25/04/2026
Salaasa, 15-kii Abriil 1997, intii lagu jiray xajkii sannadlaha ahaa, dab aad u weyn ayaa ka kacay teendhooyinkii Mina (Makkah), taasoo sababtay in ka badan 340 xujaaj ay ku shahiidaan, halka ku dhowaad 1,500 kale ay ku dhaawacmeen.
Maalintii ugu horreysay ee xajka, qiyaastii 2 milyan oo qof ayaa ku sugnaa Mina. Qiyaastii 11:45 subaxnimo, haan gaas (foorno) ah ayaa qaraxday, taasoo dhalisay dab weyn oo ka kacay xeryaha. Dabaysho xoog leh oo gaareysay ku dhowaad 40 mayl saacaddii (64 km/h) ayaa dabka sii hurisay, waxayna ku faafisay teendhooyinkii deriska ahaa. Guud ahaan, qiyaastii 70,000 oo teendho ayaa gubtay.
Masโuuliyiinta Sacuudiga ayaa adeegsaday diyaarado qumaatiga u kaca (helicopters) si ay ula dagaallamaan dabka, iyo sidoo kale in ka badan 300 oo baabuurta dab-damiska ah. Warbaahinta telefishannada ayaa soo bandhigtay baabuur biyo xoog leh ku shubaya xeryaha, iyadoo qiiq madow uu hawada buuxiyay.
Ka dib musiibadii Mina, Boqor Fahad bin Cabdulcasiis ayaa tacsi u diray qoysaska dadkii ku dhintay, isaga oo ku hadlaya magaciisa iyo kan dalkiisa, una diray tacsi gudaha Sacuudiga iyo dibaddiisaba. Sida ay sheegeen diblomaasiyiintu, inta badan xujaajtii dhibaatadu gaartay waxay ka kala yimaadeen Hindiya, Pakistan iyo Bangaladesh.
Dowladda Sacuudiga ayaa malaayiin ku bixisay cilmi-baaris iyo samaynta teendhooyin cusub oo aan dab qabsan karin. Karinta cuntada gudaha goobta xurmada leh waa la mamnuucay, mamnuuciddana ilaa maanta way jirtaa.
Alle ha u naxariisto dhammaan kuwii maalintaas geeriyooday.
