10/09/2026
ဒီနေ့တော့ ကလေးလည်းကြိုက် ၊ လူကြီးတွေလည်းကြိုက်ကြတဲ့ မြန်မာလို ဖက်ထုတ်ကြော် တရုတ်လို （鍋貼）ဂျပန်လို ぎょうざ (Gyōza)) လို့ခေါ်တဲ့ဖက်ထုတ်လုပ်နေတာလေးပါ။ ဖက်ထုတ်လုပ်တဲ့အရွက်ကတော့ တရုတ်တန်း ၁၇ လမ်းမှာဝယ်လို့ရပါတယ် ၊ ပါဝင်ပစီည်းတွေကတော့ကြက်(သို့) ဝက်သား ၊ ဂေါ်ဖီထုတ် ၊ ကြက်သွန်မိတ် (သို့) ကုချိုင် တို့ပါ ၊ အသားကို ကြိတ်စက်နဲ့ကြိတ် ဂေါ်ဖီကိုလည်းကြိတ်စက်နဲ့ကြိတ် ပြီးရင်တော့ ဂေါ်ဖီကရေကိုနာနာညှစ်ထားပေးပါ မဟုတ်ရင် အစားတွေနဲ့ရောနယ်တဲ့အခါ ရေတွေထွက်လာပြီးထုတ်လို့မကောင်းတော့ပါ ၊ ကြက်သွန်မိတ် (သို့) ကုချိုင်ကိုလည်း သေချာလှီးပေးထားပါ ၊ ပြီးရင်အသား ဂေါ်ဖီ ကုချိုင်တို့ကို အကုန်ထည့်ပြီးရောနယ်ပေးပါ အရသာအတွက်ကတော့ ကိုယ်လုပ်မယ့် အရေအတွက်ပေါ်မူတည်ပြီး ဆား အရသာမှုန့်တို့ကိုလိုသလိုထည့်ပေးပါ ၊ နောက်ထည့်ရမယ့် အရေးကြီးဆုံးအရာများကတော့ ဆီမွှေး ၊ ငရုတ်ကောင်းမှုန့် ၊ ကော်မှုန့်အနည်းငယ် ၊ ပဲငံပြာရည် ထည့်ပြီးသေချာနှံ့စပ်အောင်နယ်ပေးပါ၊ ပြီးရင် ဖက်ထုတ်ရွက်နဲ့ ကိုယ့်စိတ်ကြိုက်ပုံစံထုပ်နိုင်ပါတယ် ၊ ထုတ်ပြီးသွားတဲ့ဖက်ထုပ်များကိုချက်ချင်း စားသုံလို့ရသလို အကောင်းဆုံးကတော့ ရေခဲသေတ္တာအခဲခန်းထဲမှာ ထည့်ထားပြီးနောက်ရက်မှ စားမလောက်ကို မကပ်အိုးထဲမှာစီရီပြီးထည့် ရေကို ဖက်ထုတ်ဖင်မြုပ်လောက်အောင် အနည်းငယ်ပဲထည့် စားဆီကလည်းထမင်းစားဇွန်းတဇွန်းလောက်ပဲထည့် အဖုံးအုပ်ထားပြီး ရေခမ်းသွားရင် ဖက်ထုတ်ဖင်ဘက်အခြမ်းကိုလှန်ကြည့်ပြီး အညိုရောင် သန်းရင် ကိုယ်နှစ်သက်ရာ အချဥ်ရည်နဲ့စားသုံးနိုင်ပါပြီ။ တရုတ်တန်းမှာရောင်းတာကတော့ တပွဲ တစ်သောင်းကျော်ပါတယ်။ လုပ်ပြီးသားပုံလေးကိုတော့ comment မှာပုံတင်ပေးထားပါတယ်။
#ကောင်းရှယ်
#ぎょうざ (Gyōza)
#鍋貼
#ဖက်ထုတ်
