07/19/2021
LAU KE ‘OSI KATAKI.
🚧⛔️Uta Mei Tongatapu mahina Epeleli/Me.⛔️🚧
Ko e fanongonongo ‘eni kiate kinautolu kotoa pe ne ‘omi ha’o uta he koniteina ne fa’o ‘i Epeleli/Me, ‘oku oatu ‘a e kole fakamolemole koeuhi ko e fuu fuoloa ‘a hono HOLD ‘ehe CUSTOMs, koeuhi ko ha kii ni’ihi iate kimoutolu ne omi homou uta pea ne mou toe tatala e tepi e kolonitini ‘i Tongatapu ka mou toe fa’o fakalahi homou tangai Ika. Kuo mau ma’u ha tala ko e ngaahi me’atahi kotoa koia ne faka’auha kotoa, te mau post atu pe heni e ngaahi tohi koia. Kataki koeuhi ko homou founga kakaa mo taefaitotonu kuo mou uesia etau ngaue pea ikai ngata ai kae uesia ai e niihi tokolahi ne fakataumu’a mai enau ngaahi maala kiha ngaahi fuafatongia ihe fonua ni, pea pango ‘aki kuo uesia ai e ma’u’anga pa’anga a e ngaahi famili tokolahi ‘i Tonga pea ikai ngata ai kuo omi ai foki mo ha ngaahi totongi makehe kihe ngaahi ngaue ne nau (US Customs) fakahoko. Kaekehe, ko etau koniteina eni kuo fakaataa mai kitu’a pea ‘e anga peheni etau founga ngaue, te mau tuku atu e ngaahi invoice pea te mau fiema’u ke totongi mai homou uta ha houa 24 kimu’a e taimi PICK UP, ko e taimi mo e address e note atu pe ‘i lalo he ngaahi invoice. Ko e toenga e ngaahi fanongonongo kihe ngaahi koniteina mahina Sune mei Tongatapu mo Vava’u fakatokanga’i ange te mau toki update atu e taimi PICK UP iha aho e 2 pe 3 kimu’a pea koeuhi ko e fuu tokolahi hotau kainga kihe fetuutaki telefoni ,oku mau kolea ai ke mou muimui’i ma’u pe etau Facebook , koeuhi oku i loto ni pe etau kau ngaue ne toki osi hono training pea toki fakahu mai kihe peesi ni ihe aho ni ke tali homou ngaahi fehu’i Ihe messenger. Ko e kii reminder atu pe ke mou kataki pe ngaueaki ha ngaahi lea fakaapaapa koeuhi ko etau nofo ko e Tonga. Malo lahi aupito.
Fakaapaapa atu,
Uatangitangi Shipping
