25/09/2019
BYAHE
Sa byahe ng buhay na ito, anoman ang mangyari sa iyo, o may maengkwentro ka sa kalagitnaan ng byaheng ito, kailangan mo pa din magpatuloy sa paglalakbay.
Minsan, sa ating paglalakbay ay may sasabay sa atin na tila parang siya na ang makakasama natin sa byaheng ito, ngunit kalauna'y iiwan din tayo, dahil ayaw nila ang landas na tinatahak natin.
O kaya naman, may sasabay naman sa ating byahe sa buhay na ito, na tulad ng isang pasaherong lokal lang ang byahe niya, ito yung pang malapitan lang ang byahe. Makakasama natin ng saglit, pero mawawala o aalis din bigla sa piling natin.
At meron din namang sasabay sa byahe mo na anoman ang mangyari sa inyong dalawa ay sasamahan ka pa din hanggang dulo. Yan ang masarap makasama habang naglalakbay tayo sa buhay na ito. Pagdating sa destinasyon ay bababa kayo ng magkahawak-kamay at magsasama kayo kahit doon.
Pero ito lang ang masasabi ko, anoman ang dumating sa byahe ng buhay na ito, tumuloy ka lang. Hindi naman nawawala sa byahe ang pagdaan sa lubak o kaya maipit sa traffic. Similarly sa ating buhay, kahit anong pagsubok o hamon ang maengkwentro natin, tuloy ka lang, huwag kang huminto. At higit sa lahat, ienjoy natin ang byahe ng buhay na ito, hanggang sa tayo ay makarating sa ating tunay na destinasyon ng buhay na ito --sa piling ng Ama.
09-25-2019
