكآبة نتاعها لداخل قدام الباب يعني شافني من الوراء ونا من عادتي مانقابلش الباب لأني منتقبة ومدير حسابي لاعلينا دخلت المصلى قلت لمرتوا ماحقوش يطل ويڨاري فم باب المرحاض يتفرج فيا في كل خطواتي قالتلي وعلاه هاذي كانت ردة فعلها رحت نصلي كي كملت والله العظيم غير لقيتهم معريين تقول في حمام قالك يبدلواقلتلها أنا مانتعرى قدام الناس مانحب تخرجي قدامي عريانة وزيد أنا دخلت قبلها المصلى كانت تحترم شعائر الإسلام وتحترمني كي نخرج رب يسهل ولاتصكر اللاب على روحها ألي حب يدخل تسمحوا حتى تكمل المهم غربتلي ورفعت صوتها وهزت عليا يدها لحالها يدي في رقبتها قولتلها شوفي تحوسي تفهمي نفهمك دخلتي عليا راجل ومازال تتفرعني المهم كي كانت تعيط عليا دخل راجلها ونا ماشاء الله إمرأة جسيمة ضربتو تيريتوا عنها وخرجت جازوجي وهدن الحالة والراجل مالقى مايقول
واش رايكم فالموضوع

16/10/2025

#رسائلكم
من فضلك نسقسي المتابعين اذا يعرفو كاش دواء للبهاق

16/10/2025

#رسائلكم
قبل شهر صراتلي هذي الحكاية عند البوشي دخلت نشري أنا و وحد الشيخ كيف كيف اومبعد قتلو جوز عمو اشري نتا اومبعد نشري انا حتى نشوف لي يبيع وجهو ولا صفر وكان معاه وحدوخر يبيع معاه قالي ختي ارواحي منا قتلو واش خويا قالي سمي قتلو علاش قالي سمي وشوفي في المرايا الشيخ هذاك ما كانش يبان في المرايا و كي ندور نلقاه فهمت بلي ماشي انـ..ـسان بديت نسمي انا و السيد خزر فينا هداك الشيخ طلق الساشي تاع لحم في لرض و قالنا راكم تسمو عليا انا خـ.ـفت قتلو لالا عمو خزر في الراجل لي قالي سمي و قالو انت راني نعاود نولي ليك كي تكون وحدك و خرج من الباب غير خرج مازادش كامل بان وين راح و من لي صراتلي وراها دخلت للسبـ..ـطار 11 .يوم جاني نـ.ـزيـ.ـف من الخـ.ـلعة طحـ..ـتلهم ثم في الحانوت و ما فطنتش وهذي القـ.ــصة صـ.ــح صـ.ـراتلي علابلي راه يجو هذوك جماعة رقاد مور العصر ماشي ملـ.ــيح لكن صـ.ــح صــ.ـراتلي

16/10/2025

#رسائلكم
فوتلي خويا هذا مساج
بما انو نعرفو بلي الجن مخلوقات الله ومنشوفهمش بالعين مجردة غير اذا تشكلو بإنسان او حيوان
نعرفو حكايات نتاع البوشي يدير مراية في محلو لهذ السبب بأه يعرف جن لدخل ليه ولا عبد
شكون صراتله ولا لصرالو هذ موقف

16/10/2025

#رسائلكم
السلام عليكم اخي.
العام الي فات نشرتلي قصةحول الصوت الي نسمعو تاع البوطو تع الضو مي يشعل بصح الضو مايشعلش. يعني اصوات برك فالدار. كاين الي قلي خلل في الدارة وكاين الي قلي سحر. وكان عندو حق. في يوم الجمعة جبنا راقي للدار يرقي ختي الي مرضت بعد العصر تتبدل حوالها. جاء الراقي ودخلنا كامل نرقيو. بعد مدة قصيرة من الرقية. بدات رجلي تتحرك وتحرق.... ... بديت نتثاوب بصح التثاؤب حاصل في حلقي مايحبش يخرج. انتبه لي الراقي وبقى مركز معايا. اختي اتضح عندها عين وانا نطق العارض على لساني وسب الله. علما هذا الشئ مافقتلوش. و مكنتش في وعيي. كنت نهدر أمور بزاف. مش انا الي كنت متحكمة فالهدرة. الرقية دامت 5سنوات. تعبت بزاف. حبس الامام الرقية وقلي عين برك. مع انو علابالو مش عين. هذا سحر ومس. كي رحت للدوش نغسل. وشفت فالمرايا قالي الي فراسي.الراقي ماقدرليش وبعدها تبدلت حياتي..... رحت مرة نخدم وكانوا حاطين سورة البقرة تغميت وداقت روحي. ورجع تلبسني ورجعت حالة التثاؤب وبديت نحكي أمور تبان بلي عندي مس. وليت نحب نخرج ونهج من الدار. عانيت مع الذكر وقراءة القران.. كنت نحس بتنميل في نص وجهي وحموضة فالفكين. وليت نقرى القران بتهكم. وقاومت. راني نعاني. ما لازمش نحاربو بالرقية وغير نقرى سورة البقرة يهيج.رجعت عصبية. وخسرت ناس بزاف رجعت نخاف. كنت مدمنة على افلام الرعب. ومدمنة على صفحتكم. رجعت نخاف نقرى... شكون مصاب بالمس العاشق... افيدوني يرحمكم الله. #

16/10/2025

#رسائلكم
السلام عليكم شفت ناس تحكي قصص غريبة صراتلهم حبيت نشارك معاكم قصة صراتلي عندها سمانة لي علبالي معظم الناس لي حا يقراوها ويكذبوني مع أنو كل شي راح نقولو صحيح... كنا في طريق بشار طريق تدي وتجيب جايين معاها فليل موليين من بشار للبليدة(للمنزل) انا والأب والخال طريق ظلمة متشوف والو من غير طريق والرمل منا ومنا يا غير حنا وصلنا عند البلاكة ونتلمح جمل ملبعيد واقف على طرف طريق تبكمت مل مشهد بقيت مكوسونطري باش نتأكد مليح قلت بلاك ني نتخايل نعاس بلاك حتى بابا نطق وقال الله أكبر أعوذ بالله وخالي نفس الشي فتنا عليه وشفناه في تلاتة وكامل كنا فاطنين بعدنا عليه قيس 50 ميترا هكاك طفا ضو الطوموبيل وطفات معاه نزل بابا وخالي مكان حتى مشكل ف الطوموبيل بدينا نقراو فل قرآن والآذان مين ضرب ناضت نورمال مع العلم الدم كان ناشف فيا السكر حسيتو حبط منها كملنا ديراكت والحمد لله جازت سلامات #

16/10/2025

#رسائلكم
سلام هاد لحكايا حقيقية صرات لراجل عمتي بكري كانو يمشيو يحجو على رجليهم وهداك الوقت كان قليل سيارات موهيم كانو حجو وراجعين ولا عاد ماشيين مانيش متأكدا كيجاو بين مصر وحد لبلاصة تلفو الطريق وخرجو في وحد الناس كانو يقلولهم بني كلبون ياكلو البشر داوهم معاهم وكان الليل حطولهم ياكلو في ميزكم حطولهم يد بنادم تصمرو بالخوف ماحبوش ياكلو حضاوهم رڨدو وهربو بعدو على ديك قبيلة تلقاو واد فيه هايشة كبيرة بالخوف فاتو عليها وهربو شحال وهوما يتمشاو حتى صبح عليهم الحال باش خرجو في لي نعتولهم الطريق وتلقاو مع القافلة لي كانو معها #

Adresse

Bordj Bou Arreridj

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Camion en Algérie publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.