27/05/2026
🇹🇭🤝ແຫ່ສົ່ງກຳລັງໃຈໃຫ້ 2 ກູ້ໄພຊາວໄທ! 2 ກູ້ໄພຊາວໄທ ມີອາການອ່ອນເພຍ ແລະ ຮ່າງກາຍເລີ່ມຕອບສະໜອງຜິດປົກກະຕິ ລະຫວ່າງປະຕິບັດພາລະກິດຊ່ວຍເຫຼືອ 7 ຊີວິດ ທີ່ຕິດຢູ່ໃນຖ້ຳ ທີ່ແຂວງໄຊສົມບູນປະເທດລາວ.
ວັນທີ 26 ພຶດສະພາ 2026 ທີ່ຜ່ານມາ, 2 ກູ້ໄພ ຕົວແທນຈາກສະມາຄົມກູ້ໄພສາຍທານສະພານບຸນ ເມືອງສີສົງຄາມ ແຂວງນະຄອນພະນົມ ປະເທດໄທ ເຊິ່ງເປັນໜຶ່ງໃນທີມກູ້ໄພທີ່ເດີນທາງໄປຊ່ວຍຜູ້ປະສົບໄພ 7 ຄົນ ທີ່ຕິດຢູ່ໃນຖ້ຳ ທີ່ແຂວງໄຊສົມບູນ ປະເທດລາວ ຕັ້ງແຕ່ວັນທີ 19 ພຶດສະພາ 2026 ໄດ້ອອກມາອັບເດດພາລະກິດຫຼ້າສຸດ.
ໂດຍລະບຸວ່າ ລະດັບນ້ຳຫຼຸດລົງເກືອບ 2 ແມັດ ທີມງານໄດ້ປະຕິບັດວຽກຕັ້ງແຕ່ເຊົ້າຈົນຮອດ 23:25 ໂມງ ໂດຍຕະຫຼອດທັງມື້ເປັນການແຂ່ງກັບເວລາ ຄວາມມືດ ແລະ ຂໍ້ຈຳກັດພາຍໃນຖ້ຳ.
ທີມງານໄດ້ເລັ່ງຕິດຕັ້ງເຄື່ອງສູບນ້ຳເພີ່ມ ຈົນສາມາດຫຼຸດລະດັບນ້ຳລົງໄດ້ເກືອບ 2 ແມັດ ຖືເປັນຄວາມຄືບໜ້າສຳຄັນຂອງພາລະກິດ ພ້ອມກັນນັ້ນ ຍັງສາມາດວາງລະບົບສື່ສານໄປຮອດໂຖງສຸດທ້າຍ ເຖິງແມ່ນວ່າພາລະກິດຈະດຳເນີນໄປໄດ້ດີ ແຕ່ຄວາມປອດໄພຂອງທີມງານຍັງເປັນສິ່ງສຳຄັນທີ່ສຸດ ໃນລະຫວ່າງປະຕິບັດງານ ທີມສ່ວນໜ້າ 2 ໃນ 6 ຄົນ ມີອາການວິນຫົວ ແລະ ຮ່າງກາຍເລີ່ມຕອບສະໜອງຜິດປົກກະຕິ ຈຶ່ງຕ້ອງຖອນກຳລັງກັບສູ່ຈຸດປອດໄພທັນທີ ເພື່ອພັກຟື້ນຮ່າງກາຍ ແລະ ປະເມີນຄວາມພ້ອມ ກ່ອນຈະກັບໄປປະຕິບັດພາລະກິດຕໍ່ໃນມື້ຕໍ່ໄປ.
ທາງທີມກູ້ໄພຢືນຢັນວ່າ ທັງ 2 ຄົນບໍ່ໄດ້ໝົດສະຕິ ຫຼື ເກີດອຸບັດເຫດແຕ່ຢ່າງໃດ ແຕ່ເປັນອາການອ່ອນລ້າຈາກການຄົ້ນຫາທີ່ໜັກຕະຫຼອດ 3 ມື້ ທັງການຄານເຂົ້າໄປໃນຖ້ຳ ແລະ ດໍານໍ້າ ທີ່ຕ້ອງເຮັດສະຫຼັບກັນຕະຫຼອດມື້ ໂດຍປັດຈຸບັນນີ້ທັງ 2 ຄົນປອດໄພດີ.
ແຫຼ່ງຂໍ້ມູນ: Manat K Artmongkron
#ເຫດການ #ລາວໂພສ #ຊ່ວຍເຫຼືອ7ຊີວິດ #ຕິດຖໍ້າ #ໄຊສົມບູນ
