17/05/2025
(အဲ့ဒါ ဖားအံမြို့)......
ဘားအံ(ဖားအံ)မြို့သည် ကရင်ပြည်နယ်၏လှပသော
မြို့တစ်မြို့ဖြစ်သည်။အလှဆုံးမြို့လည်းဖြစ်သည်။
လှပြီလှမှတော့ဖြင့် ဇွဲကပင်တောင်ကစပြီးလှသည်။
မြုမှုန်မဆိုင်းပေမယ့် တိမ်ဖြူပျံဝဲနေ၍
တစ်မျိုးလှသည်။
နွေဦးရောက်မှ လှသည်မဟုတ်။
မိုးဦးရောက်လည်း လှသည်။
ဆောင်းဦးရောက်လျှင် ပိုလှသည်။
ပိုလွမ်းမောဖွယ် ကောင်းသည်။
လှပသောဇွဲကပင်တောင်အောက်တွင်
လှပသောချစ်သူမြိုင်ပန်းခြံရှီသည်။.
တစ်နည်းအားဖြင့် ချစ်သူစုံတွဲပန်းခြံလို့လည်းခေါ်သည်။
ဟုတ်ပါသည်။
ဘားအံမြို့သည် လှသည်။
အလွန်လှသည်။အခြားမြို့တွထက်
ပိုလှသည်။တကယ်တမ်းလည်းလှသည်။
မိမိ၏မြို့ဖြစ်၍ကြွားပြောခြင်းမဟုတ်ပေ။
လူဆိုသည့် သတ္တဝါသည်
ကိုယ့်ရပ်ကိုယ့်ရွာကိုယ့်ဇာတိကို
ခုံမင်နှစ်သက်တတ်ကြသည်။
မိမိဇာတိကိုလည်း အခြားဇာတိတွေထက်
ပိုလှသည်ဟုခံယူတတ်ကြသည်။
ရှေးလွန်လေပြီးသောအခါက
ရသေ့ကြီးဦးနရိန္ဒသည် ရှင်ဘုရင်၏ကြည်ညိုမူကြောင့်
နန်းတွင်းမြို့တော်ဥယျာဉ်တော်တွင် ရှင်ဘုရင်က
သီးတင်းသုံးတော်မူစေသည်။
သို့သော် ရသေ့ကြီးမှာ
သူ့ဇာတိမဟုတ်၍လားမသိ။
နေလို့မပျော်သည့်အပြင် သူ့အတွက်
မွန်းကြပ်မူတစ်ခုလို ခံစားရသည်။
စားမဝင်အိပ်မပျော်၍ ခန္ဓာကိုယ်လည်း
ချုချာလာသည်။
ဒါကိုရှင်ဘုရင်သိတော့
ရသေ့ကြီး၏ဆန္ဒအတိုင်း ဟိမဝန္တာတောင်တန်းကို
ပြန်သီတင်းသုံးတော်မူစေသည်။
ရသေ့ကြီးလည်း သူ့ဇာတိမှာ
သူ့တပည့်သားတွေနဲ့ချမ်းချမ်းမြေ့မြေ့နေကာ
နဂိူမလအတိုင်း အသားအရေစိုပြင်လာခဲ့သည်။
ပုံပြင်က မဆုံးသေးပါဘူး။
ပြောချင်တာကတော့
သတ္တာဝါဆိုသည့်.သက်ရှီသားတွေဟာ
အခြားဇာတိတွေထက်ကိုယ့်ဇာတိမွေးရပ်မြေမှာ
ပိုပြီးပျော်ရွှင်နှစ်သက်ကြတယ်ဆိုတာပါပဲ။
ထို့အတွက်ကြောင့်
မိမိမြို့ရဲ့အလှအပတွေကိုလည်း
ကြွေးကြော်ချင်ပါသည်။
အခြားသူတွေလာလည်နိုင်လည်း
မျှဝေအသိပေးချင်ပါတယ်။
အဲ့သည်မျှမကပဲ
ငွေမကုန် ကြေးမကုန်ပဲ
မြတ်ကုသိုလ်အဖြစ်
စတုဒီသာအခမဲ့ကိုလည်း
ကျောက်ကလပ်နှင့်တောင်ဝိုင်းတွင်
လာရောက်သုံးဆောင်နိုင်ပါကြောင်း
ထပ်လောင်းအသိပေးချင်ပါသည်။
မေတ္တာဖြင့်......
သုယဉ်ညို
