20/09/2026
🚐 Op reis na nêrens
Jeffreysbaai – Donderdag tot Sondag 🌊
Ons reis het rustig voortgegaan, sonder ’n vaste plan of ’n groot bestemming op die horison. Net ons, die karavaan en die pad… op reis na nêrens. 😎🚐
🌿 Donderdag
Ons eerste stop was by Old Nick Village, waar ons eers ’n lekker ontbyt geniet het. ’n Mens kan mos nie op ’n roadtrip wees sonder om plek te maak vir ’n goeie ontbyt nie! 😋
Van daar af is ons Jeffreysbaai toe, waar ons by die karavaanpark kamp opgeslaan het. En wat ’n lekker plek! Ons het ’n pragtige uitsig oor die see gehad en kon sommer net rustig raak en die see geniet. 🌊
Die aand was dit tyd vir ’n lekker ete by Die Walskipper. Pieter het die oxtail gekies en ek het vir die lamtjops gegaan. En moet ek sê… daardie lamtjops was uit die boonste rakke! 👌🥩
Die atmosfeer was net so lekker soos die kos, met ’n knus kaggel wat die aand sommer ekstra spesiaal gemaak het. 🔥 ’n Mens kan darem nie veel beter vra as goeie kos, ’n warm kaggel en die regte geselskap nie.
⛳️ Vrydag
Vrydag was dit tyd om die gholfstokke nader te trek en Jeffreysbaai Gholfklub aan te pak.
Met al die reën was die fairways baie nat en sommige dele was ook lanklaas gesny. Dit het die spel natuurlik ’n bietjie interessanter gemaak! 😂 Maar nietemin het ons lekker gespeel en die dag op die baan geniet.
Later die aand het ons by The Flaming Greek gaan eet. 🍕 Ons het ’n pepperoni-pizza en Cajun chicken wings bestel, en dit was baie lekker!
Die restaurant het ’n lekker moody atmosfeer gehad, perfek vir ’n Vrydagaand ná ’n dag van gholf. 🍕🍗
☀️ Saterdag
Saterdag het ons besluit om die wekker maar ’n bietjie te ignoreer en lekker in te lê. 😴
Geen gejaag nie, geen groot planne nie, net rustig wees en die dag vat soos hy kom.
Ons het later lekker gebraai en vir ’n rukkie selfs die son gesien! ☀️ Na al die reën was dit ’n welkome gesig.
Ons het ook ’n draai by die mall gemaak en sommer net die dag rustig geniet. Partykeer is dit presies wat ’n mens op vakansie nodig het, niks wat moet gebeur nie.
👋 Sondag
En toe is dit alweer Sondag.
Vandag pak ons weer op en vertrek na Sammy, waar ons vir ’n paar dae gaan kuier. 🐶
En so kom hierdie deel van ons klein avontuur tot ’n einde. Van lekker ontbyte, goeie restaurante tot gholf, reën, son en ’n pragtige see-uitsig. Jeffreysbaai het ons beslis goed behandel. 🌊❤️
Die lekker van ’n reis soos hierdie is dat jy nie altyd ’n bestemming nodig het nie. Soms is die beste deel bloot om die pad te vat, nuwe plekke te ontdek en te sien waar die volgende dag jou bring.
So toer ons verder… steeds op reis na nêrens. 🚐💨
Tot volgende keer! 👋❤️
