Монголын төмөр зам ТӨХК

20/05/2026

ҮЙЛ АЖИЛЛАГААНЫ ШУУРХАЙ БАЙДАЛ, ДОТООД ЗОХИОН БАЙГУУЛАЛТЫГ САЙЖРУУЛАХ ЧИГЛЭЛ ӨГЛӨӨ

🔸 “Монголын төмөр зам” ТӨХК-ийн Гүйцэтгэх захирлын зөвлөлийн ээлжит шуурхай хуралдаан боллоо. Хуралдаанаар компанийн газар, хэлтэс, нэгжүүдийн 2026 оны тавдугаар сарын ажлын гүйцэтгэл, ирэх сард хэрэгжүүлэх арга хэмжээний талаар хэлэлцэж, санал солилцов.

🔸 Мөн компанийн бүтэц, дүрэм журам болон программ хангамжийн шинэчлэлийн ажлыг эрчимжүүлэх, хөрөнгийн тооллого, өр төлбөрийн зохицуулалт, ажилтнуудын нийгмийн асуудал, тээврийн аюулгүй байдлыг сайжруулах чиглэлээр холбогдох ажлын хэсгүүдийг байгуулан ажиллах үүрэг чиглэл өглөө.

🔸 Түүнчлэн байгууллагын дотоод зохион байгуулалт, үйл ажиллагааны уялдаа холбоог сайжруулах, хэрэгжүүлж буй ажлуудын үр дүн, шуурхай байдлыг нэмэгдүүлэхэд анхаарч ажиллахыг нийт газар, нэгжүүдэд даалгалаа.

15/05/2026

"Монголын төмөр зам" ТӨХК-д
Ажилд урьж байна.
⨀ Та https://www.lambda.global/companies/wwwmtzgovmn
холбоосоор нэвтрэн цахимаар анкет бөглөх эсвэл компанийн байранд ирж бөглөх боломжтой.
⨀ Хаяг: Сүхбаатар дүүрэг, 1-р хороо, 13-р хороолол, Нарны зам-62, Юнион төв Б блок 7 давхарт
Утас: 70006464
Анкет хүлээн авах сүүлийн хугацаа: 2026.06.15

15/05/2026

"Монголын төмөр зам" ТӨХК-д
Ажилд урьж байна.
⨀ Та https://www.lambda.global/companies/wwwmtzgovmn
холбоосоор нэвтрэн цахимаар анкет бөглөх эсвэл компанийн байранд ирж бөглөх боломжтой.
⨀ Хаяг: Сүхбаатар дүүрэг, 1-р хороо, 13-р хороолол, Нарны зам-62, Юнион төв Б блок 7 давхарт
Утас: 70006464
Анкет хүлээн авах сүүлийн хугацаа: 2026.05.19

14/05/2026

ЧАЙНА ЭНЕРЖИ ГРУППИЙН ДЭД ЗАХИРАЛ ТӨМӨР ЗАМЫН ТЭЭВЭРЛЭЛТИЙН ҮЙЛ АЖИЛЛАГААТАЙ ТАНИЛЦЛАА

🇲🇳🇨🇳 БНХАУ-ын Чайна энержи группийн Дэд захирал, Монгол Улстай хэрэгжүүлэх эрчим хүчний хамтын ажиллагааны ажлын хэсгийн дарга Кан Фөнвэйгээр ахлуулсан төлөөлөгчид “Монголын төмөр зам” ТӨХК-ийн төмөр замын тээвэрлэлтийн үйл ажиллагаатай танилцлаа.

🌀 Төлөөлөгчдийг Засгийн газрын хэрэгжүүлэгч агентлаг Төмөр замын газар болон “Монголын төмөр зам” ТӨХК-ийн удирдлага, холбогдох албаныхан хүлээн авч Гашуунсухайт, Тавантолгой өртөө, Шилжүүлэн ачих терминалын үйл ажиллагааг танилцуулав.

🌀 "Монголын төмөр зам" ТӨХК болон “Чайна Энержи Коксжих нүүрс (Тяньжин)” ХХК хооронд байгуулсан урт хугацааны хамтын ажиллагааны гэрээгээр нүүрс тээвэрлэлтийг 2025 оны 06 дугаар сарын 24-ний өдөр эхлүүлсэн бөгөөд өнөөдрийн байдлаар тус чиглэлд 6 сая тонн ачаа тээвэрлээд байна.

14/05/2026

300 ТЭРБУМ ТӨГРӨГИЙН “MTZ БОНД”-ЫГ ЗАХ ЗЭЭЛД АМЖИЛТТАЙ АРИЛЖААЛЛАА

💎 “Монголын төмөр зам” ТӨХК нь стратегийн ач холбогдол бүхий бүтээн байгуулалтын төслөө санхүүжүүлэх зорилгоор нийт 300 тэрбум төгрөгийн үнийн дүн бүхий “MTZ бонд”-ыг дотоодын хөрөнгийн зах зээлээс амжилттай татан төвлөрүүлсэн.

💎 Энэхүү бонд нь Монгол Улсын түүхэнд төрийн өмчит компани анх удаа өөрийн хөрөнгөөр баталгаажуулан гаргасан санхүүгийн хэрэгсэл болж байгаагаараа онцлог юм. Бондыг жилийн 17 хувийн хүүтэйгээр хөрөнгө оруулагчдад санал болгож, арилжааг "Тэнгэр Капитал" үнэт цаасны компанитай хамтран зохион байгууллаа.

🤝 Бондын арилжаа амжилттай болсонтой холбогдуулан "Тэнгэр Капитал" ҮЦК-ийн удирдлагууд өнөөдөр Зам, тээврийн сайд Б.Дэлгэрсайхан болон “Монголын төмөр зам” ТӨХК-ийн Гүйцэтгэх захирал О.Батчулуун нартай уулзаж, хамтын ажиллагаанд талархал илэрхийлэн дурсгалын зүйл гардууллаа.

💎 Тус санхүүжилтийг Багахангай–Хөшигийн хөндий–Эмээлт чиглэлийн төмөр замын бүтээн байгуулалтын ажилд зарцуулах бөгөөд цаашид олон улсын банк, санхүүгийн байгууллагуудаас бага хүүтэй, урт хугацааны хөрөнгө оруулалт татах замаар уг бондыг хугацаанаас нь өмнө буцаан худалдан авч, санхүүгийн зардлыг оновчлох төлөвлөгөөтэй ажиллаж байна.

💎 Энэхүү үйл явдал нь дотоодын хөрөнгийн зах зээлийн багтаамжийг нэмэгдүүлэх, томоохон дэд бүтцийн төслүүдийг зах зээлийн зарчмаар санхүүжүүлэх шинэ гарцыг нээж өгсөн ач холбогдолтой алхам боллоо.

13/05/2026

🔸"Монголын төмөр зам" ТӨХК 2026 онд өөрийн эзэмшлийн төмөр замын суурь бүтцээр 5 сая тонн ачаа тээвэрлээд байна.

12/05/2026

БАГАХАНГАЙ-ХӨШИГИЙН ХӨНДИЙ-ЭМЭЭЛТ ЧИГЛЭЛИЙН ТӨМӨР ЗАМЫН ТӨСӨЛ ТӨЛӨВЛӨГӨӨНИЙ ДАГУУ ҮРГЭЛЖИЛЖ БАЙНА

🔸“Монголын төмөр зам” ТӨХК-ийн хариуцан хэрэгжүүлж буй “Багахангай-Хөшигийн хөндий-Эмээлт” чиглэлийн төмөр замын төслийн бүтээн байгуулалтын ажил төлөвлөгөөний дагуу эрчимтэй үргэлжилж байна.

🔸Доод бүтцийн ажил

Төслийн II үе шат болох ПК87+850–102+850 хэсэгт гүйцэтгэгч байгууллагууд түр зам, талбайн гарц байгуулах, хөрс хуулалт, ухмал, далангийн ажлыг хийж байна. Инженерийн зураг төслийн дагуу ухмалын хажуу налууг 1:1.5 харьцаатай, 8 метр өндөр, 4 метр тавцантайгаар гүйцэтгэж байгаа бөгөөд тээврийн хэрэгслийн хөдөлгөөнд саад учруулахгүй байхаар төлөвлөжээ.

🔸Дээд бүтцийн ажил

ПК7+000–ПК16+200 хэсэгт бетон дэр угсралтын ажил үргэлжилж байна. “Улаанбаатар төмөр зам” ХНН нийт 75 вагон буюу 3,375 м³ хайрга татан авчирснаас 691 м³ балласт буулгажээ.
Мөн нийт 4,066 м³ чулуу бутлах төлөвлөгөөтэй ажиллаж байгаа ба 540 м³ балласт үйлдвэрлэн бэлтгээд байна.

🔸Дам нуруут гүүрийн ажил

ПК43, ПК66, ПК68 дахь гүүрийн байгууламжуудад тулгуурын буцаан дүүргэлт, диафрагмын арматурчлал, хэв хашмал угсралт, хүчитгэсэн хавтан цутгалт, газар хөдлөлтийн дампер суурилуулалт болон налуугийн бэхэлгээний ажлууд үе шаттайгаар үргэлжилж байна.

🔸Бараа материал татан авалт

Төслийн хүрээнд “Улаанбаатар БҮК” ХХК-аас нийлүүлэхээр төлөвлөсөн 128,610 ширхэг дэрнээс 90,064 ширхэгийг хүлээн аваад байна. Эдгээрийг Багахангай–Хөшигийн хөндий чиглэлийн төмөр замын бүтээн байгуулалтад ашиглаж байна.

12/05/2026

🔸“Монголын төмөр зам” ТӨХК нь “Чайна энержи коксжих нүүрс” (Тяньжин) ХХК-тай байгуулсан урт хугацааны гэрээгээр Тавантолгой-Гашуунсухайт чиглэлд 2025 оны 06 дугаар сарын 24-ний өдрөөс өнөөдрийг хүртэл нийт 6,000,000 тонн нүүрс тээвэрлэлээ.

12/05/2026

#ШУУД | “Монголын төмөр зам” ТӨХК-ийн гүйцэтгэх захирал О.Батчулуун цаг үеийн асуудлаар мэдээлэл хийж байна.

12/05/2026

11/05/2026

“МОНГОЛЫН ТӨМӨР ЗАМ” ТӨХК 5800 МОД ТАРЬЖ “ТЭРБУМ МОД” ХӨДӨЛГӨӨНД НЭГДЛЭЭ

☘ Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөний хүрээнд Өмнөговь аймгийн Цогтцэций сумын Засаг даргын Тамгын газар болон Байгаль орчны газраас зохион байгуулсан “Байгальд хайртай хүн бүрийн өдөр” арга хэмжээнд орон нутагт үйл ажиллагаа явуулж буй аж ахуйн нэгж, байгууллагууд идэвхтэй оролцлоо.

☘ Уг арга хэмжээнд “Монголын төмөр зам” ТӨХК-ийн Тавантолгой болон Цогтцэций өртөөний нийт 55 ажилтан оролцож, Цогтцэций сумын төв цэнгэлдэх хүрээлэнгийн орчимд 2,800 ширхэг модны суулгац тарьж, усалгаа арчилгааны ажлыг хийж гүйцэтгэлээ.

☘ Мөн эдгээр өдрүүдэд ШУА-ийн Биологийн хүрээлэнтэй хамтран “Тавантолгой-Зүүнбаян” чиглэлийн төмөр зам дагуу 3000 модны суулгац тарив.

☘ “Монголын төмөр зам” ТӨХК нь 2026 оны хаврын мод тарих ажлын хүрээнд Тавантолгой–Гашуунсухайт, Тавантолгой–Зүүнбаян чиглэлийн төмөр замын дагуу нийт 18,000 мод тарихаар төлөвлөн ажиллаж байна.

☘ Байгаль орчныг хамгаалах, цөлжилтийг бууруулах, ногоон хөгжлийг дэмжих зорилгын хүрээнд “Монголын төмөр зам” ТӨХК цаашид мод тарьж, арчлан ургуулах ажлыг тогтмол хэрэгжүүлэн ажиллах болно.