Forca Ajrore

03/06/2026

✈️ Reflektim i angazhimit të vazhdueshëm të Forcës Ajrore për ruajtjen e standardeve të larta të profesionalizmit, disiplinës dhe gatishmërisë në shërbim të sigurisë dhe mbrojtjes së vendit, ishte ceremonia e prezantimit të emërimeve të reja në strukturat drejtuese të saj.

Nën drejtimin e Komandantit të Forcës Ajrore, Gjeneral brigade Edmond Voci, u prezantua Kolonel Julian Dulemata në detyrën e Shefit të Shtabit të Forcës Ajrore, Kolonel Dritan Dyrmishi në detyrën e Komandantit të Bazës Ajrore të Kuçovës dhe Kolonel Adrian Kuli në detyrën e Komandantit të Shkollës së Trupës së Forcës Ajrore. Në ceremoni u prezantuan gjithashtu edhe oficerë të tjerë në pozicione drejtuese, duke dëshmuar vazhdimësinë e lidershipit dhe përkushtimit në përmbushjen e misionit të Forcës Ajrore.

🇦🇱✈️

01/06/2026

✨ Gëzuar Festën e Fëmijëve! ✨

27/05/2026

✈️🇦🇱 Në Ljubljana, në takimin e Komitetit të Aviacionit të NATO-s, ku morën pjesë përfaqësues nga 35 vende aleate dhe partnere, Shqipëria u përfaqësua nga Komandanti i Forcës Ajrore, Gjeneral Brigade Edmond Voci.

Fokusi i diskutimeve ishte forcimi i sigurisë ajrore, koordinimi i hapësirës ajrore dhe rritja e interoperabilitetit mes vendeve të Aleancës.

Për Forcën Ajrore Shqiptare, pjesëmarrja në këtë forum përkthehet në më shumë bashkëpunim me aleatët, shkëmbim eksperiencash dhe rritje të kapaciteteve operacionale 🚀🤝

🇦🇱

25/05/2026

23/05/2026

Në mbështetje të trajnimeve të përbashkëta

✈️Forca Ajrore gjithmonë kontribuuese në forcimin e gatishmërisë dhe rritjen e kapaciteteve operacionale ndërvepruese. 🇦🇱

22/05/2026

Lajm i mirë nga BE! 🇪🇺

Një tjetër mbështetje e rëndësishme për Forcat e Armatosura të Shqipërisë.

Këshilli i Bashkimit Evropian 🇪🇺 miratoi paketën e tretë të asistencës për Shqipërinë 🇦🇱 në kuadër të "European Peace Facility", me vlerë 21 milionë euro, duke e çuar mbështetjen totale në 49 milionë euro.

Paketa përfshin mjete të blinduara të lehta, mjete taktike dhe inxhinierike, si edhe trajnim dhe mbështetje operacionale për FARSH.

Ky është një vlerësim konkret për seriozitetin, besueshmërinë dhe rolin aktiv të Shqipërisë krah aleatëve dhe partnerëve evropianë në siguri dhe mbrojtje. 🇦🇱🇪🇺

22/05/2026

“Historia nuk duhet të heshtë në arkiva, por të jetojë në kujtesën e kombit” – Niko Kotherja, Drejtor i Muzeut të Forcave të Armatosura

Muzeu i Forcave të Armatosura, i hapur në dhjetor 2023 në Bërzhitë, është një hapësirë moderne ku historia ushtarake shqiptare bëhet e prekshme për çdo vizitor.
Me rreth 3600 objekte muzeale, nga epoka ilire e deri tek Shqipëria në NATO, pavijone për Skënderbeun, Luftën e Ftohtë, periudhën komuniste dhe ushtrinë moderne si dhe ekspozita në natyrë me tanke, artileri, avionë e mjete detare
Mesazhi i drejtorit për brezin e ri: “Një popull që njeh historinë e vet është më i fortë, më i vetëdijshëm dhe më i përgatitur për sfidat e së ardhmes”.
Intervistën e gjeni në gazetën “Ushtria”: https://www.mod.gov.al/publikime/gazeta-ushtria