https://www.facebook.com/109674494165086/

出走記 Walk Away Story, 813高雄市左營區蓮潭路9號, Kaohsiung (2026)

23/10/2022

到台灣多次，每次提到高雄，我都不自覺的想起位於左營區的蓮池潭龍虎塔。事關我十分喜歡兩座塔前的龍虎雕像，令我想起小時候爸媽帶我參觀香港的龍虎別墅。

每次參觀兩座塔，我都會走到最高點，待在那層遠眺景觀，恬靜的蓮池潭緩衝高雄市周邊的繁忙，身在其中感到特別寧靜。湖邊近塔更長滿大片的荷花浮萍，幸運的還可看到水雉。

重點一提就是龍虎塔旁邊有一家牛肉店還不錯，那一家叫做三牛牛肉麵，有空可以試試。

24/09/2022

岩岩香港政府話放寬0+3，返香港好彩冇中covid 的話就唔洗被捉去隔離。對比起之前返香港要俾皮幾野隔離21日，真係開心嘅，但都係有被捉的風險。再者，其他國家已經放棄哂口罩，官方隔離，有咩事咪係屋企hea, 香港正苦仲要人0+3真係讓哂賽比身邊友好的國家😇

再講，依家泰國，日元，台幣勁低，又放寬哂防疫政策，身為香港人，心動不如身動😍

見可以出走的時候到啦，Updated 返依個page。我依家飄泊係澳洲北部Queensland 的Townsville。依個鎮好平凡，但要咩有咩，有大學，賭場，貨櫃碼頭（香港都就黎無啦)，機場，海灘，小山丘，紅樹林，馬場，賽車場，軍營etc 都有好多唔同的生物，渣渣下車會見到possum,袋鼠🦘等，依度都有好多鳥點睇雀（但最好要有高身車🥹）但野食就不予置評😅 建議自己煮，慢慢再一一介紹依個平凡的鎮。

09/10/2020

好多人都會鐘意拎澳洲同Nz比較，因為佢地一去會去2個地方打工。而事實上多人會比較鐘意去澳洲生活，對於土生土長的kiwi都係，因為佢地係姐妹國家，基本上沒有任何限制流動，國民流動性極高。佢地鐘意澳洲多d，好大程度上係澳洲除稅後人工高些，夜生活娛樂飲酒文化也比較多，餐飲文化多樣性，生物多樣性，工作就業機會比較多，而對於其他國家的人，澳洲黑工市場比較多，亦相對難被捕，他們選擇到澳洲。我自己就覺得每個人需要的東西不同，無話邊個地方一定好d。

就自己選擇，我一定會選Nz，因為現屆政府做得相當好。例如超市膠袋税費政策，用左2個月就攪掂，香港討論左5至6年先有5毛子膠袋。例如佢要全國強推電子車，就係多個不同露天地方，以至商場內設立電動車充電器，不同香港只靠免首次汽車徵税幾年，政府部門高官轉用電子車就不了了之，只靠商場幫忙。都可以講Nz始終新和大，可以易規劃，但我更重視人民素質。

係2019年基督城清真寺爆炸案，Nz的女領導人第一時間出黎唔係遣責，而係重申Nz係一個能包容各國各種族各宗教文化的國家，邊個係度住，就係Nz的人，去平息犯人想挑起的種族復突。前一個月CNN訪問返受害人家屬，佢完全冇任何要追究的心態，仲話放低左。反觀香港政府日日挑起黃藍陣營爭執，警察勾結鄉黑，拖飛行服務隊落水，唔送陳同佳返台灣，未居住夠7年的新移民有得拎1萬蚊，亂入老師工作紙罪名，仲話要大灣區人投票同推健康碼，真係一國一制算罷啦。

最最最值得講係係2018年Nz通過左只係Pr先可以係Nz買樓自住，以減低樓價俾他人炒高，控制樓價。反觀香港從來你有錢就得，理得你自住定放租定死霸。公屋都係俾親共人士先，冇錢的香港人就住劏房捱貴租。依家攪笑到政府想注資落中國股票市場。我知中國冇錢，但都唔洗甘樣用香港人的錢去甘救中國。放棄恒大，華為，騰信罷啦。

真香港人好慘。

05/10/2020

今日介紹下Nz的Kapiti雪糕🍦依個品牌係Nz都幾common, 出名用生果，果實製作雪糕，係各大超市都應該搵到，但唔係隻隻味道都齊，事關佢係根據果期而新產,淨係得個期有，特別係Feijoa。一種味道好似番石榴甜甜清清的果實，在3,4月結果。

甘多種口味，我地最愛都是Fig and Manuka honey。無花果配上Nz的honey真係絕配。我成日將佢同handmade chocolate banana bread 一齊食，清新得黎又食到少少甜的雪糕加結實的朱古力蛋糕，真係冇得輸。而我一直都冇試反而係朱古力味，因為裡面冇生果鮮味吸引到我。

除左因爲果期新鮮即整外，Nz的牛奶特別好飲都可能令到雪糕超好食。唔係講笑，簡單M記的雪糕都可以食得出香港同Nz有幾大分別。

除左大牌子雪糕，Nz仲有好屬於real fruit ice cream or yogurt 的雪糕店，以至係果園入面都有新鮮雪糕售賣，下次再講下啦。

03/10/2020

Fish and chips 係Nz的常見take away 食物。無論近海定近城市，都好容易揾到一間黎食。當然近海就好可能新鮮d啦，食過最好味的一間炸魚薯條係係最南邊的一個小島steward Island 因該地理位置，個度的Blue cod 又新鮮又大條。炸魚薯條都可以食到鮮味？冇錯！好多炸魚薯條都唔係太用新鮮的魚，而且d油可能唔係第一次炸，仲要有d粉勁厚。要食到一間唔太黃油，又新鮮，外脆內彈的魚塊真係唔係易事。而配菜我多數會選Nz獨有的Kumara甜薯薯角，或者真薯仔薯條。不過每次係海邊都要同d海鳥角力，睇少一陣就會俾d小偷搶走冇仇報。

通常2個人， 2至3條魚，一份薯條都好夠飽，係好junk food feel, 但得閒放縱下都幾開心。除左blue cod, 我地會選snapper, 但一定唔會選冇味難食的hoki

Blue cod 係鐘意躱在岩礁的魚，snapper 都算係coral fish 二者都是肉食性，肉質比較好又唔臭，當然都好睇水質啦。

我成日諗Nz人如果好似我地甘識豉油清蒸魚，一定會好味有營養得多。事關油炸真心麻麻，而且佢地成日劏魚去頭去尾去骨，淨返二面d肉冇哂鮮味冇軟骨冇哂魚的味道。

蒸魚依d真係唔係個個岩，仲要係佢地唔識用筷子🥢。

02/10/2020

放狗見得多，放貓又見過未？依度d人見我拖著隻貓都會笑笑口。冇計啦，依度屋企冇大草地，房出面又有幾隻等rehome 的狗，我隻愛猫的活動空間就只可以係房。所以有太陽我都會早d帶佢出黎曬下太陽，散下步，食下草去下廁所。有時仲可以識下猫朋友同鬧下雀，幾多野做。

見過好多唔同品種的雀，但每日放狗放到好累，都未有時間淨係出去影雀。決定搵日早起身出去影下斯里蘭卡的高山雀。

01/10/2020

中秋佳節，本應該很快樂，但仲有無數香港人下落不明，身死未卜，有的更為公義成階下囚。有的因爲疫情政策身在異地，有家歸不得。

希望香港人大家永遠守望相助，繼續關注各香港人的下落，關心所有身在義鄉的香港人，同時間幫助在港的家人。

今年很難過，但我地一定捱得過！
加油！

27/09/2020

離開左南部Hikkaduwa 海邊的小村落，我地去返中部的山頂。因為冇飛機返屋企又抖左好耐的關係，我地搵左個猫狗收容所的地方做義工，甘就可以同埋我地隻猫猫一齊住。

我地係依度好充實，一起身放猫，訓練下狗，食早餐，之後放狗，放到下午2點幾食飯，再玩下猫猫狗狗，甘就一日。依度的屋主來自德國，佢做好多善事，俾左好多錢出來同d貓貓狗狗做絕育同做手術，仲俾錢其他人照顧動物。佢自己住好少地方，成間屋都係動物，仲狂買地方擴建。我對佢的舉動真係五體投地。我唔係動保膠，雖覺得屋主係，但如果佢覺得佢地生存唔開心，都會將動物安樂死，早前先幫隻殘廢的猫安樂死。點都好，盡人事啦。

依度的政府太廢，對動物問題可以話係做到天一半地一半，好多時候都靠外國人送錢。所以有時候覺得香港政府人道毀滅動物都幾合理，起碼少d流浪狗問題。

係依度我仲做埋vegan，食高級食材，狂食果仁乾果chia, 每日至少跑二轉，行3轉，多過3.5小時，大大話話多過20k，真心減肥訓練營！除左人，猫猫狗狗都食得好高級，我隻猫有羊奶，青魚同小食，應有盡有，肥左好多。

我會努力係依段時間操fit 自己🎈同埋學下點煮d vegan野。好養生。

26/09/2020

深宵post勿入

係Abel Tasman 個度有間叫Fat Tui 的漢堡店，依間小食店的漢堡係我甘大個以黎食過最好食的burger！個水牌有幾種burger 俾你選，如果你想自己DIY都可以。我試過5種口咪，個個都好食，好食在於牛肉夠厚好滑又有汁，樣樣野都勁juicy，有自己整的sauce,成個漢堡勁厚，超足料！仲要即叫即整依下，真係唔知可以厭棄d咩。價錢都係大概10-20蚊nzd，大概100港幣內就有一個5星級的漢堡，有一款仲有blue cheese 真係諗起都想食！仲有牛油果，紅菜頭等等的配搭，加上不同口味的自家製sauce ,對比起中環果d小店，真的一啖就ko！可能nz有好多健康好食食材，唔洗下下import唔新鮮,而且對住個海，食落去都身心愉快些。

食過2次，2次都是特登過黎，差不多開1個小時車單程由市區過去，最後個次食係臨離開南島都要過來光顧下，好野係要花d時間過黎食！希望下次過Nz都可以繼續支持！

26/09/2020

Nz 地面好靚，地底都有好多野玩，好多高手都黎爬cave，依度d cave 的level 分別由bb班開始到大學博士班都有，有整好哂燈加圍欄，到咩都冇未發現都有。有入面全平地，間唔中有水，到全身水，到裂縫都有。有幾米至幾百公里大大小小的cave ，有d人仲可以係cave 入面住返幾日先出黎，又或者係係新界入，九龍出返黎甘，玩法層出不窮，視乎你有冇做功課，技巧同裝備。

我地去依個屬於bb班level，裝哂燈，入面都叫闊落，仲有導覽人員，講返歷史。佢仲係入面唱歌，關燈。依個cave 的特別之處係，係裡面發現已絕種的Nz最大型雀鳥骨頭，Moa 佢地大部分都係俾人類殺害，因為以前d土著鐘意食佢。

24/09/2020

係mouteka都有得玩sky diving, 依樣野係我小學已經想玩，但因為中學時期打ball 打到甩過交，我就乖乖甘係地上面睇我朋友玩。等緊朋友跌返落黎個時都有staff 同我吹水，佢話有人甩過較都照跳，係空中出哂事，唔係個個都好似我甘錫身。我只好笑笑口😪。

由上網book位，到機場，再著equipment，教佢做單腳香蕉pose, 上飛機，再落返黎，成件事都勁smooth。可能我係旁觀者掛，更覺得輕鬆。

朋友話，坐飛機上1萬6千呎望成個Abel Tasman 真係好正，free fall 有d痛，有d離心，之後就係慢慢落黎冇咩野，冇咩特別。

好多人都覺得人生要做的事，做左先覺得冇咩野，冇做的又完全覺得冇問題。係咪真係老左啦？一d都冇個種passion 😉

23/09/2020

Walking on the mount Arthur summit trail

出走記 Walk Away Story

23/10/2022

24/09/2022

09/10/2020

05/10/2020

03/10/2020

02/10/2020

01/10/2020

27/09/2020

26/09/2020

26/09/2020

24/09/2020

23/09/2020

Address

Website

Alerts

Shortcuts

Share