04/03/2026
کام ایر هوايي شرکت وايي چې د هغو مسافرو لپاره چې د اوسنیو حالاتو له امله يې پروازونه کنسل شوي وو، يو ځانګړی پرواز تنظيم کړی دی.
دغه ځانګړی پرواز به نن د مارچ په 4مه نېټه له کابل څخه دوبۍ ته ترسره شي او بېرته به نن شپه د مارچ په 5مه نېټه له دوبۍ څخه کابل ته ترسره شي.
هغه مسافر چې د حالاتو له امله يې پروازونه کنسل شوي وو، اوس کولای شي پرته له اضافي فیس څخه خپل ټکټونه همدغو ټاکل شويو نېټو ته واړوي.
خو بايد يادونه وشي چې ياد شرکت وايي چې که چېرې مسافر خپل ټکټ له دغو ټاکل شويو نېټو څخه نورو نېټو ته بدلوي، نو د شرکت د اصولو له مخې به بيا د تاریخ د بدلون فیس تری اخيستل کېږي.
همداراز که کومه ايجنسي د همدې ځانګړي پرواز لپاره له تاسو څخه اضافي پیسې وغواړي، ورته ووايئ چې له شرکت سره تماس ونيسي.
موږ د کام ایر هوايي شرکت څخه مننه کوو چې د مسافرو غږ يې واورېد، خو غوره به دا وای چې نورو نېټو ته د بدلون اجازه هم پرته له اضافي فیس څخه ورکړل شوې ده.
Ahmad Times
