یورپی یونین کا غیر قانونی ہجرت کے خلاف سخت ترین قانون: واپسی مراکز کا قیام
یورپی پارلیمنٹ نے 17 جون 2026 کو مائیگریشن کے حوالے سے ایک انتہائی سخت قانون منظور کیا ہے جس کے تحت اب رکن ممالک کو ایسے پناہ گزینوں کو ڈی پورٹ کرنے کے وسیع اختیارات حاصل ہو گئے ہیں جن کی پناہ کی درخواستیں مسترد ہو چکی ہیں۔ اس نئے قانون کے تحت یورپی یونین سے باہر غیر یورپی ممالک میں مخصوص واپسی مراکز قائم کیے جائیں گے جہاں غیر قانونی طور پر مقیم پناہ گزینوں کو بھیجا جا سکے گا۔ یورپ بھر میں تارکین وطن کے خلاف بڑھتے ہوئے عوامی رجحانات اور دائیں بازو کی سیاسی جماعتوں کی مقبولیت کے پیش نظر یہ سخت اقدامات اٹھائے گئے ہیں۔ اگر کوئی بھی غیر ملکی شہری کسی یورپی ملک میں غیر قانونی طور پر مقیم پایا گیا تو اس کے لیے فوری طور پر یا دی گئی مخصوص مدت کے اندر یورپی یونین چھوڑنا لازمی ہوگا۔ پناہ کی درخواست مسترد ہونے کی صورت میں پناہ گزینوں کو یورپی یونین کے ساتھ معاہدہ کرنے والے تیسرے ممالک میں قائم ان ریٹرن ہبز میں منتقل کیا جا سکتا ہے جہاں انسانی حقوق اور بین الاقوامی قوانین کا احترام کیا جاتا ہو۔ اس نئے قانون کے تحت اگر کوئی فرد مقامی حکام کے ساتھ تعاون نہیں کرے گا یا سیکیورٹی کے لیے خطرہ ثابت ہوگا تو اسے حراست میں بھی لیا جا سکتا ہے۔ یورپی حکام کا مؤقف ہے کہ ان نئے قوانین کا مقصد بنیادی حقوق کا احترام کرتے ہوئے غیر قانونی تارکین وطن کی واپسی کے طریقہ کار کو تیز اور آسان بنانا ہے
Be the first to know and let us send you an email when Al Azhar Trading posts news and promotions. Your email address will not be used for any other purpose, and you can unsubscribe at any time.
