07/07/2025
ශ්රී ලංකාවට වාහන ආනයනයේදී වැදගත්වන LC (Letter of Credit) එකක් විවෘත කිරීම සහ මොකක්ද මේ JAAI සහතිකය? 🚗✅
Letter of Credit (LC) එකක් විවෘත කරන ආකාරය සහ JAAI (Japan Auto Appraisal Institute) සහතිකය ලබා ගන්නේ කොහොමද කියලා ශ්රී ලංකාවට වාහනයක් ආනයනය කරන විට මේ දෙක ඉතා වැදගත්. ඉතින් අපි එකින් එක බලමු! 👉🏻
අහ්... 😌 LC (Letter of Credit ) එක සහ JAAI certificate (Japan Auto Appraisal Institute) ගැන විස්තර කිරීමට ප්රථම වාහනයක් ආනයනය කිරීමේදී විකුනුම්කරු (Exporter) සඳහන් කරන CIF Value එක යනු මොකක්ද කියලා විස්තර කරන්නම්.. 😉 මොකද එය දන්නේ නැත්තම් LC එක ගැන කතා කිරීමෙන් තෙරුමක් නැතිවෙනවා..
මොකක්ද මේ CIF Value එක කියන්නේ?🤔
👉🏻 CIF (Cost, Insurance and Freight) යනු ජාත්යන්තර වෙළඳාමේ භාවිතා වන Incoterm එකකි. එයින් අදහස් වන්නේ භාණ්ඩවල මිල (Cost) 💰, රක්ෂණය (Insurance) 🔰, සහ ගමනාන්ත වරාය දක්වා භාණ්ඩ ප්රවාහනයේ පිරිවැය (Freight)🚢 යන සියල්ල විකුණුම්කරු විසින් ආවරණය කරන බවයි. CIF යටතේ, විකුණුම්කරු භාණ්ඩ ගමනාන්ත වරායට යැවීම, රක්ෂණය සැපයීම සහ ඒ සඳහා වන පිරිවැය ගෙවීමේ වගකීම භාර ගනී. එහෙත්, භාණ්ඩ නැව්ගත වූ පසු, ඒවායේ අයිතිය ගැනුම්කරුට හිමි වන අතර, ගමනාන්ත වරායේ සිට ඉදිරි පිරිවැය මෙයට ඇතුලත් වන්නේ නැහැ (උදා: රජයේ බදු, රේගු බදු, ප්රවාහනය) ගැනුම්කරු භාර ගැනීමක් තමා මෙහිදී වෙන්නේ
හරි දැන් අපි ඊළඟ වැදගත් කොටසට යමු...
Letter of Credit (LC) එකක් කියන්නේ මොකක්ද? 🤔
�👉🏻 වාහන ආනයනයේදී Letter of Credit (LC) යනු ආනයනකරු (ගැනුම්කරු) හා අපනයනකරු (විකුණුම්කරු) අතර ගනුදෙනුවේ ආරක්ෂාව සහතික කිරීමට භාවිතා වන වැදගත් මූල්ය ලේඛනයකි. ජාත්යන්තර වෙළඳාමේදී, විශේෂයෙන් වාහන වැනි ඉහළ වටිනාකමක් සහිත භාණ්ඩ ගෙන්වීමේදී, LC එක බහුලව භාවිතා වේ. මෙමඟින් ගැනුම්කරුට භාණ්ඩ නිවැරදිව ලැබෙන බවත්, විකුණුම්කරුට ගෙවීම් ලැබෙන බවත් මෙහිදී සහතික කෙරෙනවා ☺️
වාහන ආනයනයේදී LC එක භාවිතය කොහොමද බලමු:
1️⃣ LC ප්රධාන කාර්යය කුමක්ද:
▪️LC එක මඟින් ආනයනකරුගේ බැංකුව (Issuing Bank) විසින් විකුණුම්කරුට ගෙවීම සහතික කරයි, එයට එකඟ වූ ලේඛන (Bill of Lading, Invoice, Certificate of Origin, වාහනයේ තත්ත්ව පිරික්සුම් වාර්තා ආදිය) ඉදිරිපත් කිරීමෙන් පසුවයි.
▪️ ආනයනකරුට වාහනය නිවැරදිව ලැබුණු බව සහතික වන අතර, විකුණුම්කරුට ගෙවීම පිළිබඳ විශ්වාසයක් ලැබෙනවා
2️⃣ වාහන ආනයනයේදී LC එකේ භූමිකාව:
▪️ ආරක්ෂාව: වාහන වැනි ඉහළ වටිනාකමක් සහිත භාණ්ඩ ගෙන්වීමේදී, ගැනුම්කරුට වාහනයේ තත්ත්වය, පිරිවිතර (specifications), හා ලේඛන නිවැරදි බව LC එක මඟින් සහතික කරනවා.
▪️ ශ්රී ලංකාවේ රේගු ක්රියාවලිය: ශ්රී ලංකාවේ රේගු සේවයට LC එක ඉදිරිපත් කිරීමෙන් වාහන ආනයනයේ නීත්යානුකූලභාවය සහ ගෙවීම් තත්ත්වය තහවුරු කළ හැකිවෙනවා.
▪️ ගෙවීම් කළමනාකරණය: LC එක මඟින් ගෙවීම් නියමිත කාලයකට (උදා: Sight LC හෝ Usance LC) ගෙවීමට හැකිවීමෙන් ආනයනකරුට මුදල් ගලනය පාලනය කළ හැකිය.
3️⃣ වාහන ආනයනයට අදාළ LC වර්ග කිහිපයක්:
▪️ Irrevocable LC: වාහන ආනයනයේදී බහුලව භාවිතා වේ. එකඟතාවකින් තොරව LC එක වෙනස් කළ හෝ අවලංගු කළ නොහැක.
▪️ Sight LC: වාහනය ලැබුණු විගස ලේඛන ඉදිරිපත් කිරීමෙන් ගෙවීම සිදුවේ.
▪️ Usance LC: වාහනය ලැබුණු පසු නියමිත කාලයකට (උදා: 30, 60, 90 දින) පසු ගෙවීම සිදුවේ.
▪️ Confirmed LC: ආනයනකරුගේ බැංකුවට අමතරව විකුණුම්කරුගේ බැංකුවද ගෙවීම සහතික කරයි, විශේෂයෙන් ඉහළ අවදානමක් ඇති ගනුදෙනුවලදී මෙය භාවිතවෙනවා.
4️⃣ LC එකකට ඇතුළත් විය යුතු Documents:
▪️ Commercial Invoice: වාහනයේ විස්තර (මාදිලිය, වර්ගය, වටිනාකම).
▪️ Bill of Lading (BL): වාහනය නැව්ගත කිරීමේ ලේඛනය.
▪️ Certificate of Origin: වාහනය නිෂ්පාදිත රට.
▪️ Inspection Certificate: වාහනයේ තත්ත්වය තහවුරු කිරීම (උදා: JEVIC/JAAI වාර්තාව)
▪️ Packing List: භාණ්ඩ පිළිබඳ විස්තර.
▪️ Insurance Certificate: වාහනයට රක්ෂණ ආවරණය.
5️⃣ වාහන ආනයනයේදී LC භාවිතයේ ක්රියාවලිය:
▪️ ආනයනකරු හා අපනයනකරු ගනුදෙනුවට එකඟ වේ (වාහනයේ මාදිලිය, මිල, බෙදාහැරීමේ කොන්දේසි).
▪️ ආනයනකරු (importer) තම බැංකුවෙන් LC එකක් ඉල්ලා සිටියි.
▪️ බැංකුව LC එක නිකුත් කර අපනයනකරුගේ (Exporter) බැංකුවට යවයි.
▪️ අපනයනකරු වාහනය නැව්ගත කර, LC එකේ සඳහන් ලේඛන බැංකුවට ඉදිරිපත් කරයි.
▪️ ලේඛන නිවැරදි නම්, බැංකුව ගෙවීම සිදු කරයි, ආනයනකරුට (importer) වාහනය ලැබෙන අතර, රේගු ක්රියාවලියට LC එක ඉදිරිපත් කළ හැක.
👉🏻 දැන් අපි බලමු LC එකක් විවෘත කරන ආකාරය:
පළමුව බැංකුවක් තෝරා ගැනීම:
ශ්රී ලංකාවේ Commercial Bank, Seylan Bank, Bank of Ceylon, හෝ Standard Chartered වැනි බැංකු LC පහසුකම් සපයනවා. ඔබේ ගිණුම තිබෙන බැංකුවෙන් ආරම්භ කල හැක බැංකුව සමග සාකච්ඡා කරගන්න.
1️⃣ ගෙන්වීමට අවශ්ය වාහනයේ Documents ලබා ගන්න:
▪️ Purchase Invoice: වාහනයේ වටිනාකම සහ විස්තර සහිත බිල්පත.
▪️ Export Certificate: වාහනයේ ලියාපදිංචි කළ දිනය (age limit එක තහවුරු කිරීමට).
▪️ Bill of Lading: නැව්ගත කිරීමේ ලේඛනය.
▪️ JAAI සහතිකය: ජපානයෙන් එන වාහන සඳහා (මේ ගැන ලිපිය අවසානයේ විස්තර කර ඇත).
▪️ Import License: Controller of Imports & Exports වෙතින් ලබා ගත යුතුයි, විශේෂයෙන් වයස අවුරුදු 2 ඉක්මවූ වාහන සඳහා.
2️⃣ බැංකුවට ඉල්ලුම් කරන්න:
▪️ බැංකුවේ Imports Department එකට ගිහින් LC එකක් විවෘත කිරීමට ඉල්ලුම්පතක් පුරවන්න.
▪️ බැංකුව ඔබෙන් cash margin (100%ක් හෝ ඊට අඩු) ඉල්ලා සිටිය හැකියි.
▪️ ලියකියවිලි හරියට තිබුණොත්, බැංකුව LC එක නිකුත් කරනවා, ඒ ඔස්සේ ගෙවීම් සිදුවෙනවා.
▪️ LC එකේ වාහනයේ shipment date, payment terms, සහ අවශ්ය ලියකියවිලි සඳහන් වෙනවා.
3️⃣ අවසානය: අදාල බැංකුවේ ඔබ Exporterට ගෙවන Vlue එක ඒ කියන්නේ මම මුලින් සදහන්කල CIF Value එක ඔබගේ බැංකුවෙන් Exporter ට ගෙවීම තමා අවසානයේදී සිදුවන්නේ CIF Value එක අපි උදාහරණයක් ලෙස ගමු 9500$ ඒ කියන්නේ ජපානයෙන් එම මුදලට Used හෝ Brand New වාහනයක් මෙරට වරායට ගෙන්වීමට යන සම්පූර්ණ මුදල.. මෙම මුදල ශ්රී ලංකා රුපියල්වෙලින් ඔබගේ බැංකුවේ තැන්පත්කල යුතුවෙනවා. ( උදා: 303 LKR x 9500 $ = 2,843,255.00 LKR ) 303 LKR යනු ඇ. ඩොලයරක ශ්රී ලංකා වටිනාකම උදාහරණයක් ලෙස.
JAAI සහතිකය යනු?🤔
👉🏻 JAAI (Japan Auto Appraisal Institute) යනු ජපානයේ රජයේ අධීක්ෂණය යටතේ පවතින ආයතනයක්. JAAI සහතිකය යනු ජපානයෙන් ආනයනය කරන භාවිතා වාහනවල ගුණාත්මකභාවය සහතික කිරීම සඳහා භාවිතා වන Document එකක්. මෙය 1966 දී ජපානයේ ජාත්යන්තර වෙළඳ හා කර්මාන්ත අමාත්යාංශයේ සහ ප්රවාහන අමාත්යාංශයේ අනුමැතිය යටතේ පිහිටුවන ලද JAAI ආයතනය විසින් නිකුත් කරනු ලබයි. ශ්රී ලංකාවට ආනයනය කරන සෑම ජපන් වාහනයකටම Road Worthiness Inspection සහතිකයක් JAAI වෙතින් ලබා ගත යුතුයි. මෙයින් තහවුරු වන්නේ වාහනය ආරක්ෂිතව ධාවනය කළ හැකි බවයි.
JAAI සහතිකය ලබා ගන්නේ කෙසේද?
1️⃣ විශ්වාසවන්ත ජපන් අපනයනකරුවෙකු තෝරා ගන්න:
▪️ SAT Japan, Be Forward, SBT Japan වැනි වෙබ් අඩවි හරහා ඔබට වාහන තෝරා ගත හැකියි.
▪️ ඔබ තෝරා ගන්නා exporter ට JAAI inspection එක සිදු කරන්න පුළුවන්දැයි තහවුරු කර ගන්න.
2️⃣ Inspection එක සිදු කිරීම:
▪️ Exporter ඔබ තෝරා ගත් වාහනය JAAI ආයතනයට ඉදිරිපත් කරනවා.
▪️ JAAI විසින් වාහනයේ තත්ත්වය, ආරක්ෂාව, සහ තාක්ෂණික ගැටලු පරීක්ෂා කරනවා.
▪️ Inspection එක සමත් වුණාම, JAAI සහතිකය නිකුත් කරනවා.
3️⃣ සහතිකය ලබා ගැනීම:
▪️ JAAI සහතිකයේ මුල් පිටපත ඔබට එවනවා, එය රේගු නිෂ්කාශනයට අවශ්යයි.
▪️ මෙය LC ගනුදෙනුවටත් බැංකුවට අවශ්ය වන ලියකියවිල්ලක්.
දැන් අපි බලමු JAAI සහතිකයේ විශේෂත්වයන් මොනවාද කියලා 🤔
1️⃣ වාහනයේ තත්ත්ව පරීක්ෂාව:
▪️ වාහනයේ බාහිර හා අභ්යන්තර තත්ත්වය (උදා: Seat Belt, Chassis , Paint and Condition) පරීක්ෂා කරනු ලබයි. Engine, Brake, Tyres, සහ වාහනයේ ආරක්ෂිත උපකරණ ආදිය රටවල්වල ආරක්ෂණ ප්රමිතීන්ට අනුකූලදැයි මෙහිදි බලනවා. Odometer (කිලෝමීටර ගණකය) වෙනස් කර නැති බවද තහවුරු කෙරෙනවා.
2️⃣ අව්යාජ බව තහවුරු කිරීම:
▪️ JAAI සහතිකයේ චැසි අංකය, එන්ජින් අංකය, සහ සහතික අංකය ඇතුළත් වේ. මෙම තොරතුරු භාවිතා කරමින් සහතිකයේ අව්යාජ බව තහවුරු කළ හැකිවෙනවා.වාහනයේ Windscreen එකේ ඇලවූ JAAI ස්ටිකරයක් තිබිය යුතුයි, එහි “Odometer Certified” ලෙස සඳහන් වෙනවා.
3️⃣ සහතිකය තහවුරු කරගන්නේ කොහොමද:
▪️ JAAI සහතිකයේ විස්තර තහවුරු කිරීමට, චැසි අංකය සහ සහතික අංකය භාවිතා කර JAAI වෙබ් අඩවිය හරහා හෝ ආයතනයට ඍජුව යොමු කර පරීක්ෂා කළ හැක. නමුත් මෑතකදී JAAI සහතික තොරතුරු මහජනතාවට ඔන්ලයින් හරහා ලබා ගැනීම සීමා කර ඇති බැවින්, ඔබට සහතිකයේ පිටපතක් ඉදිරිපත් කරමින් JAAI ආයතනයට ඊමේල් මගින් විමසීමක් කළ හැකිය JAAI documents වල ජායාරූප [email protected] ලිපිනයට email එකක් යැවීම තුලින්ද JEVIC documents නම් https://ecert.jenesis-it.com/odo link එක ඔස්සෙ ගොස් chasis no. එක enter කිරීමෙන්ද verify කරගත හැකියි.
විකුණුම්කරු සහතිකයක් ලබා දීම ප්රතික්ෂේප කරන්නේ නම් හෝ සහතිකයක් නැතැයි පවසන්නේ නම්, එය ඔබට රතු එළියක් ලෙස සලකන්න 🔴🔴🔴 ( මෙය ලංකාවට ගෙන්වූ වාහනයකටද අදාළ වේ )
4️⃣ මෙහි වැදගත්කම:
ශ්රී ලංකාව වැනි රටවල JAAI සහතිකය රේගු අනුමැතිය සඳහා අවශ්ය වේ. එය නොමැතිව වාහනය රේගුවෙන් නිදහස් කිරීමට ගැටලු ඇති විය හැක. මෙම සහතිකය මගින් වාහනයේ ඉතිහාසය (උදා: අනතුරු, ගංවතුර ආදිය) සහ Odometer අව්යාජ බව තහවුරු කරයි, එමගින් ගැනුම්කරුට විශ්වාසයක් ලබා දෙනවා. කෙසේ නමුත් JAAI සහතිකය තිබුණත්, එය ව්යාජ හෝ වෙනස් කළ හැකි බැවින් එය තහවුරු කිරීම ඉතා වැදගත් වෙනවා මම කලින් සදහන් කල පරිදි ඔබගේ විකුණුම්කරු විසින් චැසි අංකය හෝ එන්ජින් අංකය ලබා දීම ප්රතික්ෂේප කරන්නේ නම්, එය වංචාවක් විය හැකි බැවින් පරිස්සම් වෙන්න. ⚠️⚠️⚠️
▪️ LC එකක් විවෘත කිරීම සහ JAAI සහතිකය ලබා ගැනීම ශ්රී ලංකාවට වාහන ආනයනයේදී ඉතා වැදගත් පියවරයි. ඔබේ බැංකුව සහ ජපන් exporter එක එක්ක හොඳින් සම්බන්ධ වෙලා, ලියකියවිලි හරියට ලබා ගන්න. මේ ගැන තවත් ප්රශ්න තිබේ නම් අහන්න මම උදව් කරන්නම්!☺️
ඔබේ අත්දැකීම්, අදහස් තිබේ නම්, share කරන්න, ඔබේ අදහස Comment එකක් දාන්න... මේ ගැන හැමෝම ඉගෙන ගනිමු, ශ්රී ලංකාවේ වාහන මාෆියාව වෙනස්කල හැක්කේ අපිටමයි! බුද්ධිමත් ලෙස එය තුරන්කරමු🇱🇰😍💪🏻❤️
තවත් ලිපියකින් හමුවෙමු,
ස්තූතියි, ජයවේවා
Manusha Ravishan
Copied
