Автотээвэрт чанар

14/08/2026

14/08/2026

Гоё уу?

https://www.facebook.com/share/p/1BpyEfgeFY/?mibextid=wwXIfr

20/05/2026

Дэлхийн хэмжил зүйн өдрийн мэнд хүргэе!

📌 Тэртээ 1875 оны энэ өдөр шинжлэх ухаан, худалдаа, үйлдвэрлэлээрээ тэргүүлэгч 17 улс Дэлхий даяар нэгдсэн нэг хэмжлийн системтэй байх нь техникийн хөгжлийн суурь мөн гэдэг дээр санал нийлж, "Метрийн хэлэлцээр"-т гарын үсэг зурснаар жил бүрийн 5 дугаар сарын 20-ны өдрийг Дэлхий нийтээрээ "Хэмжил зүйн өдөр" болгон тэмдэглэдэг уламжлалтай.
📌Судалгаагаар автотээврийн салбарт үйл ажиллагаа явуулж байгаа иргэн, аж ахуйн нэгж, байгууллагад нийт 1200 гаруй хэмжих хэрэгсэл ашиглагдаж байгаа ба эдгээр хэмжих хэрэгслийн үнэн зөв, баталгаатай байдлаас автотээврийн хэрэгслийн техникийн бэлэн байдал, зорчигчдын амь нас, аюулгүй байдал, байгаль орчны тэнцвэр ихээхэн шалтгаалдаг.
📌Салбарынхаа хөгжлийг миллиметрийн нарийвчлалаар түүчээлж, иргэдийн аюулгүй зорчих нөхцөлийг бүрдүүлж буй нийт инженер, техникийн ажилчид, хэмжил зүйч та бүхэндээ "Бодлого тодорхойлоход итгэлийг бий болгоно" уриан дор тэмдэглэж буй Дэлхийн хэмжил зүйн өдрийн халуун мэндчилгээг дэвшүүлье!

📌Алтан шар зам тань өлзийтэй байх болтугай.

05/05/2026

Зам, тээврийн яамнаас олон улсын автотээврийн сүлжээнд Монголын тээвэрчдийн оролцоог нэмэгдүүлэх, тээвэрлэлтэд тулгарч буй техникийн саад, тотгорыг бууруулах чиглэлээр олон ажлуудыг санаачлан хэрэгжүүлж байна.
Үүний нэг нь “Олон улсын автотээвэрлэлт гүйцэтгэх тээврийн хэрэгслийн багийн ажлын тухай Европын хэлэлцээр(AETR)-ийг соёрхон батлах тухай Монгол Улсын хууль 2022 онд батлагдан тус хэлэлцээрт Монгол Улс нэгдэн орсон явдал юм.
Хэлэлцээрийн хэрэгжилтийг хангах бэлтгэл ажлын хүрээнд 2026 оны 5 сарын 5 –ны өдрийн Автотээврийн стандартчиллын техникийн хороо/ТХ-15/ -ны хурлаар дараах стандартуудыг хэлэлцэн баталлаа.
🎯 MNS ISO 16844-1:2026
Автотээврийн хэрэгсэл. Тахограф систем.
1-р хэсэг: Цахилгаан механик бүрэлдэхүүн
хэсэг
🎯MNS ISO 16844-2:2026 Автотээврийн хэрэгсэл. Тахограф систем. 2-р хэсэг: Бүртгэлийн хэсгийн холболт
🎯MNS ISO 16844-3:2026 Автотээврийн хэрэгсэл. Тахограф систем. 3-р хэсэг: Хөдөлгөөн мэдрэгч хэсгийн холболт
🎯MNS ISO 16844-4:2026 Автотээврийн хэрэгсэл. Тахограф систем. 4-р хэсэг: Дэлгэцийн хэсгийн холболт
🎯MNS ISO 16844-6:2026 Автотээврийн хэрэгсэл. Тахограф систем. 6-р хэсэг: Оношлох/хянах хэсгийн холболт
🎯MNS ISO 16844-7:2026 Автотээврийн хэрэгсэл. Тахограф систем. 7-р хэсэг: Параметр

29/04/2026

ГОССТАНДАРТ БАЙГУУЛЛАГААС ЗОХИОН БАЙГУУЛЖ БУЙ ЦАХИМ СУРГАЛТАД УРЬЖ БАЙНА

🔹 Монгол Улс болон Евразийн эдийн засгийн холбоо, түүний гишүүн орнуудын хооронд байгуулсан худалдааны түр хэлэлцээрийн хүрээнд бараа бүтээгдэхүүн экспортлоход шаардлагатай мэдээлэл хүргэх зорилгоор ГОССТАНДАРТ-аас зохион байгуулж буй сургалтад та бүхэн хамрагдана уу...

🔹Сургалтаар Евразийн эдийн засгийн холбооны хүнсний бүтээгдэхүүн, тэр дундаа мах, сүүн бүтээгдэхүүнд мөрдөгдөх техникийн зохицуулалт (TR/CU)-ын талаар мэдээлэл өгнө.

Хугацаа: 2026 оны 4 дүгээр сарын 29-ний өдөр (Лхагва гараг)

Цаг: Москвагийн цагаар: 10:00–13:00
Улаанбаатарын цагаар: 15:00–18:00

Анхаарах зүйлс:
• Холболтын дээд тоо: 100 оролцогч
• Орос хэл дээр явагдах бөгөөд англи хэлний орчуулгатай байна.

📌 Сургалтад нэвтрэх холбоос:
https://my.mts-link.ru/j/53848207/18665444364

29/04/2026

🔗"MNS 1-1:2021, Монгол Улсын үндэсний стандартчиллын тогтолцоо. 1-р хэсэг: Техник ажлын журам" стандартын дагуу аливаа салбарын стандартчиллын асуудал зохицуулагдаж байдгийг та бүхэн дээ дуулгахын хамт Стандарт, хэмжил зүйн газрын даргын 2026 оны А/81 дүгээр тушаалаар Автотээврийн стандартчиллын техникийн хороо/ТХ-15/-ны бүрэлдэхүүн шинэчлэн батлагдсаныг мэдэгдэе.
🤝Салбарын чанарын дэд бүтцийг бэхжүүлэх замаар аюулгүй, үр ашигтай тээврийн төлөө хамтдаа.

29/04/2026

🛠️ Автотээврийн хэрэгслийн их бие /кузов/ -ийн засвар, үйлчилгээ нь зөвхөн гоо зүйн асуудал биш бөгөөд зам, тээврийн ослын үед жолооч, зорчигчийн амь насыг хамгаалах, гэмтлийн зэргийг буруулах чухал хүчин зүйл юм байна шүү.
☝️ "MNS 6970:2022 Автотээврийн хэрэгслийн их биеийн засвар, үйлчилгээ. Ерөнхий шаардлага"
Ангилалын код 43.020

24/04/2026

📍Та бүхэн дээ энэ өдрийн мэнд дэвшүүлэхийн хамт энэхүү хуудасны чиг үүрэг цаашид салбарын чанарын дэд бүтцийн чиглэлээр танин мэдэхүй, мэдээллийн шинж чанарыг агуулан өөрчлөгдөж байгааг мэдэгдье.
📍Монгол Улсын Үндсэн Хуулийн 16 дугаар зүйлийн 16.2 дах хэсэгт Монгол улсын иргэн эрүүл, аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах эрхтэй хэмээн тунхагласан байдаг.
📍Аливаа салбарын болон салбар дундын хуулиар үндсэн хуулийн дээрх заалтыг хангах харилцаа зохицуулагддаг ба манай салбарын хувьд Автотээврийн тухай хууль, Стандартчилал, техникийн зохицуулалт, тохирлын үнэлгээний итгэмжлэлийн тухай хуулиар автотээврийн хэрэгсэл, түүний ашиглалт болон тээвэрлэлтийн байдлаас хүний эрүүл мэнд, хүрээлэн буй орчинд үзүүлэх сөрөг нөлөөллийг бууруулах харилцаа зохицуулагддаг билээ.
📍Автотээврийн салбарын бүтээгдэхүүн, үйлчилгээ тогтоосон стандарт, шаардлагыг хангаж байгааг нотлоход шаардлагатай стандартчилал, хэмжил зүй , итгэмжлэл, тохирлын үнэлгээ (хяналт шалгалт, сорилт, бүтээгдэхүүн болон тогтолцооны баталгаажуулалт) зэрэг нь салбарын чанарын дэд бүтцийг бүрдүүлэх бөгөөд цаашид чанарын дэд бүтцийн талаарх ойлголт, мэдээллийг олон нийтэд хүргэхэд энэхүү хуудасны зорилго оршино.
📍Хөгжингүй орнуудын хувьд зах зээлд нийлүүлж байгаа тээврийн үйлчилгээний чанар, аюулгүй байдал хангагдсан эсэхийг тухайн үйлчилгээнд холбогдох стандарт, техникийн зохицуулалтын шаардлага, тохирлын үнэлгээ, хяналтын механизмын тогтолцоог харгалзан тодорхойлдог бөгөөд эдгээрийн үндсэн дээр аливаа гэрээ, хэлцэл байгуулагдаж байна.
📍Салбарын чанарын дэд бүтцийг цаашид олон улсын жишигт хүргэж боловсронгуй болгох замаар автотээврийн салбарын бүтээгдэхүүн, үйлчилгээний чанар, аюулгүй байдлыг хангаж, улс орны эдийн засгийн өрсөлдөх чадварыг нэмэгдүүлсэн дэд бүтцийн томоохон салбар болон өргөжин хөгжих их ерөөлийг нийт тээвэрчид дээ өргөе.