26/09/2026
میں نے اپنی زندگی نے بہت سے سجدے کیے ہیں کبھی من چاہی خواہشات کے حصول کے لئے اور کبھی سکون کا متلاشی بن کر.... کبھی دولت کی لالچ میرا ماتھا زمین پر ٹیک دیتا ہے تو کبھی دنیا کی ٹھوکروں سے عاجز آکر سجدوں میں رو دیتا ہوں... آخرت کے امتحان کو بھلا کر دنیاوی امتحانات میں کامیابی کے لئے کبھی لمبے سجدے کرتا ہوں اور کبھی مدینے میں مکاں کے حصول کیلئے تڑپتے ہوئے سجدے میں گر جاتا ہوں کبھی شفاء پانے کے لئے اور کبھے درد سے نجات کیلئے سجدوں میں رویا ہوں... کبھی سچے رشتوں کے حصول کیلئے سجدوں میں رویا ہوں تو کبھی اچھے نصیب کیلئے بھی سجدوں میں گڑگڑایا ہوں.
لیکن
اس ایک سجدے کو بھول گیا جس سجدے نے مجھے ان تمام سجود کی سعادت بخشی ہے ... آہ ! یا رب میں کیسے بھٹک گیا
اللّٰه پاک کے رنگ میں رنگنے اپنے تمام سجود و وجود کو اس ایک ذات پر وارنے اور اسکی محبت میں تڑپ کر اسکو حا صل کرنے کا سجدہ میں کیسے بھول گیا؟
بس ایک سجدے کا سوال ہے مولا ؟
اتنی سی میری التجا ہے مولا
اک ایسا سجدو عطا ہو کہ میں اپنا آپ بُھلا بیٹھوں
ایسے سجدے کا طلبگار ہوں مولا کہ جس سجدے سے کبھی سر نا اُٹھے
آمین
