14/07/2026
ဇူလိုင်၁၇ရက်မှစတင်မည့် ယာဉ်မောင်းလိုင်စင်သက်တမ်းတိုးခြင်းအား Online စနစ် အသုံးပြုရာတွင် အများပြည်သူမှ သိရှိလိုက်နာရမည့် စည်းကမ်းချက်များ
Jul 14, 1:07 PM
ဇူလိုင်၁၇ရက်မှစတင်မည့် ယာဉ်မောင်းလိုင်စင်သက်တမ်းတိုးခြင်းအား Online စနစ် အသုံးပြုရာတွင် အများပြည်သူမှ သိရှိလိုက်နာရမည့် စည်းကမ်းချက်များမှာ အောက်ပါအတိုင်းဖြစ်သည်။
ကုန်းလမ်းပို့ဆောင်ရေးညွှန်ကြားမှုဦးစီးဌာနရှိ နေပြည်တော်ရုံး၊ ခရိုင်ရုံး(ရန်ကုန်အရှေ့ပိုင်း)၊ ခရိုင်ရုံး(ရန်ကုန်အနောက်ပိုင်း)၊ ခရိုင်ရုံး(ရန်ကုန်တောင်ပိုင်း)နှင့် ခရိုင်ရုံး(ရန်ကုန်မြောက်ပိုင်း)၊ ခရိုင် ရုံး(မန္တလေးတောင်ပိုင်း)နှင့် ခရိုင်ရုံး(မန္တလေးမြောက် ပိုင်း)ရုံးများ၏ သက်တမ်းမကုန်ဆုံးမီ ရက်ပေါင်း ၉၀ အတွင်း “ခ”၊ “ဂ”၊ “ဃ”၊ “င” ယာဉ်မောင်းလိုင်စင်များကိုသာ Online စနစ်ဖြင့် ကြိုတင်သက်တမ်းတိုး ဆောင်ရွက်နိုင်မည်ဖြစ်သည်။
မြန်မာ့အာမခံလုပ်ငန်းတွင် သူတပါးထိခိုက်မှု အာမခံကြေးပေးဆောင်ထားပြီးဖြစ်သည့် ယာဉ်မောင်းလိုင်စင်များကိုသာ Online စနစ်ဖြင့် သက်တမ်းတိုးဆောင်ရွက်နိုင်မည်ဖြစ်သည်။
Online စနစ်ဖြင့် ယာဉ်မောင်းလိုင်စင်သက်တမ်း တိုးဆောင်ရွက်ရာတွင် လိုင်စင်ဓာတ်ပုံ Upload ပြုလုပ်ရမည်ဖြစ်ပြီး စုစုပေါင်းဖိုင် Size မှာ 10 MB(Max) သာရှိရပါမည်။ လိုင်စင်ဓာတ်ပုံမှာ
(က) နောက်ခံအပြာရောင်၊ (၆)လအတွင်း ရိုက်ကူးထားသောဓာတ်ပုံ၊ (ခ) အမျိုးသား ကော်လံပါအင်္ကျီ(စပို့ရှပ်၊ တီရှပ်မဖြစ်ရ)၊ အမျိုးသမီး လည်မဟိုက်ရ
(ဂ) နားရွက်နှစ်ဖက်လုံးပေါ်ရမည်။ မျက်နှာကို ရှင်းလင်းစွာပေါ်ရမည်။
(ဃ) ဓာတ်ပုံကို ပကတိအရှိအတိုင်းပုံဖြစ်ရမည်။ (င) ပြင်ပပုံဖြင့်မတူညီအောင် AI ဖြင့် ပြန်လည် ပြင်ဆင်ထားသည့်ပုံများမဖြစ်ရ။ (စ) Selfie ပုံမဖြစ်စေရ။
ယာဉ်မောင်းလိုင်စင်သက်တမ်းမကုန်ဆုံးမီ ရက်ပေါင်း ၉၀ အတွင်း Online စနစ်ဖြင့် ကြိုတင်သက်တမ်းတိုးဆောင်ရွက်နိုင်သည်။
ယာဉ်မောင်းလိုင်စင်သက်တမ်းကုန်ဆုံးသည့်နေ့ ရက်၌ Online စနစ်ဖြင့် သက်တမ်းတိုး ဆောင်ရွက်ပါက လိုင်စင်သက်တမ်းကုန်ဆုံးမည့် ရက်၊ လ၊ ခုနှစ်၏ နေ့လယ် ၀၂ နာရီ ၅၉ မိနစ်အထိသာ Online စနစ်ဖြင့် သက်တမ်းတိုးဆောင်ရွက်နိုင်မည်ဖြစ်သည်။ (ယာဉ်မောင်း လိုင်စင်သက်တမ်းကုန်ဆုံးသည့်နေ့ ရက်သည် အစိုးရရုံးပိတ်ရက်မဖြစ်ရပါ။)
Online စနစ်ဖြင့် ယာဉ်မောင်းလိုင်စင်သက်တမ်းတိုးဆောင်ရွက်ပြီး အစိုးရရုံးဖွင့်ရက် (၃)ရက်ပြည့်ပြီးနောက်တွင် သက်ဆိုင်ရာရုံးသို့ သွားရောက်၍ လိုင်စင်ကတ်အဟောင်းနှင့် ငွေသွင်း Receipt တို့ တင်ပြပြီး လိုင်စင်ကတ်အသစ်ကို ထုတ်ယူရန်ဖြစ်သည်။
သက်တမ်းတိုးပြီးဖြစ်သည့်လိုင်စင်ကို သက်ဆိုင်ရာရုံးတွင် ရက်ပေါင်း(၃၀)အထိသာ ထိန်းသိမ်းထားမည်ဖြစ်ပြီး သတ်မှတ်ရက်ကျော်လွန်ပါက ပျက်စီးစာရင်းသွင်းပြီး ဖျက်စီးသွားမည် ဖြစ်သည်။
ယာဉ်မောင်းလိုင်စင်ကတ် အဟောင်းနှင့် အသစ် လဲလှယ်ရာ၌ လူစားထိုးဓာတ်ပုံလဲလှယ်ခြင်း၊ ကတ် အတု တင်ပြခြင်း၊ ကတ်အဟောင်းမတင်ပြနိုင်ခြင်း၊ ကတ်ပျက်စီးနေခြင်း စသည့် သံသယဖြစ်စရာ တစုံတခုရှိပါက ယာဉ်မောင်းလိုင်စင်ကတ်အသစ်ကို ထုတ်ပေးမည် မဟုတ်ဘဲ ပေးသွင်းပြီးသွားသော ငွေများသည်လည်း နိုင်ငံတော်ဘဏ္ဍာသို့ ဝင်သွားပြီဖြစ်၍ ပြန်လည်ထုတ်ပေးမည်မဟုတ်ပါ။
Online စနစ်ဖြင့် ယာဉ်မောင်းလိုင်စင် သက်တမ်းတိုးပြီးလိမ်လည်၍ လိုင်စင် (၂)ကတ် ကိုင်ဆောင်ထားခြင်းကိုတွေ့ရှိရပါက ယာဉ်မောင်းလိုင်စင်ကို ပိတ်သိမ်းမည်ဖြစ်သည်။
ယာဉ်မောင်းလိုင်စင်သက်တမ်းတိုးခြင်းအတွက် Online Payment ငွေပေးချေရာတွင် ဘဏ်ဝန်ဆောင်ခကို အသုံးပြုသူမှပေးဆောင်ရမည်။
(၅)နှစ်ကျော် သက်တမ်းပြတ်နေသော လိုင်စင်များ၊ သက်တမ်းကျော်လွန်နေသော လိုင်စင်များ၊ ပျောက်ဆုံး/ပျက်စီးလိုင်စင်များ၊ လိုင်စင်အချက်အလက်ပြင်ဆင်လိုသည့် လိုင်စင်များ၊ နေရပ် လိပ်စာပြောင်းလိုသည့်လိုင်စင်များ ဝန်ဆောင်မှုရယူလိုပါက ပုံမှန်ဆောင်ရွက်နေသည့်အတိုင်း သက်ဆိုင်ရာရုံးသို့ သွားရောက်ဆောင်ရွက်ရမည်ဖြစ်သည်။
ရဲမှုဆိုင်ရာကိစ္စရပ်များ၊ ယာဉ်တိုက်ခိုက်မှု ကျူးလွန်ထားသော တားစာရင်းမှတ်တမ်းဝင်ဖြစ် သည့်လိုင်စင်များကို Online စနစ်ဖြင့် သက်တမ်းတိုး ဆောင်ရွက်၍မရပဲ သက်ဆိုင်ရာရုံးသို့ သွားရောက်၍ ဆောင်ရွက်ရမည်ဖြစ်သည်။
နိုင်ငံခြားသား မြန်မာလိုင်စင်ကိုင်ဆောင်ထားသူများအနေဖြင့် 'ခ' လိုင်စင် (B License) တမျိုးတည်းကိုသာ Online စနစ်ဖြင့် သက်တမ်းတိုး ဆောင်ရွက်နိုင်သည်။
ယာဉ်မောင်းလိုင်စင်သက်တမ်းတိုးအတွက်Application ဒေါင်းရန် link မှာ
https://play.google.com/store/apps/details?id=com.mm_mngjv_rtad
#ယာဉ်မောင်းလိုင်စင်
#ကညန
ုန်းလမ်းပို့ဆောင်ရေးညွှန်ကြားမှုဦးစီးဌာန
