09/09/2026
我每年都會係生日時出個水蛇春post
今年遲左成個幾禮拜，一來係Birthday Trip 唔小心chur得滯返到酒店就昏迷
二來係一返到嚟就心力交瘁左
好慘比我捉住呻過既朋友都知，我近期精神同身體都差得好緊要
夾硬話同流年星座有關嘅話，就係屬鼠嘅處女座黑星高照
現實層面的話，就係心胸狹窄既小人當道，箭箭插背，句句老屈，仲咁岩比佢地踩中左內心過去既傷痕
呢個7、8月，我比抑鬱焦慮胃痛肚瀉攪到不似人形，但每日仲要扮無野咁返工
最終，惡勢力得逞，10月開始鋒仔is free
我個人深信有危就有機，結束必定會是另一個開始，甚至已經諗定一大卷未來大計list，美女亦無限支持我
但40幾年來傑出既黑仔往蹟，和那埋在心裡的抑鬱小生
總讓我在任何時候都會諗「呢鋪我都係食得🍌ga啦」
萬幸，還有僅餘既樂觀理性同我講，胡思亂想最無謂，旅行散心最實際
也許真係命運
日本朋友幫我抽好幾次演唱會都唔中，偏偏最後就係抽中我生日正日果場
於是，我專程飛到福岡再片車落熊本，現場敬拜那我由中3便已迷上的老野惡魔樂團40周年演唱會
35周年時我看過一次，深感隊中各人年紀已老，話哂都100063歲，早已不服當年勇
點知今次成班食哂魔界春藥，除左結他手Luke抖得多個修哥，其餘成員 —-
大橋代官華麗既彈奏表演
雷電湯澤勁度十足既鼓技
仲有小暮閣下唱「地獄之皇太子」時高5個8度既鳩叫
真係同8、90年代佢地全盛期既影片全無分別，我諗無人會懷疑，呢班人真係惡魔嚟ga
在演唱會狂呼過後，雖未至於不藥而癒
但鬱悶的結，好像鬆開不少了
人地十幾萬歲都咁猛料，我又點可以唔食春藥呢
而又有咩萬應靈藥，好過「日本旅遊」呢
睇完concert，順便自駕去埋極僻遠、又想去好耐既天草和雲仙
天草五橋、倉岳神社、雲仙地獄，仲有立即榮升我日本第二最愛小鎮既小浜溫泉
呢d慢慢再同大家分享啦，反正嚟緊應該會有一段好長既空白時光呢
至少呢個Trip讓那條快崩斷的橡筋緩一緩鬆一鬆
或者，即將來臨既悠長假期，會成為改變我未來既轉捩點呢
あの日の過ちも嘆きも
記憶に刻み込んだら GO AHEAD!
戦う勇気もまた
おまえの中にある GO AHEAD!
每年總有好多對我好好既網友恭維話我外貌與年齡不乎
我口稱謙虛，其實心裡暗爽
所以今年就算生日已過，但如果你地願意講多兩句「Wa阿鋒你真係唔似42歲wor！」
我應該多少都會吸到d正能量掛~
再次感謝所有一直在我身邊的人
我又老一年了
#鋒之遊記 #鋒之私生活
#世界之角落 #聖飢魔ⅱ
(張相既陰影係我求其抹走旁邊既大叔，唔係靈異野）
