28/04/2020
مشروع قانون 20-22
سميناه مشروع حيث مزال خاص المصادقة عليه وغادي نهضر قبل مانجيب الربحة ديال الحد الأقصى 3 سنوات سجنا و عقوبة مالية تصل الى 50000 درهم هنا غادي يبان ليكم أن السياسيين دياولنا ممحتاجينش وسائل التواصل الاجتماعي كايفكرو فينا حيث شي دراسات عاد خرجات بينات بلي فمدة الحجر الصحي الناس كايستعملوا الهواتف بشكل كبير غادي اخرجو على عينيهوم وهما كايسهرو على صحة المواطن بالاضافة الى مثلا خونا مول التفاح عفوا مول الحامض كلا تفاحة فدرب سلطان سوق نتا لي فميدلت لي كايبقى التفاح غا مرمي أولا أنا لي معنديش الطموبيل ماشي سوقي فالمازوط غالي، رخيص البرميل 5 دولار ولا كثر لا خاصني ندخل سوق راسي أنا أصلا الحليب مكانستهلكوش من غير الى شميت الغبرة كانشرب كاس الله اجعلو اكون حتى ب 10 دراهم كانشوف الاشهار ديتلو غا فالتلفازة مرة مرة وشكون أنا نقول البرامج ديال دوزيم خايبين ياك عندي السلسة ديال بريكينباد ولاكاصا فالحاسوب أوزايدون الى شعلتها غا باش دير الضجيج تونسني فالكوزينة باش نغوت على الفاتورة ديال الكهرباء ياك أنا لي شعلتها أوشديت الصبحيات نشوف قفطان بلادي فين وصل سمعت أيديرو التكشيطة بغيت نشوف شي موضيل للمدام حيث فاش كاتمشي تجيب الدراري من المدرسة خاصها تبان على صحباتها فهمتي علاه هاد الجلابة لي فصلو فمجلس المستشرين ماشي غادي اعرضوها فالغرفة باش إلبسوها لينا على حساب الدوق ديالهوم على مسمعت رئيس الحكومة خياط صحيح الجلابة ديالكوم دايرة 50000 درهم 3 سنوات عاد باش تلبسها بغيتيها بالغوز ولا الكحل ............ ........
هذه الأسطر تخربيقة نقدرو نسميوها تراجيديا لحياتنا في المغرب نعيش السكيزوفرينية بامتياز في جميع القطاعات
