07/09/2026
🇦🇪 UAE မှာ ကိုယ့် Emirates ID နဲ့ သူများအတွက် SIM Card ဝယ်ပေးမယ်ဆို သတိထားပါ ⚠️
“Visitorပါ… ခုမှ အလုပ်လာရှာတာပါ
SIM Card တစ်ကဒ်လောက် အစ်ကိုရဲ့/အစ်မရဲ့ ID နဲ့ ဝယ်ပေးပါလား” ဆိုပြီး အကူအညီတောင်းလာရင်.... ကိုယ့်အတွက်တော့
“SIM Card တစ်ကဒ်ပဲလေ” လို့ ထင်ရနိုင်ပါတယ်
ဒါပေမယ့် အဲ့ဒီ SIM ကို ဘယ်သူ့နာမည်နဲ့ Register လုပ်ထားလဲဆိုတာက အရေးကြီးပါတယ်
ဒီတော့ ဘာတွေ Risk ရှိနိုင်လဲ?
1️⃣ SIM ရဲ့ Registered Subscriber က ကိုယ်ဖြစ်နေမယ် သူက SIM ကို အသုံးပြုနေတယ်ဆိုပေမယ့် Registration က ကိုယ့် Emirates ID နဲ့ ဖြစ်နေမယ်ဆိုရင် အဲ့ဒီ number က ကိုယ့်နာမည်နဲ့ ဆက်နွယ်နေပါတယ်
2️⃣ အဲ့ဒီ Number ကို ဘာတွေအတွက် သုံးနေလဲ ကိုယ်မသိနိုင်ဘူး Calls, SMS, OTP, Account Verification စတာတွေမှာ အသုံးပြုနိုင်တဲ့အတွက် ကိုယ်မသိတဲ့ activity တွေကြောင့် ပြဿနာဖြစ်လာနိုင်ပါတယ်
3️⃣ သူ UAE ကနေပြန်သွားရင်ရော
“SIM ကို မသုံးတော့ဘူး” ဆိုပြီး ပစ်ထားခဲ့ရင်တောင် ကိုယ့် ID နဲ့ register လုပ်ထားတဲ့ number ဖြစ်နေလို့ ကိုယ်တိုင် စစ်ဆေးပြီး ပိတ်/လွှဲပြောင်းဖို့ လိုအပ်ပါတယ်
4️⃣ အရေးကြီးဆုံး ကတော့ SIM ကို သူ့နာမည်နဲ့ Register လုပ်တာ ပိုလုံခြုံပါတယ် Visitor တွေလည်း UAE မှာ Passport အသုံးပြုပြီး SIM ရယူနိုင်တဲ့စနစ်ရှိပါတယ်
Visitor SIM registration အတွက် မိမိPassport နဲ့ Sim Activation ပြုလုပ်လို့ရပါတယ်
❗️Airport ကပေးလိုက်တဲ့
SIM မဟုတ်ပါဘူးနော်❗️
ဒါဆို Visitor တွေအတွက် ဘယ်လိုလုပ်ပေးသင့်လဲ?
သူ့ Passport နဲ့ သူ့နာမည်နဲ့ SIM Register ပြုလုပ်ပါ ကိုယ့် Emirates ID နဲ့ သူများအတွက် SIM ဝယ်ပေးတာကိုတော့ “ကူညီတာလေးပဲ” ဆိုပြီး လွယ်လွယ်မလုပ်တာ ပိုကောင်းပါတယ်
ပြီးတော့ ကိုယ့် Emirates ID နဲ့ ဘယ် SIM တွေ register ဖြစ်နေတယ်ဆိုတာ မသေချာရင် TDRA ရဲ့ “Hesabati” service ကနေ စစ်ဆေးနိုင်ပါတယ်
UAE မှာ အလုပ်လာရှာတဲ့ Visitor ဖြစ်ဖြစ်၊ Resident ဖြစ်ဖြစ် ကိုယ့် ID ကို သူများအသုံးပြုဖို့ မပေးခင် “နောက်ဆက်တွဲ ဘာဖြစ်နိုင်လဲ?” ဆိုတာ အရင်စဉ်းစားပါ
အကူအညီပေးလိုက်တာကကောင်းပါတယ်
ဒါပေမယ့် ကိုယ့် ID နဲ့ အကူအညီပေးတာကိုတော့ အထူးသတိထားစေချင်ပါတယ်ရှင်🇦🇪