ArmRailway

19/02/2026

«ՌԺԴ Տուր» ընկերությունը առաջարկում է մայիսյան տոներն անցկացնել Հայաստանի և Վրաստանի երկաթուղային ուղիներով ուղևորությամբ:

Երկաթուղային ճանապարհորդության սիրահարների համար հասանելի է եռօրյա երթուղի՝ Երևան – Թբիլիսի – Երևան, հարմարավետ և ժամանակակից վագոններով՝ «Հարավկովկասյան երկաթուղի» ընկերության տրամադրած շարժակազմով:

Տուրի մեջ ներառված են՝ ընտրված կատեգորիայի վագոնով տեղափոխություն, տեսարժան վայրերի մուտքի տոմսեր, սնունդ, տրանսպորտային և էքսկուրսիոն ծառայություններ ըստ ծրագրի։

Ուղևորության տևողությունը՝ 3 օր և 2 գիշեր, հասանելի է մայիսի 1-ից և 9-ից:

30/12/2025

🥳 Ներկայացումներ, նվերներ ու լավ տրամադրություն պարգևեց փոքրիկներին Հարավկովկասյան երկաթուղին Ամանորի տոների կապակցությամբ։

Շնորհավո՜ր Ամանոր և Սուրբ Ծնունդ։

Լուսանկարները` arle

29/12/2025

Այս օրերին Ամանորյա տոները Վրաստանում նշելու նպատակով ՀԿԵ ընկերության գնացքներով Թբիլիսի են ուղևորվում հազարավոր մեր համաքաղաքացիներ, ինչի համար ընկերությունը հայտնում է՝

2026 թվականի հունվարի մեկից Վրաստանում ուժի մեջ է մտնում օրենքի փոփոխություն, ըստ որի երկրում գտնվող արտասահմանի բոլոր քաղաքացիները պետք է ունենան բժշկական ապահովագրություն։ Ընդ որում, դա վերաբերում է նաև այն մարդկանց, ովքեր մուտք են գործել Վրաստան մինչև 2026 թվականի հունվարի 1-ը։

Ապահովագրությունը կարող եք անել օնլայն, միանգամից սահմանը հատելիս, կամ հայկական ապահովագրական ընկերություններում։ Այն պետք է լինի անգլերեն կամ վրացերեն լեզվով։

Уважаемые отбывающие на новогодние праздники в Грузию граждане!

С 1 января 2026 года, в соответствии с Законом Грузии «О туризме», для всех туристов, въезжающих в Грузию, становится обязательным наличие медицинского страхования и страхования от несчастных случаев.

Каждый турист, въезжающий в Грузию, обязан представить документ, подтверждающий наличие страхования, в бумажном или электронном виде, оформленный на грузинском или английском языке.

Страховой документ может быть выдан как грузинскими, так и международными страховыми компаниями, при этом страховая сумма должна составлять не менее 30 000 лари.

21/11/2025

Հայաստանում երկաթուղային զբոսաշրջության զարգացումը խթանելու նպատակով «Հարավկովկասյան երկաթուղի» ընկերությունը մասնակցում է «Հայաստան 2025» միջազգային զբոսաշրջային ցուցահանդես-քննարկմանը։

Միջոցառման ընթացքում ընկերության ներկայացուցիչները ներկայացնում են միջազգային և ներհանրապետական ուղևորափոխադրման ծառայությունները, ինչպես նաև երկաթուղային զբոսաշրջության ոլորտում նոր առաջարկները։ ՀԿԵ ուղևորափոխադրումների տնօրինության ղեկավար Հրանտ Միքայելյանը պանելային քննարկման ժամանակ ներկայացրել է զբոսաշրջային գնացքների նոր ձևաչափը՝ ընդգծելով, որ այս տարվա հաջող մեկնարկն ունենալու է շարունակություն։ Նա նաև անդրադարձել է ուղևորափոխադրումների համալիրի զարգացման, վերազինման և կայարանային ենթակառուցվածքների արդիականացման գործընթացին։

Օրերս ՀԿԵ-ն և Հայաստանի զբոսաշրջության ֆեդերացիան ստորագրել են երկաթուղային զբոսաշրջության զարգացմանը միտված համագործակցության հուշագիր։

Ըստ ընկերության տվյալների՝ 2025 թվականի առաջին 10 ամիսներին ՀԿԵ-ն փոխադրել է 450 հազար ուղևոր, որոնցից 40 հազարը՝ միջազգային ուղղություններով։ Ընկերության ծառայությունները շարունակել են բարձր պահանջարկ ունենալ ինչպես Ռուսաստանի, այնպես էլ ԵՄ երկրների ու Չինաստանի զբոսաշրջիկների շրջանում։

06/11/2025

Ռուսաստանից Հայաստան առաքված ռուսական ցորենի առաջին խմբաքանակը՝ 1050 տոննա ընդհանուր քաշով, ժամանել է Հայաստան Ադրբեջանի և Վրաստանի տարածքով։

Բեռը, որը տեղափոխվել է 15 հացահատիկային վագոններով, անցել է Ադրբեջանի տարածքով և հատել Վրաստան–Հայաստան պետական սահմանը։ Հացահատիկը կմատակարարվի «Հարավկովկասյան երկաթուղի» ընկերության Դալարիկ կայարան։

Նոր լոգիստիկ ծառայության գործարկումը հնարավոր է դարձել այն որոշման արդյունքում, որով վերսկսվել է բեռնափոխադրումների իրականացումը դեպի Հայաստան՝ Ադրբեջանի տարածքով։ Սա նման փոխադրումների առաջին փորձն է 1990-ականներից ի վեր։

Մինչև 2026 թվականի հունվարի վերջ նախատեսվում է այս երթուղով առաքել ևս 132 վագոն ցորեն։ Բացի դրանից, նախատեսվում է քննարկել նաև այլ տեսակի բեռների տեղափոխման հնարավորությունները։

28/10/2025

Որոշ էլեկտրագնացքների չեղարկում մեկ օրով

2025 թվականի հոկտեմբերի 29-ին չեղարկվում են №681/682, №684/687 և №686/685 էլեկտրագնացքները Երևան-Գյումրի-Երևան երթուղով և №7011/7010 էլեկտրագնացքը Արաքս-Երևան-Արաքս երթուղով, ինչը պայմանավորված է Արմավիր-Սովետական վազուրդում գտնվող կամրջի փոխարինման աշխատանքներով: Հոկտեմբերի 30-ց երթևեկության գրաֆիկը կվերականգնվի:

«Հարավկովկասյան երկաթուղի» ընկերությունը հայցում է ուղևորների ներողամտությունը: Մենք աշխատում ենք, որպեսզի ապահովենք անվտանգ փոխադրումներ:

26/09/2025

Ինչ նորություններ կան ուղևորափոխադրումների ոլորտում

ՀԿԵ-ն շեշտը դնում է սպասարկման որակի և փոխադրումների նոր ձևաչափերի վրա

31/07/2025

Լոռի, Դեբեդ ու Բաթումիի գնացքը։

21/07/2025

Մեր ուղևոր Արևիկ Ղարիբյանի ինստագրամյան էջից
https://www.instagram.com/arevik_gharibyan/