ウェブサイトとは何ですか？

ခရီးသွားကောက်ကြောင်း, Fukuoka-shi (2026)

01/11/2020

# # #ပင်လယ်နတ်ဘုရားမရဲ့ စောင့်ရှောက်မှုတွေအောက်က နက်နဲဆန်းကြယ်လှတဲ့ Udo- နတ်ဘုရားကျောင်း

လမ်းကြောင်း
Miyazaki Station~Udo- Shrine(Bus)

# # - နတ်ဘုရားကျောင်းဟာ ဂျပန်နိုင်ငံ ကျူးရှူးကျွန်းက Nichinan လို့ခေါ်တဲ့ အရပ်ဒေသမှာ တည်ရှိပါတယ် ချောက်ကမ်းပါးအစွန်းက လှိုဏ်ဂူထဲမှာ တည်ဆောက်ထားပီး နက်နဲဆန်းကြယ်လှတဲ့ ဒဏ္ဍာရီလာအကြောင်းအရာများနဲ့
တကယ်ကို စိတ်ဝင်စားစရာကောင်းလှပီး နတ်ဘုရားကျောင်းရဲ့ အနီးတဝှိက်က ရေမြေသဘာဝ အလှတရားတို့ကြောင့်
လည်း လာရောက်လည်ပတ်သူတွေ အနေနဲ့ ရင်သက်ရှုမောဖြစ်ရပါတယ်

# # - နတ်ဘုရားကျောင်းနဲ့ ပတ်သက်ဆက်နွယ်နေတဲ့ ဒဏ္ဍာရီလေးတခုရှိခဲ့ဖူးပါတယ် ဒဏ္ဍာရီလာအဆိုအရတော့ မြင့်မြတ်တဲ့ ကောင်းကင်ဘုံမှာ နေထိုင်နေကြတဲ့ နတ်ဘုရားတွေဟာ တနေ့မှာတော့ကမ္ဘာမြေကြီးရဲ့ နေရာလေးတခုရဲ့ဆီသို့ နတ်သက်ကြွေဆင်းသက်လာခဲ့ကြရပီး လူသားတွေအဖြစ် ဆွေစဉ်မျိုးဆက် အဆက်ဆက် နေထိုင်လာကြရင်းကနေ တနေ့မှာတော့ လူသားမိဘနှဦးကနေ
ဂျပန်နိုင်ငံရဲ့ ပထမဆုံး ဧကရာဇ်ဖြစ်လာမယ့် Jimmu လို့အမည်တွင်တဲ့ လူသားလေးတဦးကို ဖွားမြင်ခဲ့ကြတယ်တဲ့
ဒီ Udo- နတ်ဘုရားကျောင်းဟာ အဲ့ဒီဂျပန်နိုင်ငံရဲ့ ပထမဆုံးဧကရာဇ်Jimmu နဲ့တော့ တိုက်ရိုက်ဆက်နွယ်နေခြင်းမရှိသော်လည်း သူရဲ့ဖခမည်းတော် Ugayafukiaezu ကိုမွေးဖွားသန့်စင်ခဲ့တဲ့ ကြီးမြတ်လှတဲ့ နေရာတခုဖြစ်လို့နေပါတယ် အဲ့ဒီ Ugayafukiaezu ဟာ လည်း ဆန်းကြယ်လှတဲ့ လူသားတယောက်ဖြစ်ပါတယ် သူရဲ့မိခင်ဟာ သာမန်လူသားမိခင် မဟုတ်ဘဲ ပင်လယ်နတ်ဘုရားမဘဲ ဖြစ်ပါတယ် ပင်လယ်နတ်ဘုရားဖြစ်တာကြောင့် လူ့ပြည်လူ့ဘုံကိုအမြဲလာရောက်နိုင်ခြင်း မရှိပါဘူး နတ်ဘုရားမ ပင်လယ်ဘက်သို့ပြန်သွားချ်ိန်မှာ နတ်ဘုရားမရဲ့ တန်ခိုးအစွမ်းတွေကြောင့် ဒီ Udo- နတ်ဘုရားကျောင်းရဲ့ ကျောက်ဆောင်ကျောက်သားတို့က အဲ့ဒီ Ugayafukiaezu ကိုအာဟာရတိုက်ကျွေးပေးပီး ကြီးပြင်းလာစေခဲ့တယ်ဆိုတဲ့ တကယ်ကိုဆန်းကြယ်လှတဲ့ ဒဏ္ဍာရီလေးတခုရှိခဲ့ဖူးပါတယ် အဲ့ဒီဆန်းကြယ်လှတဲ့ ဒဏ္ဍာရီလာအကြောင်းတရားတွေကြောင့် လက်ထပ်ခါစ ဇနီးမောင်နှံတွေကော သားသမီးကောင်းလိုချင်တဲ့မိဘများကပါ
ဒီ Udo- နတ်ဘုရားကျောင်းဆီကိုလာပီး အဲ့ဒီကျောက်ဆောင်ကျောက်သားတွေကနေ စီးကျနေတဲ့ ရေကြည်ကို သောက်သုံးကာ မိမိတို့လိုချင်တဲ့ဆုကို တောင်းဆုပြုလေ့ရှိကြသတဲ့

# # #တကယ်ကိုဆန်းကြယ်လှတဲ့ အကြောင်းတရားတွေပဲနော် ဒီနတ်ဘုရားကျောင်းနားက ရှုမျှော်ခင်းတွေကလည်း တကယ်ကိုလှပသက်ဝင်လှပိီး သဘာဝကဖန်ဆင်းပေးထားတဲ့ ကောင်းကင်ဘုံလေးအလားဖြစ်တာကြောင့် စာဖတ်သူအပေါင်းလည်း တနေ့မှာတော့ သွားရောက်လည်ပတ်ကြဖို့ တိုက်တွန်းလိုက်ပါတယ်ဗျ .........

21/10/2020

# # #သင်ဟာ တောင်းဆုပြုခြင်းတွေကိုနှစ်သက်သူ လူသားတဦးလား ဒါဆိုရင်တော့ လူသားတို့အတွက် ကံကောင်းခြင်းဆုလာဒ်တွေကို ယူဆောင်လာပေးမယ့် Moai ရုပ်ထုတွေရှိတဲ့ Sun Messe Nichinan ဆိုတဲ့ နေရာလေးတခုဆီသို့ အလည်ခေါ်သွားပေးပါရစေ

လမ်းကြောင်း
❣️Miyazaki station~Sun Messe Nichinan(Bus)❣️

# # messe nichinan ဆိုတာ
အေတာ်လေးကို ထူးခြားအံ့သြဖွယ်ကောင်းတဲ့ Moai ရုပ်ထုတွေ ရှိတဲ့နေရာတခုပါ Moai ရုပ်ထုဆိုတာကလည်း ကမ္ဘာအမွေအနှစ်နေရာတခုအဖြစ် သတ်မှတ်ခံထားရတဲ့ ချီလီနိုင်ငံရဲ့ easter ကျွန်းကလွဲရင် ပြင်ပမှာ
Moai ရုပ်ထုတွေ ထားရှိခွင့်ရတာ ဂျပန်ရဲ့ ဒီတနေရာတည်းပါ တကယ်ကိုထူးခြားရှားပါးတဲ့နေရာဖြစ်ရုံသာမက ကမ္ဘာ့အမွေအနှစ် အရာတွေရှိတဲ့နေရာတခုကို လည်ပတ်ခွင့်ရခဲ့တဲ့အတွက် တကယ်ကို့ ကြည်နူးပီတိဖြစ်မိပါတယ်

# # ရုပ်ထုလို့ပြောရမယ်ဆိုရင် Moai ရဲ့ အဓိပ္ပါယ်ကို အရင်ဆုံးဝေမျှပေးချင်ပါတယ် Moai ဆိုတာ Mo+Ai စကားလုံးနှခုနဲ့ ပေါင်းစပ်ဖွဲ့စည်းထားခြင်းပါ
Mo ဆိုတာ အနာဂတ်ကိုရည်ညွှန်းဆိုလိုခြင်းဖြစ်ပီး Ai ဆိုတာကတော့ ရှင်သန်ဖြစ်တည်တည်ရှိနေတယ်ဆိုတဲ့ အဓိပ္ပါယ်မျိုးပါ ဆိုတော့ Moai ရဲ့ အဓိပ္ပါယ်က အနာဂတ်ထိတိုင်အောင် ဆက်လက်ရှင်သန်ဖြစ်တည်နေမယ်ကို ဆိုလိုခြင်းဖြစ်ပါတယ်

# #ဂျပန်လူမျိုးတွေဆိုတာ ရှေးရိုးရာအစဉ်လာတွေကို ယုံကြည်သဘောကျနှစ်ခြိုက်တဲ့လူမျိုးတွေ ဖြစ်တာနှင့်အညီ ဒီဂျပန်ကMoai ရုပ်တွေနဲ့ ပတ်သက်ပိီးတော့လည်း စိတ်ဝင်စားစရာကောင်းတဲ့ အကြောင်းအရာလေးတခုရှိပါတယ် အဲ့ဒီ Moai ရုပ်ထုတွေ သူတို့ရဲ့ မျက်နှာတွေကို ပင်လယ်ကိုဆန့်ကျင်ကျောခိုင်းထားပီး လူတွေရှိနေတဲ့ ကျွန်းဘက်ကို မျက်နှာမူထားတယ်ဆိုတာက သူတို့ရဲ့ ဘုရင်ပြန်အလာကိုစောင့်နေရင်းနဲ့ ဒီကျွန်းပေါ်က လူသားတွေကို ကူညီစောင့်ရှောက်ပေးထားတယ် ဒါကြောင့် ဒီအရပ်ဒေသမှာရှိတဲ့ လူသားတွေကော လာရောက်လည်ပတ်ကြတဲ့ လူသားတွေပါ ငြိမ်းချမ်းပျော်ရွှင်မှုတွေကို ပ်ိုင်ဆိုင်နိုင်တယ်ဆိုတဲ့ သဘောမျိုးနဲ့ ကျွန်းဘက်အရပ်ကို မျက်နှာမူထားတာဆိုတဲ့ ယုံတမ်းစကားလေးတော့ရှိတယ်

# # #နောက်တခုမှတ်သားစရာက ဒီဂျပန်မှာ ရှိတဲ့ Moai ရုပ်ထုတခုစီမှာ ထူးခြားချက်လေးတွေရှိပါတယ် ဘယ်ကနေညာထိအစဉ်လိုက် Moai ရုပ်ထု ၇ခု ရှိပီးတော့ ရုပ်ထုတခုဆီတိုင်းမှာ သင့်ရင်ထဲက စိတ်ဆန္ဒတခုချင်းဆီ အမှန်တကယ် လက်တွေ့ဖြစ်လာဖို့အတွက် တောင်းဆုပြုလို့ရတဲ့ ကံကောင်းခြင်းဆုလဒ်တခုဆီရှိပါတယ်

# # #အကယ်၍ သင့်အနေနဲ့ အလုပ်အကိုင်ရာထူးတွေနဲ့ပတ်သက်ပီး ပိုပိုပီး ကံကောင်းမှုတွေရလာချင်ရင်
ဘယ်ဘက်အစွန်ဆုံးမှာ ရပ်တည်နေတဲ့ Moai ရုပ်ထုလေးရဲ့ လက်ကိုထိ ပီးတော့သင့်ရဲ့ရင်ထဲက အလုပ်အကိုင်ရာထူးနဲ့ပတ်သက်တဲ့ ဆန္ဒလေးအတွက် တောင်းဆုလေးတခုပြုလိုက်ပါ အကယ်၍များ သင့်အနေနဲ့ ခန္ဓာကျန်းမာရေးနဲ့
ပတ်သက်ပီး အမြဲနုပျိုရွှင်လန်းနေချင်သပဆိုရင်တော့ ဒုတိယမြောက် Moai ရုပ်ထုလေးရဲ့ လက်လေးကိုထိပီးတောင်းဆုလေးတခုပြုရုံပါပဲ အဲ့လိုပါပဲ အချစ်ရေးကံကောင်းခြင်းအတွက် တတိယမြောက်Moai ရုပ်ထုလေး
အဲ့လိုမှမဟုတ်ပဲ သင့်အနေနဲ့ သူတော်ကောင်းတရားကို ရင်မှာပွေ့ပိုက်ထားပီး ကျနော်တို့နေထိုင်ရာ ဟောဒီကမ္ဘာမြေကြီးရဲ့ ငြိမ်းချမ်းခြင်းအတွက် တောင်းဆုပြုချင်ရင်တော့ စတုတ္ထမြောက် Moai ရုပ်ထုလေးက ဝမ်းသာစွာနဲ့ဖြည့်ဆည်းပေးဖို့အသင့်ပါ အဲ့ဒီလိုအတိုင်းပါပဲ ပဉ္စမမြောက် Moai ရုပ်ထုလေးကတော့ စိတ်ချမ်းမြေ့သာယာဖွယ်ရာ လက်ထပ်ခြင်းလေး ဖြစ်လာဖို့အတွက်ဖြစ်ပါတယ် ငွေရေးကြေးရေးကံကောင်းခြင်းတွေအတွက်တော့ ဆဋ္ဌမမြောက် Moai ရုပ်ထုလေး ကျောင်းပညာရေးနဲ့ပတ်သက်လာရင်တော့ သတ္တမမြောက် Moai ရုပ်ထုလေးရဲ့ လက်လေးကိုထိပီးတောင်းဆုလေးတခုပြုလိုက်ရုံပါပဲ

# # #ဆုတောင်းတွေနဲ့ ပတ်သက်ပီး ယုံကြည်ကြတဲ့လူသားတွေလည်းရှ်ိသလို မယုံကြည်ကြတဲ့ လူသားတွေလည်းရှိကြပါတယ် လူအမျိုးမျိုးစိတ်အထွေထွေရှိတာကြောင့် လွတ်လပ်စွာ သဘောထားကွဲလွဲလို့ရပါတယ် ကျနော်ကတော့
ဗုဒ္ဓဘာသာဝင်ဖြစ်တာကြောင့် ကျနော့်အတွက်တော့ အခက်ခဲတစုံတရာကြုံလာတိုင်း တောင်းဆုလေးတွေရှိလာတိုင်း ကျနော်တို့ဗုဒ္ဓဘာသာဝင်တို့ရဲ့ အထွတ်မြတ်ထားရာ ဗုဒ္ဓဘုရားရှင်နဲ့ နတ်ကောင်းနတ်မြတ်များကိုလည်း မျှော်မှန်းပီးတောင်းဆုပြုသလို့ တခြားသော ကောင်းမြတ်တဲ့ ဘာသာတိုင်းကိုလည်း တန်ဖိုးထားယုံကြည်ပီးတောင်းဆုပြုပါတယ် ကျနော်အတွက်တော့ တစုံတရာကို ရည်မှန်းပီးတောင်းဆုပြုလိုက်ရုံတင် စိတ်အေးချမ်းသွားပီး ကို့ရဲ့ တောင်းဆုက လက်တွေ့အမှန်တကယ်ဖြစ်လာတော့မယ်ဆိုတဲ့ ယုံကြည်မှုအမြဲရှိပါတယ် လူအမျိုးမျိုးစိတ်အထွေထွေရှိတာကြောင့် အခု ကျနော် ပြောပြပေးသွားတဲ့ Moai ရုပ်ထုတွေနဲ့ပတ်သက်ပီးလည်း သဘောထားကွဲလွဲလို့ရပါတယ်ဗျ အကယ်၍ သင်သာ Moai ရုပ်ထုလေးတွေကို ယုံကြည်ပီး တောင်းဆုပြုတာကိုနှစ်သက်သူဆိုရင်တော့ သင့်ရဲ့ စိတ်နှလုံးသားထဲမှာ ကိန်းအောင်းဖြစ်တည်နေတဲ့ ဆန္ဒလေးတခုကို Moai ရုပ်ထုလေးတွေရဲ့ရှေ့မှောက်မှာ ရင်ဖွင့်တိုင်တည်ခဲ့မယ်ဆိုရင်တော့ Moai ရုပ်ထုလေးတွေကတော့ သင့်တို့ကျနော်တို့ရဲ့ ဆန္ဒလေးတွေကို ဖြည့်ဆည်းပေးဖို့အတွက် သာယာလှပတဲ့ ပင်လယ်ကြီးနဲ့သဘာဝရှုမျှော်ခင်းတွေနောက်ခံအဖြစ် ချယ်သမွမ်းမံထားတဲ့ Sun Messe Nichinan ဆိုတဲ့ ဟောဒီနေရာလေးမှာ အသင့်စောင့်ကြိုနေပါတယ်
ဒီနေရာလေးဟာ သဘာဝရှုမျှော်ခင်းတွေ Moai ရုပ်ထုကြီးတွေအပြင် တခြားသော လေ့လာမှတ်သားစရာ ဗဟုသုတမြောက်များစွာ ရှ်ိနေတဲ့အတွက် တနေ့နေ့မှာတော့ စာဖတ်သူပရိသတ်တို့လည်း အရောက်သွားနိုင်ကြပါစေလို့ တောင်းဆုတခုပြုရင်း。。。。。。

ဒီနေ့အတွက်တော့ ဒီနေရာမှာပဲရပ်နားခွင့်ပြုပါဗျ နောက်ထပ်ပီးတော့လည်းစိတ်ဝင်စရာကောင်းတဲ့ နေရာများစွာအကြောင်းကို ကြိုးစားတင်ဆက်ပေးမှာမို့ ကျနော့်ရဲ့
❣️❣️ခရီးသွားကောက်ကြောင်း❣️❣️ page လေးကိုလည်းLike and follow
see first လေးနဲ့ အားပေးကြပါဦး。。。。。

❣️ကျေးဇူးအများကြီးတင်ပါတယ်ဗျ❣️

19/10/2020

# # #ခရီးတခုသွားတဲ့အခါ ကျနော့်အတွက် အလိုအပ်ဆုံးအရာ သုံးခုရှိပါတယ်
အဲ့ဒါတွေကတော့
(၁) ဖုန်း
(၂)ပိုက်ဆံ
(၃)စိတ်တူကိုတူခရီးသွားဖော် ပါ

# # #အားလုံးပဲ ခန့်မှန်းပေးကြလို့ ကျေးဇူးအများကြီးတင်ပါတယ် ကျနော်အနေနဲ့ page လေးစထောင်တာလည်းမကြာသေးလို့ လိုအပ်ချက်တွေရှိနေပေမဲ့ တက်နိုင်သမျှအားပေးကြတဲ့တဦးတယောက်ချင်း comment ပေးကြတဲ့ အားလုံးကိုလည်းကျေးဇူးတင်ပါတယ် အရမ်းလွယ်ကူတာမို့ အဖြေမှန်သူ ပိုမျှော်လင့်ခဲ့လို့ 7 ဦးအထိ ဖုန်းဘေဖြည့်ပေးဖို့ လုပ်ထားပေမဲ့
၃ဦးသာ အဖြေမှန်ခဲ့ပါတယ်

# # #စည်းကမ်းချက်နဲ့ ညီသူရော မညီသူရော ရှိပေမယ့် အဖြေကိုမှန်ကန်အောင် ခန့်မှန်းနိုင်လို့ ကျနော့်အနေနဲ့ အဆိုပါ အဖြေမှန်သူ၃ဦးကို ဖုန်းဘေ တယောက် သုံးထောင်ဆီ ချီးမြှင့်ပေးပါ့မယ်

# # #အဖြေမှန်သူ ၃ သုံးအနေနဲ့ အောက်မှာပုံနှင့်တကွ ဖော်ပြပေးထားလို့ ကျနော် ရဲ့ messenger မှာ အလိုရှိတဲ့ နံပါတ်ကို လာရောက်ပြောပြပေးစေလိုပါတယ်

# # #ကျေးဇူးအများကြီးတင်ပါတယ် နောင်နောင်လည်းအများကြီးလှူဒန်းချင်တာမို့ အလျဉ်းသင့်စွာ ဒီလိုမျိုးလေးတွေ လုပ်သွားပေးပါ့မယ် အားပေးသူတဦးတယောက်ချင်းကိုကျေးဇူးများကြီးတင်ပါတယ် ဗျ

16/10/2020

# # #ကျနော့်ရဲ့ page
❣️ခရီးသွားကောက်ကြောင်း❣️
ကို like and follow ပီး အဖြေကိုဒီ postမှာ
comment မန့်ရင်း ဖုန်းဘေယူလိိုက်ကြရအောင်

# # #ကျနော့်ရင်ထဲမှာတော့ အဖြေသုံးခုရှိပါတယ် U တို့လည်းဖြေကြည့်ပေါ့ ကျနော့်ရင်ထဲက အဖြေသုံးခုနဲ့ ကိုက်ညီသူ
❣️၇ဦး❣️ကို ကြိုက်နှစ်သက်ရာ ဖုန်းဘေ ၃၀၀၀ တဉီးတကဒ်ဆီရပါမယ်

# # #တနင်္ဂနွေနေ့ည မြန်မာအချိန် ညနေ့၆နာရီအထိ ဖြေလို့ရမှာဖြစ်ပါတယ်

# # #အဖြေကိုတော့နောက်အပတ် တနင်္လာနေ့ည မြန်မာအချိန် ၈နာရီမှာကြေငြာမှာဖြစ်ပီး အဖြေမှန်သူများရင် မဲနှိုက်ပီးရွေးချယ်ပေးပါ့မယ်

# # #စည်းကမ်းချက်အနေနဲ့

(၁) ကျနော့်ရဲ့
🥰🥰🥰ခရီးသွားကောက်ကြောင်း 🥰🥰🥰page ကိုLike and follow လုပ်ထားသူဖြစ်ရပါ့မယ်

(၂) ဒီ post ရဲ့ comment မှာ အဖြေသုံးခုမန့်ပေးရပါမယ် တယောကိကိုတခါပဲမန့်လို့ရပီး edit လုပ်မရပါဘူး တခါတည်းပဲရေးပေးရပါမယ်

(၃)ဒီ postကို like 👍 သို့မဟုတ် heart ❤️
ပေးပီး သင့်ရဲ့အကောင့်ထဲက သူငယ်ချင်း ၅ ယောက်ကို tag လုပ်ပီး သင့်ရဲ့အကောင့်မှာ public နဲ့ share ပေးရပါမယ့် သင့်tag ထားတဲ့ သူငယ်ချင်းတွေလည်း ပါဝင်ကံစမ်းလို့ရပါတယ် စည်းကမ်းချက်အတိုင်း လုပ်ရုံပါပဲ

(၃)share တဲ့အခါ

# # #ခရီးသွားကောက်ကြောင်း

လို့ရေးပီး share ပေးပါ

အိုကေ စလိုက်ကြရအောင်

14/10/2020

# # #ခရီးသွားကောက်ကြောင်း
စာဖတ်သူပရိသတ်များကျေးဇူးကြောင့်
page ရဲ့ Like and follow ဟာ ၂၀၀၀ ကျော်သွားခဲ့ပါပီ အားပေးတဲ့အတွက်ကျေးဇူးအများကြီးတင်ပါတယ်

# # #ကျနော့်အနေနဲ့လည်း ဒီမှာပဲ ရပ်တန့်နေမှာမဟုတ်ဘဲ နှလုံးသားနဲ့ ခံစားရေးသားထားတဲ့ ခရီးသွား အကြောင်းအရာတွေကို အကောငိးဆုံးကြိုးစားလေ့လာပီး စာဖတ်သူပရိသတ်တို့ ဗဟုသုတအများကြီးရအောင် အကောင်းဆုံးကြိုးစားတင်ဆက်ပေးသွားပါ့မယ် အမှားများရှိပါကလည်း ဝေဖန်သုံးသပ်ပေးလို့ရပါတယ်ဗျ

# # #မကြာခင်အချိန်တွင်းမှာလည်း အရမ်းကိုထူးခြားအံ့သြဖွယ်ကောင်းတဲ့ ခရီးစဉ်နဲ့ပတ်သက်တဲ့ ကျနော်တတိယမြောက် ခရီးသွား post လေးကိုလည်း တင်ဆက်ပေးတော့မှာပဲဖြစ်ပါတယ်

# # #ကမ္ဘာအနှံ့မှာရှိတဲ့ တခြားသောသူများလည်းမြင်တွေ့နိုင် ဖတ်ရှုနိုင်အောင် Like and share လေးနဲ့လည်းကူညီပေးပါဦးဗျ

# # #မဖတ်ရသေးတဲ့ ပရိသတ်အသစ်များအနေနဲ့လည်း ကျနော့်ရဲ့ page လေး
❣️ခရီးသွားကောက်ကြောင်း❣️ကို like and follow လေးလုပ်ထားပီး အောက်က link လေးကိုနှိပ်ပီး စိတ်လှုပ်ရှားစရာကောင်းတဲ့ ဗဟုသုတများစွာရမယ့် ခရီးစဉ်နှခုအကြောင်းကိုဖတ်ရှုနိုင်ပါတယ်ဗျ

❣️ကျေးဇူးအများကြီးတင်ပါတယ်ဗျ ❣️

https://www.facebook.com/115388823663808/posts/121150066421017/?extid=0&d=n

11/10/2020

ဒုတိယနေ့ခရီးစဉ်

# # #ယုံတမ်းစကားပုံပြင်တွေနဲ့
❣️Aoshima ကျွန်းလေး❣️
လမ်းကြောင်း
Miyazaki station~Aoshima (ရထား)

# # #ပထမနေ့ခရီးစဉ်အကြောင်းမဖတ်ရသေးရင် အောက်မှာ link ထည့်ပေးထားပါတယ် အဲ့ link ကိုနှိပ်ပီးလေ့လာသုံးသပ်အကြံပြုပေးလို့ရပါတယ်ဗျ

https://www.facebook.com/115388823663808/posts/115430213659669/?extid=0&d=n

# # #ဒဏ္ဍာရီလာဆန်းကြယ်မှုတွေနဲ့ ပြည့်နှက်နေပီး Pacific သမုဒ္ဒရာရဲ့အနားသတ်ကိုထိစပ်နေတဲ့ဂျပန်နိုင်ငံ ကျူးရှူးကျွန်းလေးပေါ်က Miyazaki လို့အမည်ရတဲ့ ကမ်းခြေမြို့လေးရဲ့ဒုတိယနေ့ခရီးစဉ်မှာတော့ 。。。。

# # #ဒုတိယနေ့ခရီးစဉ်က သုံးနေရာသွားရောက်လည်ပတ်ဖို့စီစဉ်ထားတော့ မနက်လေးနာရီလောက်ကတည်းကထခဲ့တယ် ပထမနေ့အတိုင်းပြင်ဆင်စရာရှိတာပြင်ဆင်ပီး Miyazaki station ကနေ့မနက် ၅:၃၀ ဝန်းကျင်လောက်ရထားစစီးခဲ့တယ် Aoshima ကို ၆:၀၀ဝန်းကျင်လောက်ရောက်ခဲ့ပါတယ် Aoshima ရောက်တော့ ပတ်ဝန်းကျင်တခုလုံးကလည်း တိတ်ဆိတ်ပီး မှောင်ရီဝိုးတဝါးလေး ပီးတော့ကမ်းခြေမြို့လေးမို့လားပဲ လေလေးကလည်းတဖြူးဖြူးနဲ့ ချမ်းစိမ့်စိမ့်လေး မနက်ခင်းစောစောရှုရှိုက်ခွင့်ရတဲ့ လေကလည်း အတော်လေးကိုလတ်ဆတ်လွန်းလှပါတယ် အဲ့လိုနဲ့တယောက်တည်းပဲ ကမ်းခြေတလျှောက်ပတ်ကြည့်ပီး ဓာတ်ပုံတွေရိုက်ရင်း သဘာဝအလှကိုခံစားနေခဲ့တယ် ကိုတယောက်တည်းလားလို့တွေးနေတုန်း လှိုင်းလုံးကြီးတွေကြားမာ surfing လုပ်နေကြတဲ့ လူနှစ်ယောက်သုံးယောက်လောက် တွေ့ခဲ့ရတယ် Aoshima က Surfing လုပ်လို့ကောင်းတဲ့ နေရာတခုဖြစ်တဲ့ပုံပါပဲ နိုင်ငံခြားသားတွေအစ အများကြီးလာလည်ကြပီး surfing လုပ်ကြတယ် ရေကတော့နဲနဲနောက်နေသလိုခံစားရပေမဲ့ လှိုင်းလုံးဖြူဖြူကြီးတေကြားမှာ surfing သမားတွေနဲ့ ပင်လယ်ရဲ့ အရသာကိုတကယ်လက်တွေ့ခံစားခွင့်ရခဲ့တယ် အဲ့ဒီနောက်မှာတော့ ကို့ရဲ့ဦးတည်ချက်ဖြစ်တဲ့ Aoshima ကျွန်းလေးထိ ရောက်အောင်လမ်းလျှောက်သွားခဲ့တယ် ကမ်းခြေကနေ Aoshima ကျွန်းလေးထိအောင် ၁၀မိနစ်လောက်ပဲ လမ်းလျှောက်ရပါတယ် ကျွန်းလေးပေါ်မရောက်ခင် တံတားလေးတခုအရင်ဖြတ်ရပါတယ် အဲ့တံတားလေးပေါ်ကနေ မြင်ရတဲ့ ရှုခင်းကလည်း တော်တော်လေးကိုအသက်ဝင်ပီး လှပလှပါတယ် တံတားကိုဖြတ်ပီးတဲ့နောက်မှာတော့ ကျွန်းအဝင်ဝကမ်းခြေနားမာ ထူးထူးခြားခြားဖြစ်တည်နေတဲ့ ကျောက်သားပြင်ကြီးတွေ့ခဲ့ရတယ် အဲ့ဒီနေရာဟာ ဟိုးရှေးအခါက ဘီလူးကြီး အဝတ်လျှော်ခဲ့နေရာဖြစ်တာကြောင့် ပွတ်တိုက်စားမှုတွေဖြစ်ပီး အချိန်တွေကြာမြင့်လာတဲ့ အခါ အခုလို ထူးထူးခြားခြားကျောက်သားပြင်ကြီးတွေအဖြစ်ကျန်ခဲ့တဲ့ဆိုတဲ့ ယုံတမ်းပုံပြင်တွေတော့ရှိတယ် ကျောက်သားပြင်ကြီးတွေကတော့ တကယ်ထူးခြားလွန်းလှတယ် အဲ့ဒီကနေAoshima နတ်ဘုရားကျောင်းဘက်ကိုသွားပီး လှည့်ပတ်ကြည့်ခဲ့တယ် ကျနော် သွားခဲ့တာ အရမ်းစောလို့ဖြစ်ကောင်းဖြစ်နိုင်ပါတယ် ကျွန်းပေါ်မှာလည်း လာရောက်လည်ပတ်သူသိပ်မတွေ့ခဲ့ရဘူး လက်ဆောင်ပစ္စည်းအရောင်းဆိုင်လေးတွေလည်း မဖွင့်ကြသေးဘူး အဲ့ဒီကနေ နတ်ဘုရားကျောင်းထဲက အရောင်အမျိုးမျိုးနဲ့ ခြယ်သထားတဲ့ကျောင်းဆောင်လေးဆီကိုဦးတည်သွားခဲ့တယ် အဲ့ဒီကျောင်းဆောင်ဟာ လက်ထပ်ထားတဲ့ ဇနီးမောင်နှံတို့အတွက် ကံကောင်းခြင်းတွေယူဆောင်လာပေးတယ်ဆိုတဲ့ အတိတ်နိမိတ်ကောင်းနေရာတခုဖြစ်တဲ့အတွက် ဇနီးမောင်နှံတွေကတော့ အနာဂတ်အတွက်ဆုတောင်းဖို့ လာရောက်လည်ပတ်လေ့ရှိကြတယ်တဲ့
အဲ့လ်ိုနဲ့နတ်ဘုရားကျောင်းထဲ ဝင်ရောက်ကြည့်ရှုရင်း စိတ်ဝင်စားစရာကောင်းတာတခုတွေ့ခဲ့တယ် အဲ့ဒါကတော့ဝါးပြားလေးတွေချိတ်ဆွဲပီးဆုတောင်းလို့ရတဲ့နေရာတခုမှာ လူတယောက် ဝါးပြားလေးပေါ်ရေးပီးဆုတောင်းထားတာလေးတခုက
❗️コロナに負けるな❗️တဲ့ ဆိုလိုရင်းကဂြ်ိုလ်ကောင် covid ကိုအရှုံးမပေးနဲ့တဲ့ အောက်ကပုံတွေထဲမှာဖော်ပြထားပါတယ် သူဆုတောင်းထားသလိုပဲ ကျနော်တို့လည်း ဒီ covid ကာလကိုအကောင်းဆုံးအံ့တုဖြတ်ကျော်ရင်း ကျန်းမာရေးကိုတက်နိုင်သမျှဂရုစိုက်ရင်း ဝေးကွာနေရတဲ့ ကျနော်တို့ရဲ့ ချစ်ရသူတွေနဲ့ ပြန်လည်ဆုံတွေ့ကြပါစို့
ကဲ Aoshima ကျွန်းလေးအကြောင်းလေးကတော့ ဒီလောက်နဲပဲ ရပ်နားခွင့်ပြုပါ

# # #ဒုတိယနေ့ခရီးစဉ်မှာ ကျနော်နေရာသုံးခုသွားရောက်လည်ပတ်ခဲ့ပါတယ် အခုက ပထမနေရာ Aoshima ကျွန်းခရီးစဉ်လေးပါ ဒုတိယနေ့ခရီးစဉ်ရဲ့ နောက်ထပ်လည်ပတ်ခဲ့တဲ့ နေရာနှခုအကြောင်းကိုလည်း ဆက်လက်တင်ဆင်ပေးမှာဖြစ်လို့ ကျနော့်ကိုအားပေးကြပါဦး

❣️ ကျေးဇူးအများကြီးတင်ပါတယ်❣️

08/10/2020

# # #ဒဏ္ဍာရီလာရှေးရိုးရာပုံပြင်တွေနဲ့
# # #ဆန်းကြယ်လှတဲ့သဘာဝတရားရဲ့
# # #နယ်မြို့လေး

　　　　 Ⓜ️ℹ️Ｙ🅰️Ｚ🅰️Ｋℹ️

# # #ဒီခရီးစဉ်လေးကို ကိုသွားချင်နေခဲ့တာတော့ ကြာပါပီ ကိုနေတဲ့ နေရာကနေ အရမ်းဝေးတာရယ် ပိတ်ရက်ရှည်လည်းမရသေးတာကြောင့် အခွင့်ရေးကိုစောင့်နေခဲ့တာ

# # #ဒီခရီးစဉ်က ကို့အတွက် တကယ်ကို တန်ဖိုးကြီးမားတဲ့ခရီးစဉ်တခုဖြစ်ခဲ့တယ်
ဂျပန်မာနေရင်း အလုပ်လုပ် အလုပ်ကပြန်လာ
ထမင်းစားရေချိုးပီးအိပ် မနက်ရောက်လို့ alarm မြည်လာရင်မျက်နှာသစ်အလုပ်သွား ဒီလိုပဲနေ့နေ့ညည တက်နိုင်သမျှ ရသမျှလစာ စည်းနဲ့ကမ်းနဲ့ စုရင်း ဖြတ်သန်းလာခဲ့တာ ၂နှစ်ကျော်လာခဲ့ပါပီ ဘဝဆိုတာ ပျော်ရွှင်မှုတွေနဲ့ ပြည့်နှက်နေတဲ့နေရာတခု ကျနော်တို့ရဲ့ စိတ်ကိုတဒင်္ဂလေးဖွင့်ကြည့်မိလိုက်ဖို့ပဲ လိုတယ်ဆိုတာကို မေ့နေခဲ့တာ ဒီခရီးစဉ်ထွက်ပီး ဘဝရဲ့ ပျော်ရွှင်မှုတေကို ခံစားသိမြင်လာခဲ့တယ် ကင်မရာဓာတ်ပုံရိုက်နည်းေတွကအစသင်ခန်းစာရခဲ့တယ် တယောက်တည်း GPS ကိုသာ အကောင်းဆုံးအဖော်ပြုရင်း ထွက်လာခဲ့ပေမယ့် ဒီမြို့လေးရဲ့ သဘာဝတရားကြီးက ကို့အတွက်တော့ ပြီးပြည့်စုံ တဲ့အဖော်မွန်ကောင်းတယောက်ဖြစ်ခဲ့တယ်

# # #ကဲခရီးစဉ်လေးအကြောင်း
စပြောရအောင်

# # #ကိုက ကိုပိုင်ကားနဲ့ မသွားဘူးဆိုတော့ miyazaki မသွားခင် ကို့အိမ်မာကတည်းက ဟိုမှာနောက်တပတ်အတွက် မိုးလေဝသဘလိုရှိမယ် ဘယ်hotel မှာ တည်းမယ် ဘယ်နှရက်နေမယ် ဘယ်တွေကိုလည်ပတ်မယ် လည်ပတ်စရာနေရာတေကိုမနက်ဘယ်နှနာရီကနေ
ထသွားမယ် သွားရမယ့် ခရီးစဉ်လမ်းကြောင်းကအစ Google map မှာ အချိန်နဲ့ စီးရမယ့်ရထား bus ကြာချိန်ရယ် နောက်ဆုံး ဘယ်နှနာရီထိ ရထား bus ကားရှိလဲ တွက်ချက်ပီးစာနဲ့သေချာရေးထားပီးမှ ခရီးစဉ်ထွက်ခဲ့တယ်အဲ့လိုမလုပ်ထားရင် သေချာပေါက်တိုင်ပတ်လိမ့်မယ် bus တေရထားတေ အတော်ရှားပါးလို့ပါ

# # #ပထမ မိုးလေဝသကြည့်တော့ ကိုလည်ပတ်မယ့် နှရက်က တရက်က မိုးရွာနိုင်ခြေ ၄၀% နောက်တရက်က ၇၀% နှရက်ဆက်တိုက် ရွာမာ နဲနဲတော့ စိတ်ထင့်ပေမယ့် မိုးအရမ်းရွာ ရင် မလည်ဘူး hotel မှာ ဆက်တည်းမယ် မရွာမှ ဒိုးမယ်ဆိုပီး ဆုံးဖြတ်ပီး Apa hotel မှာ booking လုပ်ခဲ့တယ် ဂျပန်အစိုးရရဲ့ Go to travel campaign ကြောင့် ယန်း၁သောင်းနဲ့ သုံးညအိပ်လေးရက်ရခဲ့တယ်

# # ကို အမျိုးမျိုးသွားလို့ရပေမဲ့ ကိုက Fukuoka ခရ်ိုင်Kokuraမြို့ နဲ့ နီးတဲ့ဘက်မှာနေတာဆိုတော့ kokuraကနေ တဆင့်တည်းနဲ့ ရောက်တဲ့ JR ရထားလိုင်းကိုပဲ အသုံးပြုခဲ့တယ် covid ကာလမို့လားမသိဘူး
Kokura ~miyazaki ရထားခရီးစဉ်က မနက် ၈:၃၃ မှာထွက်တဲ့ ခရီးစဉ်တခုပဲ ရှိတယ် အဲ့ခရီးစဉ်မမှီရင် ကိုနေတဲ့ နေရာကနေ သွားဖို့ နှဆင့်သုံးဆင့်စီးရမာ ဒါကြောင့် အဲ့ခရီးစဉ်မှီအောင်သွား
ရထားနဲ့4နာရီခွဲကျော်စီးခဲ့ပီး miyazaki ရောက်ခဲ့တယ်

# # ရောက်တဲ့ အချိန်မှာ
နေ့လည်၁:၀၀ကျော်နေပီ hotel က ၃:၀၀ မှာ check in ဝင်လို့ရမှာ ဆိုတော့ ၃:၀၀ထိ ခရီးဆောင်အိတ်ဆွဲပီး မြို့ထဲပဲ ဓာတ်ပုံပတ်ရိုက်နေလိုက်တယ် အဲ့လိုနဲ့ပဲ ၃:၀၀ ထိုး hotel check in ဝင်ပီး ခရီးပန်းလို့ တရေးအိပ် နိုးလာတော့ ညနေ ၇:၀၀ ညနေစာစား hotel ပြန်လာ အဲ့နေ့က အဲ့လိုပဲ ပီးသွားခဲ့တယ်

# # #ပထမနေ့ခရီးစဉ်
❣️Takachiho gorge နဲ့ Amano Iwato Shrine❣️

ပထမလမ်းကြောင်း
❣️Miyazaki station ~Takachiho gorge❣️
Miyazaki~Nobeoka (ရထား)
Nobeoka~takachiho bus centre (bus)
Takachiho bus centre~takachiho gorge (taxi)

ဒုတိယလမ်းကြောင်း
❣️Takachiho gorge~amano iwato shrine (taxi)❣️

ဒီနေ့ကစပီးခရီးထွက်တော့မာဆိုတော့ကိုစီစဉ်ထားခဲ့တဲ့အတိုင်း မနက် ၅နာရီalarm မြည်လာတာနဲ့အိပ်ယာထပီး အဓိကဖြစ်တဲ့ camera ဖုန်းတေ ပိုက်ဆံအိတ်တွေ ခရီးစဉ်လမ်းကြောင်းတွေ စစ်ပီး ဘူတာသွား ရထားက ၆:၀၀ မှာ ရောက်လာပီး အဲ့ရထားနဲ့ nobeoka ဘူတာထိသွား ဘူတာရောက်တော့ takachiho ဘက်သွားမယ့် bus စောင့်ပီး takachiho bus centre ထိစီး ဟိုရောက်တော့ taxi စီးပီး takachiho gorge ကို taxi နဲ့ ၅ မိနစ်ပဲကြာခဲ့တယ်

# # gorge ရောက်ပီ ဝင်ပေါက်ရဲ့ မလှမ်းမကမ်းမှာ takachiho gorge အနီးတဝိုက် လမ်းကြောင်းရေးပေးထားတဲ့ဟာဖတ်ကြည့်လိုရတယ် ဘယ်နေရာမှာ boat စီးလို့ရလဲ ပီးဘယ်တေလည်ပတ်လို့ရတာရယ်ပေါ့ အဲ့လိုနဲ့ ကိုက boat စီးချင်လို့ boat ငှားတဲ့ နေရာမှာ တန်းစီပီး boat ငှားခဲ့တယ် boat ငှားမယ်ဆိုရင် boat ငှားခက 3000 လူကတယောက်ဆို 1000 ကြာချိန် နာရီဝက်စီးလို့ရတယ် ငှားပီးboat စစီး စတိုင်ပတ်တာပဲ အဲ့boat ငှားတဲ့ နေရာက ဦးလေးကြီးက ဒီလိုစီးဟိုလိုစီးနဲ့ သင်ပေးရှာပါတယ် ကိုကလည်း စိတ်တေ ခုန်နေတော့ ကြားတချက်မကြားတချက်နဲ့ လှော်လိုက်တာ ဘယ်ဘက်လှော်ညာရောက် ညာလှော်ဘယ်ရောက်နဲ့ ဒီဘက်မသွားရဆိုပီး ကြိုးနဲ့တားထားတဲ့ နေရာအောက်ထိ ရောက်သွားတယ် မဖစ်တော့ဘူးဟဆိုပီး ကို့ဘာကို စမ်းကြည့်ရင်းက အထာသိလာပီး စီးတက်လာခဲ့တယ် တော်တော်လေးစိတ်ခုန်ဖို့ ကောင်းသလို တော်တော်ကိုပျော်စရာကြီးပါ မလုပ်တက်တဲ့ မလုပ်ဖူးတဲ့အရာတခု ကိုကြိုးစားလို့ လုပ်နိုင်ခဲ့တာဟာ ဘယ်လောက်သေးငယ်တဲ့အရာဖစ်ဖစ် တကယ်ကို ပျော်ရွှင်ဖို့ကောင်းပါတယ် စိတ်ခုန်ရင်ခုန်နဲ့ပဲtakachiho ချောက်ကြီး ထဲ လှော်ပတ်ရင်း သဘာဝရဲ့ အလှတရားစစ် အေးမြတဲ့ ပတ်ဝန်းကျင်အနေထားကို ခံစားရင်း ကိုရဲ့ဘဝကြီးဟာတော်တော်ကိုစိတ်ချမ်းသာစရာကောင်းခဲ့ပါတယ် အဲ့ ချောက်ကြီးရဲ့ နံရံတွေသေချာသတိထားကြည့်ပါ ထူးခြားနေပါတယ် မီးတောင်ပေါက်ကွဲပီးထွက်လာတဲ့ ချော်ရည်တွေက အဲ့ ချောက်ထိ စီးကျလာပီး ချောက်ကမ်းပါးနံရံ မှာ ချော်ရည်တေက ခြောက်သွားပီး ထူးခြားတဲ့ ကမ်းပါးနံရံတေဖြစ်နေတာပါ တော်တော်စိတ်ဝင်စားဖို့ကောင်းပါတယ် အဲ့လိုနဲ့ takachiho gorge မှာ သဘာဝအလှတရားကိုခံစားရင်း ဓာတ်ပုံတွေရိုက်ရင်း နောက်တနေရာသွားရဖို့ အချိန်ရောက်လာတော့ နောက်တနေရာကိုသွားခဲ့တယ်

# # #နောက်တနေရာက Amano Iwato shrine
Takachiho gorge ကနေ Amano iwato shrine ကို လမ်းလျှောက်သွားလည်းရပါတယ် 1နာရီကျော်ကြာလျှောက်ရမယ် ကိုအတွက် အချိန်ကအရေးကြီးတာမို့ taxi နဲ့ပဲ သွားခဲ့တယ် amano iwato shrine ရောက်ပါပီ စစချင်း ဂျပန်တွေရဲ့ shrine တွေပုံစံတေအတိုင်း ဝင်ပေါက်ကြီးကိုတွေ့ရမယ် အဲ့တိုင်းလမ်းလျှောက်သွား လမ်းတလျှောက်မှာလည်း မုန့်ဆိုင်တွေရှိလို့ အဆာပြေ အမောပြေစားသောက်လို့ရတယ် ဈေးမကြီးပါဘူး တဖြေးဖြေးနဲ့ တောထဲရောက်လာမယ့် မြေပြင်အနေထားအရ တယောက်တည်းဆိုတော့ နဲနဲ စိတ်ခုန်ပီး ကြောက်တော့ကြောက်မိတယ် ပတ်ဝန်းကျင်ကလည်းအုံ့မှိုင်းနေပီး နဲနဲလေးအေးမြနေတော့ ကြက်သီးမွှေးညင်းလေးတေတောင်ထမိတယ် ဒါပေမဲ့လည်း အဲ့ ဒီ shrine သွားတဲ့ လမ်းတလျှောက် လျှောက်လမ်းဘေးမှာ ရေတေစီးဆင်းနေတာတွေ တောတောင်ထဲက ကျေးငှက်တိုရဲ့အသံတေကြောင့် တမူထူးခြားတဲ့ခံစားချက်ကလေးက ကြက်သီးမွှေးညင်းလေးထပီးစိတ်လှုပ်ရှားနေပေမဲ့ ခံစားလို့တော့တော်တော်ကောင်းသား အဲ့လိုနဲ့ amano iwato shrine ကိုရောက်လာတယ် ဒီ shrine ရဲ့ထူးခြားချက်က တမျိုးပဲ လှိုဏ်ဂူပုံစံမျိုးကြီးဖစ်နေပီးတော့ အထဲမှာ ကျောင်းဆောင်ပုံစံမျိုးရှိတယ် လှိုင်ဂူအဝင်ဝမှာ လည်း လာရောက်လည်ပတ်တဲ့ လူတွေ ဆုတောင်းပီးစီထားတဲ့ ကျောက်ခဲလေးတွေ စီတန်းနေတာကိုတွေ့ရတယ် ဒီနေရာကိုဂျပန်တွေက power spot လို့ခေါ်ကြတယ် ဒဏ္ဍာရီလာယုံတမ်းပုံပြင်လေးလည်းရှိတယ် ဒီshrine က amaterasu နတ်ဘုရားမရဲ့ shrine amaterasu နတ်ဘုရားဆိုတာ နေနတ်ဘုရား တနေ့မှာ သူအကိုကအရမ်းနောက်ပြောင်ကျီစယ်လွန်းလို့ ဂူထဲဝင်ပုန်းနေပီး အပြင်ထွက်မလာတော့ဘူး နေနတ်ဘုရားမဆိုတာ ကမ္ဘာကြီးနဲ့ကောင်းကင်ဘုံကိုအလင်းပေးနေတာ နေနတ်ဘုရားမမရှိတော့ အလင်းရောင်မရှိတော့တာကြောင့်အမျိုးမျိုးသောဘေးအန္တရယ်တွေကျရောက်လာမယ် အဲ့တာကိုသိနေတဲ့ တခြားသောနတ်ဘုရားတေက အမျိုးမျိုးဖျောင်းဖျ တောင်းဆိုပီးတဲ့နောက် နောက်ဆုံးမှာ နေနတ်ဘုရားမက အဲ့ဂူကြီးထဲက ထွက်လာခဲ့တယ် ကမ္ဘာကြီးနဲ့ ကောင်းကင်ဘုံကလည်း တဖန်ပြန်လည်ငြိမ်းချမ်းလာခဲ့တယ် အဲ့လိုသောအကြောင်းရင်းတေကြောင့် ဒီနေရာက ထူးခြားဆန်းပြားနေပီးရောက်လာတဲ့သူတိုင်း power တခုခုရဲ့ သက်ရောက်မှုကိုရနေသလိုမျိုးခံစားရတယ် ဒါကြောင့်ဒီရောက်လာတဲ့ လူတိုင်းက ကျောက်ခဲလေးတေစီပီး ဆုတောင်းကြတယ် ရေစီးသံလေးတွေ ကျေးငှက်တို့ရဲ့မြည်ကြွေးသံတွေကလွဲပီးတကယ်ကိုတိတ်ဆိတ်ပီးတမူထူးခြားနေတဲ့နေရာလေးတခု ရောက်လာသူအပေါင်းကို ထူးခြားတဲ့ ခံစားချက် စွမ်းအင်သက်ရောက်မှုတွေ ပေးစွမ်းနေတဲ့နေရာလေးတခု လို့ဆိုနိုင်တယ် ပတ်ဝန်းကျင်ပတ်ချာလည်ကိုကြည့်ပီးတွေးရင်တွေးကြည့်သလောက် ခံစားကြည့်ရင်ခံစားကြည့်သလောက် အမျိုးမျိုးသော အကြောင်းအရာ အတွေးထဲထိ ဝင်ရောက်လာနိုင်တဲ့ နေရာတခုလိုဆိုရင်ကို့အတွက်တော့ မမှားနိုင်ပါဘူး

# # #ကဲဟုတ်ပီ အဲ့လိုနဲ့ အဲ့တနေ့တာအတွက် ခရီးစဉ်ပီးဆုံးပီး ပြန်ဖို့အချိန်ရောက်လာပီ amano iwato shrine ကနေ takachiho bus centre ထိသွားပီး bus နဲ့ nobeoka ဘူတာထိ စီးပီးပြန်လာခဲ့တယ် ကိုပြန်လာနေတဲ့ အချ်ိန်ဟာ ညနေစောင်းနေဝင်ချိန်ဖြစ်တာကြောင့် နေလုံးကြီးအနောက်ဘက်အရပ်ကိုတဖြည်းဖြည်းဆင်းတော်မူနေတဲ့ ပုံရိပ်နဲ့အတူ ညနေခင်းဆည်းဆာနေေရာင်ကြောင့် တမူထူးခြားစွာ အရောင်တွေလဲ့ထွက်နေတဲ့ လမ်းတလျှောက်က စပါးခင်းကြီးတွေရဲ့ အလှတရားကလည်း ကျနော့်ရဲ့ အပြန်ခရီးကို နှုတ်ခွန်းဆက်သနေသယောင် မြင်ယောင်လာစေတယ် ကမ္ဘာကြီးဟာတကယ်တော့ အလှတရားတွေနဲ့ပြည့်နှက်နေတာပါ ကိုဘဝဖြစ်တည်နေစဉ်အချိန်ခဏလေးမှာ ရုန်းကန်နေရတဲ့အနေထားကနေ ခဏလောက်ကို့စိတ်ကိုဖွင့်ကြည့်လိုက်ရင် ကျနော်တို့တွေ လှပတဲ့ အရာရာကိုမြင်နိုင်တော့မှာပါ

# # #တွေးစရာတွေဆွေးစရာတွေကိုတွေးဆွေးရင်း hotel ပြန်ရောက်လာရေမိုးချိုးပီး ကိုရိုက်လာတဲ့ ပုံလေးတွေထုတ်ကြည့် edit လေးတွေလုပ်ရင်းကြည်နူးပိီတိဖြစ်ရင်း အဲ့ဒီညဟာ ကျနော်အတွက်တော့ တကယ်ကိုလှပတဲ့ ညတညဖစ်ခဲ့ပါတယ်

# # #နောက်တနေ့ခရီးစဉ်ကတော့ Aoshima Island, Sun Messe Nichinan,Udo- Shrineပါ နောက်တနေ့ခရီးစဉ်အတွက်ကတော့ စာစိီပီးတော့ နောက်နေ့မှပြန်လာခဲ့ပါမယ် 😅😅😅

# # #အောက်ကဓာတ်ပုံတွေဟာ ကျနော်ကိုတိုင် ကြိုးစား ရိုက်ကူး edit ထားတဲ့ ပုံတွေပါ ကို့ရဲ့ကြိုးစားအားထုတ်မှုကိုတော့ ကျေနပ်အားရမှုရှိပေမဲ့beginner ပဲရှိသေးတာကြောင့် လိုအပ်ချက်ရှိနိုင်ပါတယ် ကျေးဇူးပြုပီးဝေဖန်သုံးသပ်ပေးပါ

❣️ကျေးဇူးအများကြီးတင်ပါတယ် ❣️

ခရီးသွားကောက်ကြောင်း

01/11/2020

21/10/2020

19/10/2020

16/10/2020

14/10/2020

11/10/2020

08/10/2020

住所

ウェブサイト

アラート

ショートカット

共有する