شمس الله عادل

24/08/2026

“سورة یوسف”
زه به تا د هغو خلکو مخې ته ودروم چې ته یې راغورځولی یې، خو په هغه ورځ به ستا نوم او مقام بل ډول وي.
“سورة البقره”
زما هغو ماتې خوړلو بندګانو ته ووایه چې زه هېڅوک د هغه له وسه زیات نه ازمایم.
“سورة الضحى”
او یقین ولره چې ډېر ژر به ستا رب تا ته دومره درکړي چې ته به خوشحاله شې....




د انسان باور کمزوردی..!
کنېی د الله (ج) هره وعده ریښتینی ده…!

09/08/2026

31/07/2026

تر څو به ځان ورپورې ونښلوو
لمن څنډي اخېرله ګرده ژوندون

19/07/2026

کومه ترقي چي د وسلې په زور په ټولنه کي تحمیل سي هغه دوام نه کوي

17/07/2026

ستا وروستۍ تېروتنه ستا تر ټولو ښه ښوونکې ده.

21/06/2026

هر بنده خپل یې قسمت وي

بو کیشپ وو یو عقاب انډیوالان وه
له وختونو یو له بل سره یاران وه
کیشپ ځای د ډنډ پر غاړه وو نیولی
پلار یې هم دلته کلونه هستېدلی
کله کله به له غاره را بهر سو
په ورو ورو به یو څوګامه په چکر سو
له هغه چي له هګۍ وو را وتلی
له خپل ځایه څخه لیري نه وو تللی
خو لیدل یې چي عقاب له اسمانونو
را کوزیږي تر ښاخو د لویو ونو
سمه غر او ډنډ یې لاندي تر شهپر وو
د وزر په زور پاچا د بحرو بر وو
د کیشپ په برخه لنډي کږې پښې دي
لا هغه هم تر کاسه لاندي درنې دي
له خپل کوره څخه لیري نه سوای تللای
شاوخواته یې دنیا نه سوای لیدلای
همېشه یې وو ارمان د الوتلو
او له پاس څخه دنیا ته د کتلو
کشکي ده هم وزرونه درلودلای
پر ځنګلونو پر ډنډونو ګرځېدلای
هره ورځ به یې عقاب ته دا ویله
دا وینا یې ورته وکړه په څو ځله
چي زه هم غواړم هوا ته سمه پورته
ستا په څېر له پاسه وګورم خپل کورته
زه تر مرګه دلته نه سم پاتېدلای
په دې تنګ محیط کي نه سم اوسېدلای
خو عقاب ورته کول نصیحتونه
چي پرواز لره په کار دي وزرونه
ته خالق یې له کیشپه پیدا کړی
الوتو ته یې وزر نه دی درکړی
بې وزره هیڅوک نه سي الوتلای
زما په څېر په هوا نه سي ګرځېدلای
خو کیشپ ویل خدای یو مالګي تروې دي
زما په زړه له ډېره وخته اندېښنی دي
ته مي یو ځلي کړه پورته زه پوهېږم
چي پاتېږم په هوا کي که رالوېږم
عقاب هم کړ په منګول کي کیشپ پورته
ښه یې لوړ کړ د شینکي آسمان و لورته
چي یې ښه په منګول پورته کړ هواته
کړ له پاسه یې خطا د مځکي خواته
پر ‌ډبرو یې وجود ذرې ذرې سو
خلاص هوا ته د پرواز له اندېښنې سو
چي اسمان ته ځي د بل په وزرونو
عاقبت یې د کیشپ وي د هډونو
چي د بل په وزر پورته سي هوا ته
ډېر ناوخته یې سي پام خپلي خطا ته
چي د بل په وزرونو څوک غولیږي
ژر یا وروسته د مرګي زامي ته لویږي
په ازل کي یې وېشلي قسمتونه
د هر چا په نصیب نه وي شهپرونه
په شهپر چي سلطنت کړي عقابان دي
الوتلو ته جوړ کله کیشپان دي.

عدالباري جهاني
د ۲۰۲۶ کال د اپرېل شلمه، ویرجینیا

03/04/2026

واړه ورځې سره نه دی برابرې
کله درد کله دارو کاندی ایام
څوک چې خپل کسب پریږدی بل کسب نسی
تر هغه نه به بل نه وی عقل خام
«خوشحال خان خټک»