KhartouMap

07/08/2025

قبل ما تبدا الحرب بأيام بسيطة كنا خلصنا ترسيم شبكة مواصلات الخرطوم كاملة وبنجهزها للنشر عشان الناس تستفيد. زيينا زي ناس ومبادرات كتار كمية الإحباط الدخلتو فينا الحرب لا توصف, الله قادر على كل ظالم. بعد كم شهر كتبنا تقرير ونشرنا الداتا من سكات قلنا ما وقت اعلانات زي دي والناس حرفياً بتموت في نفس الشوارع. لكن بعد شفنا مبادرات كتيرة ظهرت في الأسابيع الفاتت، وكميات من الملهمين بدو يشتغلوا في الخرطوم ويرجعوا جزء من الإحساس بالحياة الطبيعية في عاصمتنا الحبيبة وعقبال كل السودان حبينا نرجع ونساهم بي شغلنا.

شبكة المواصلات الرسمناها في ٢٠٢٣ حيكون شكلها مختلف بعد الحرب, لكن البيانات الإتجمعت بما فيها استبيان شمل الاف الناس من كل انحاء الخرطوم وداتا GIS متكاملة لخطوط المواصلات والمراكز الخدمية Points of Interest من اسواق ومستشفيات ومدارس وجامعات الخ قد تكون مفيدة لي كمية من الناس من مسؤولين وباحثين لي الناس الشغالين في مبادرات على الأرض وطلاب الجامعات البحاولو يعملو مشاريع مفيدة. كل البيانات دي متوفرة بشكل مفتوح على منصة GitHub https://github.com/aabdelhalim/khartoumap وفي تقرير كامل عن شغل ومخرجات المبادرة هنا https://simplebooklet.com/khartoumap =1

بعد ما نشرنا البيانات دي بشكل محدود السنة الفاتت، اتواصل معانا كمية من الناس العندهم افكار ومشاريع الداتا دي بتسمح ليهم يطبقوها، وحالياً بدينا نضيف بعض المشاريع دي في نفس قاعدة البيانات على GitHub. أول مساهمتين حتلقوهم قاعدين هناك:

🚂 دراسة أولية لسكة حديد ضواحي الخرطوم
• دراسة شاملة اتعملت ضمن ماجستير في هندسة النقل الحضري والسكة حديد من جامعة École des Ponts بفرنسا
• بتقترح خط سكة حديد طولو ٣٩ كم، بيشمل ١١ محطة بتربط الضواحي بالعاصمة
• التقرير الاتعمل مفصل جداً (٨٤ صفحة) وبيغطي استخدامات الأراضي، والتحليل المالي، والديموغرافي، وتحليل المخاطر
• مرجع مهم جداً للباحثين ولقادة المواصلات الجايين في الدولة

🚌 تطبيق تفاعلي لعرض خطوط البصات (من الباش مهندس عبدالرحمن مولود)
• تطبيق ويب مدعوم من خرائط قوقل، وبدعم اللغة العربية بشكل كامل
• جاهز للاستخدام، بس محتاج مفتاح API من خرائط قوقل
• بداية ممتازة لأي زول داير يدمج المواصلات العامة في تطبيقات ويب أو موبايل لي اي خدمة أو مبادرة

بتلقوا المشاريع دي كاملة بي الكود والمستندات التابعة ليها وغيرها من المشاريع والتقارير الحتطلع من اي زول اشتغل بي بياناتنا في صفحة المساهمات هنا https://github.com/aabdelhalim/khartoumap/tree/master/contributions

برغم الوجع الحمد لله انو مبادرة خرطوم ماب اتعملت في وقت أتاح لينا نوثق جزء مهم من ماضي الخرطوم الحنستخدمه في بناء المستقبل.

قدّام 🇸🇩✌️

22/05/2023

We want to thank everyone for supporting KhartouMap's Emergency Drive. Together, we have raised $19,115 for medical aid.

from all of us at 💙

30/04/2023

لمن بدينا مبادرة خرطوم ماب السنة الفاتت هدفنا الرئيسي كان انو نقدر ننشئ منظومة بيانات تكون نواة لتطوير جذري وحقيقي للمواصلات العامة. قدرنا نقطع شوط طويل نحو الهدف ده لكن حالياً بلدنا محتاجة أكتر من كده. دعماً للمجهودات الجبارة من تجمع الأطباء السودانيين الأمريكيين نحن في خرطوم ماب حنضاعف أي مبلغ يتم التبرع بيهو عبر الرابط ده لحدي 10,000 دولار (يبقى المجموع 20 ألف). التبرعات حتصل بشكل مباشر لتجمع الأطباء للمساهمة في توفير العلاج والعناية الصحية للناس المتتضررين في فترة النظام الصحي أحوج ما يكون للمساعدات دي. نعتذر لأنو الموقع ما بيقبل التبرعات إلا عبر البطاقات على الشبكات العالمية (Visa, Mastercard, Amex, Discover) الما متاحة بشكل كبير لمتابعننا الجوة السودان.
الرحمة والمغفرة للشهداء وعاجل الشفاء للجرحى وربنا يجمع شمل المفقودين.



الرابط للدعم:
GoFundMe.com/KhartouMap-Sudan-Emergency-Donation-Drive
—-

Sudan is in need of all of our help now. A year ago, we founded the KhartouMap initiativ… Ilham A needs your support for KhartouMap Sudan Emergency Drive

29/04/2023

Here’s how you can help the humanitarian situation in 🚨 KhartouMap Emergency Donation Drive.

Donation Link:
GoFundMe.com/KhartouMap-Sudan-Emergency-Donation-Drive

—-
Description:

A year ago, we founded the KhartouMap initiative to kick-start a much-needed transformation of public transportation in Sudan. Now, Sudan is in need of our help in ways that extend far beyond that purpose. A deadly conflict has broken out between the Sudanese army and a paramilitary group, killing hundreds in the crossfire, with thousands wounded, and widespread destruction and chaos spread throughout our beloved city and country. The situation is very bleak, and threatens to only get worse. People are in dire need for medical supplies, food, shelter, and vital aid. To support in whatever way we can at this time, we’re raising funds to support the ongoing efforts of the Sudanese American Physicians Association (SAPA) who are relentlessly providing front-line support to Sudanese people on the ground. The KhartouMap team will match the first $10,000 in donations to magnify the impact of our community.

Thank you for your generosity in providing urgently needed aid to the beautiful people of Sudan.

Sincerely,
The KhartouMap Team

29/04/2023

Here’s how you can help the humanitarian situation in 🚨 KhartouMap Emergency Donation Drive.

Donation Link:
GoFundMe.com/KhartouMap-Sudan-Emergency-Donation-Drive

—-

لمن بدينا مبادرة خرطوم ماب السنة الفاتت هدفنا الرئيسي كان انو نقدر ننشئ منظومة بيانات تكون نواة لتطوير جذري وحقيقي للمواصلات العامة. قدرنا نقطع شوط طويل نحو الهدف ده لكن حالياً بلدنا محتاجة أكتر من كده. دعماً للمجهودات الجبارة من تجمع الأطباء السودانيين الأمريكيين نحن في خرطوم ماب حنضاعف أي مبلغ يتم التبرع بيهو عبر الرابط ده لحدي 10,000 دولار (يبقى المجموع 20 ألف). التبرعات حتصل بشكل مباشر لتجمع الأطباء للمساهمة في توفير العلاج والعناية الصحية للناس المتتضررين في فترة النظام الصحي أحوج ما يكون للمساعدات دي. نعتذر لأنو الموقع ما بيقبل التبرعات إلا عبر البطاقات على الشبكات العالمية (Visa, Mastercard, Amex, Discover) الما متاحة بشكل كبير لمتابعننا الجوة السودان.

الرحمة والمغفرة للشهداء وعاجل الشفاء للجرحى وربنا يجمع شمل المفقودين.

06/04/2023

ايدينا ي ولد ايدينا للبلد 🇸🇩✌🏽
زي م أعلنا ليكم قبل كده بي فضل مساعدتكم قدرنا نصل لي عدد ممتاز من المشاركات في استبيان التنقل.

كمان خلال فتره الاسبوعين الفاتو ديل فريق خرطوم ماب و بي مشاركة مجموعة من الشباب قاموا بي جمع البيانات من الناس بي صوره مباشرة في محطات المواصلات و المواقف و المناطق الحولها.

بعد ما وصلنا الناس أونلاين وفي المواقف محتاجين مساعدتكم في انو الاستبيان ده يصل لي اكبر عدد من الناس في احياء سكنهم و تعال نوريكم كيف👇🏾:

انحنا في مبادرة خرطوماب حالياً بنعلن عن فرصه للعمل معانا 🤩 و الفرصه دي متاحه لي اي زول/ه حابي يشارك في جمع بيانات الاستبيان دي بي صوره مباشره من الحي الساكن فيهو. البيانات الجمعناها بتورينا أحياء معينة ما وصلتنا منها مشاركات كافية، ف كل المطلوب منك بس تكتب لينا تحت في التعليقات اسم الحي الممكن تشتغل فيهو إذا الحي ده طلع واحد من الأحياء المحتاجين ناس فيها انحنا حنتواصل معاكم بشكل مباشر عشان نوريكم التفاصيل ونرتب للخطوات الجايه.

حنكون منتظرين لي ردودكم و تعليقاتكم تحت و م تنسوا تكلموا ناسكم عشان يجوا و يشاركوا معانا كمان😍.

‏

23/03/2023

فريق خرطوماب بهنئكم بي حلول شهر رمضان المبارك و أعاده الله علينا و عليكم باليمن و الخير و البركات.
رمضان كريم 🌙

22/03/2023

هل انتو عارفين انو لحدي الأن وصلتنا 6000 مشاركة في استبيان التنقل؟؟ واكيد الرقم ده م كان حنصل ليهو من غير دعمكم و مساعدتكم و مشاركاتكم الفعاله 😍

فايده المشاركات في الاستبيان شنو؟ الخريطة التفاعلية الحتلقوها تحت دي مثال بسيط لإستخدامات بيانات الإستبيان، بتوضح مناشئ ووجهات الرحلات للناس الجاوبو على الاستبيان وزي ما شايفين المشاركات الوصلتنا تغطيتها الجغرافية ممتازة كـ بداية لكن لسة محتاجين مشاركات زيادة بالذات من ناس وسط الخرطوم وغرب أمدرمان. وجهات الرحلات الرئيسية لقينا انو معظمها لوسط الخرطوم والمناطق الخدمية (الأسواق، المستشفيات، والجامعات الخ.) وده ياهو سبب الزحمة زاتو 👀

الإستبيان كمان بوفر لينا معلومات أكتر من كده كتير زي زمن الرحلات بين المناشئ والوجهات دي ( سواء بالمواصلات أو المركبات الخاصة)، ووقت الذروة متين وتكلفة ومشاكل خطوط المواصلات البتربط الجهات دي وغيرها. المعلومات دي بالإضافة لي بيانات شبكة المواصلات الجمعناها (الموضحة في أول تعليق) بتوفر أول فرصة حقيقية لدراسة ومعالجة الإشكالات دي وغيرها بشكل علمي ودي المدنية الدايرنها 🇸🇩 و كل ما البيانات دي كميتها زادت المعلومات البتطلع منها فايدتها بتزيد، فـ شنو يا جماعة الما شارك في الإستبيان يشارك والما كلم ناس البيت و شلة الجامعة وناس الحلة وسيد الدكان يكلمهم واللينك للاستبيان ياهو ده 👇

‏https://forms.gle/vkrc74MBV5P6zuLa9

و دايماً خليكم قراب عشان تصلكم اخر اخبارنا و اخبار مشروعنا و كمان عشان تكونوا معانا في الصورة لأنو في الأخر كلنا 🚌

17/03/2023

‎خرطوم ماب في البنك الدولي 🔥

‎القى المدير المشارك لمبادرة خرطوم ماب د. عوض طارق عبد الحليم كلمة أمام مجموعة النقل الرقمي لأفريقيا (Digital Transport for Africa) بمقر البنك الدولي بواشنطون دي سي. تعد هذه المشاركة الثانية من نوعها لمبادرة خرطوم ماب في المحافل الدولية بعد كلمة المديرة المشاركة إلهام علي في مؤتمر المناخ والتنقل المستدام في دكار أواخر العام الماضي. منظومة البيانات الحتطلع من مبادرتنا دايرنها تكون مجرد بداية لمشاريع أكبر لتطوير النقل في الخرطوم وباقي ولايات السودان والمشاركات دي وغيرها الهدف منها تعريف المنظمات والخبراء الدوليين في مجال النقل بالسودان وبي شغل شباب وشابات السودان وإنشاء شراكات تدعم وتساهم في تنفيذ المشاريع المستقبلية.

‎نحن مستمرين في شغلنا، والناس ديل منبهرين جداً بيكم وبي دعمكم وتفاعلكم معانا وبي انو في أقل من إسبوع في أكتر من 6000 منكم شاركو في الاستبيان النشرناهو، قلنا ليهم هو انتو لسة شفتو حاجة؟ 😎

‎أها الباقين كيف؟ مليتو الاستبيان وشاركتوهو ولا لسة؟؟
‎و ده لينك الاستبيان 👇🏾عشان الما ملى لسه يملى و الما شاركوا مع ناسوا يشاركوا

https://forms.gle/vkrc74MBV5P6zuLa9

10/03/2023

سلام يا ناس 😁 كل فترة قاعدين نوريكم شبكة المواصلات الرسمناها وصلت وين وحاليا أعضاء فريقنا قربو ينتهو من جمع بيانات كل الخطوط اللي طلعت أكتر من 300 خط مواصلات 🚌.

زي ما وعدناكم البيانات البنجمعها وحنشاركها في نهاية مبادرتنا ما حتكون خطوط و GIS وبس. دايرين برضو نعرف شكل حركة التنقل داخل الولاية كيف وخطوط المواصلات دي البستخدموها منو والما بستخدموها منو، عشان كده دايرين استبيان حركة التنقل ده يوصل أكبر عدد ممكن من الناس البركبو المواصلات والسايقين على حد سواء.

الاستبيان حياخد منكم زي 4-5 دقائق وما بيطلب منك تسجيل أي معلومات شخصية (اسم أو بريد الكتروني أو رقم هاتف الخ.) فبالتالي لا يمكن ربط أي اجابة على الاسئلة بصاحب\ة الإجابة، حيث هدفنا انو البيانات البنجمعها من خلال الاستبيان ده تكون متاحة مع بيانات شبكة المواصلات الجمعناها وتوفر فرصة حقيقية للباحثين والمختصين لمعرفة حركة التنقل والتركيبة السكانية لمواطني ولاية الخرطوم بشكل عام واحتياجاتهم شنو وكيفية خدمتهم بصورة أفضل.

بالاضافه لي كده كمان دايرين نعرف الناس ساكنين وين وبيمشوا وين والمشاوير بتاخد قدر شنو وبرأيهم مشاكل المواصلات شنو؟
وكمان بالنسبه للناس الما بتركب المواصلات حنكون محتاجين مشاركتكم كمان لان في اسئله مخصصه ليهم داخل الإستبيان و كمان الاستبيان حيتخطى ليهم الاسئله البتتعلق بي استخدام المواصلات بشكل تلقائي.
انحنا عندنا كم خوارزمية بشيلو اسماء الأحياء أو المناطق الحتكتبوها (بالعربي بتاعنا ده) عشان تنزل في الخريطة وخلال الفترة الجاية حنوريكم بصورة مستمرة عن انو الناس البتجاوب على الاستبيان ناس وين والمحتاجين يشدوا حيلهم معانا ناس وين 👀.

في الاسفل في رابط الاستبيان و ياريت تجاوبوا عليهو وتشاركوهو في الفيسبوك والإنستا وفي الواتساب ومع ناس البيت وفرد الجامعة وسيد الدكان و كل دائره معارفكم.

https://forms.gle/vkrc74MBV5P6zuLa9

#

08/03/2023

المرأه هي حكاية العطاء الطويلة التي فاضت على مراحل التاريخ بأجمل القصص.
وفي اليوم المميز ده حابين نتوقف لي لحظة للاحتفال و تقدير جميع النساء المبدعات الكان عندهم بصمة فعالة في قطاع المواصلات و النقل العام في جميع أنحاء العالم وبنتمنى كمان انو تزداد الفرص و ينضم نساء أكتر لي مجالات المواصلات و النقل العام بالاضافة لي مجالات التكنولوجيا و الابتكار بي صوره عامه.

كل عام و انتي مصدر القوة و التألق و الانجاز والالهام بالنسبة
لينا،ودي رسايل من بعض عضوات فريقنا المميزات كرسايل تقدير ليك.


We would like to celebrate and honor all the amazing women out there, keep shining, keep achieving, and keep inspiring!!
On this special day, we would like to take a moment to celebrate all of the extraordinary, courageous, and innovative women who have left an indelible mark on the public transportation sector worldwide and we wish that more women become engaged in the field of transportation, technology, and Innovation and have more access to GIS and remote sensing technologies.

Here are messages from some of our KhartouMap incredible women to you.

09/02/2023

بالتعاون مع 249Startups، يسر جداً فريق خرطوم ماب عن الاعلان عن أول فعاليه تدشين لي مبادرة خرطوم ماب.
و كل الشكر لي ضيوفنا على حضورهم المميز، حيث كان من
الرائع بالنسبه لينا مقابلتهم و تقدير كبير ليهم على دعمهم.

innovative team kicks off their first launching event in partnership with 249Startups.
Where it was a really wonderful to meet our inspiring guests, and a huge accolade to all of them for their support.