Y爺扮晒嘢

31/05/2026

呢度應該有啲人識咗我超過13年，但係我估大部份人都係呢幾年先識我。

介紹番，其實我以前係教電台主持班，口材班既。所以我係識op機，識Phone in，做Live完全無問題。

27/05/2026

純白BRZ到店🎉🎉🎉

之前黃色限量版已經成功售出，所以我地珠海Subaru 4S店入咗部白色比大家選購。

鍾意熄冷氣慳油既朋友，買油車啱晒你🤣🤣。

其實....電動車既世界同油車係唔同構造既。如果部車係直冷既話個冷氣泵基本上就長著架啦🤷。你開唔開只係用多少少同用少少少既分別。

你估部車係風冷既咩？
註：吉利熊貓就係風冷既電動車。

26/05/2026

唔係法拉利我買唔起，
而係零跑更有性價比。

零跑S01😎😎😎10蚊有找，Luce平替🤣🤣🤣。

26/05/2026

咩料呀？仲未玩夠？我要返工架😭😭😭

所以話依家星期二三仲多人過星期六日。

24/05/2026

去華發商都充電，用尾入，好方便。

23/05/2026

2026年一開局就唔順利😭😭，大陸改政策，啲水貨車出唔到口，跟住到取消一換一。鑊鑊都好似追住我黎打咁🤦。去到5月尾，終於有啲好消息同大家分享吓。

首先講吓，我地珠海4S店旁邊既廣汽開幕唔夠一年就執咗🤷，依家終於有租戶進駐，就係凌志😍😍。之前已經據聞佢地會重本花一千萬裝修😱，依家大家睇到，似乎都幾堅，因為佢地唔止係裝修，直情係拆晒佢起過🏗️。同行話，呢間凌志會係100%凌志設計既4S店，會跟足日本要求去做每一個細節。所以揸凌志既朋友歡迎上黎.....佢旁邊既泊邊好4S店整車🤣🤣，唔怕無零件。凌志講明唔會做港澳車生意，因為佢地每個月做Service既車已經超過1000部，無空間再招乎港澳車。又因為佢地咁大車流，我地都會同步裝修，同埋......所有員工唔會再有車位提供🤦，要留位比客用。

第二件事，就係我地拎咗珠海市既T9代理黎做🎉🎉，買咗Tesla既朋友，想裝遮光簾、加裝雪櫃、改包圍、換Yoke軚，甚至係Tesla維修，換摩打換大電，都有T9品牌同佢既技術做背書。而特別在，我地係少有既一站式T9服務站，起碼我地本身有維修有噴油貼膜等等既設備同技術，所以T9先會放個代理比我地做。多謝大家多多支持👏👏👏。(T9專區會於6月尾裝修好，放心，到時我實會唱通街🤣)

第三件事，我地繼Subaru, KIA同雷諾之外，再拎多一個品牌返黎做售後服務，就係廣汽三菱🎊，以後珠海市既三菱車主都會過晒黎我地店做保養⚙️。所以揸三菱既朋友，你地都可以上黎做保養架🔧。

又為咗珠海4S店既業務擴充，我地上年開始已經請咗新Sales Assistant (SA) Lily👩‍🦰加入，聯同羅顧問雙劍合碧服務港澳車主。我地會再招聘多兩位Sales Support喺星期五六日既時候全力去協助大家，等大家唔使黎到既時候要等咁耐🤝。

除咗珠海4S店，如果大家有留意泊邊好Facebook同YouTube的話，唔知大家有冇感受到我地既改變😎😎。首先Facebook既圖靚咗好多，又有番Pattern🥹。因為我地今年請咗三位新同事返黎泊邊好，其中一位就係Marketing同事，佢專門設計同宣傳，為咗泊邊好今年既大project而努力👍👍。
YouTube方面，大家應該睇到韓國仔Henry已經正式加入泊邊好製作部，所以我地亦都製咗好多唔同題材既節目，例如泊邊好電台📻、借車一宵🌛，仲有我做主持既全新交通事務🧑‍🏫節目 (希望6月尾出到街，高成本製作節目)。令到泊邊好真正做到圍繞 "車主" "車" "消閒泊車資訊娛樂" 既一個生態圏。

最後我想講既係，好多謝一班一直支持我地，不離不棄既朋友🙏🙏🙏。你地既支持並唔容易。因為出面真係太亂，好多人想我跌低，日日都有唔同既事發生。

我一直都講一句說話💬：聽其言、觀其行。

唔係睇我有幾串，睇我有幾搶口。我咁搶口都比人踩到上心口，如果我善良啲仲有剩既🤣🤣🤣？
聽既係佢日常做既事，觀係佢講完做唔做到既事。我地由一開始到依家，唔係靠吹，所有事大家都係見得到，摸得到。由一個小小既網站，發展到YouTube，再到港車薈、三擇車保，然後又有 "港車薈x泊邊好大灣區汽車服務中心"，再到去年有 "獨角獸新能源"，全部都係一步一步咁行出黎。

唔好話你地，有啲我地合作咗幾年或者識咗幾年既同行，都估唔到我地真係做得到😅。淨係講國產水貨車，全港有咁多位大佬前輩們有錢有面過我地，都拎唔到車返黎。呢個唔係我一個人既本事，而係我地團隊既努力，好多野夾埋一齊先得到今日既成果。

雖然2026年起步係唔順利，但係我地唔係好似啲黑粉講，呃人錢玩幾年就走佬既公司，泊邊好已經有漫長既十年計劃，下一步會推出泊邊好Apps，會有預約停車場泊車、會有充電服務、會有車租、會有AI問路、AI比較停車場價錢......，仲未計我地澳門會有分公司......。總之泊邊好會係一個只要你有車，就會認識同用得到既平台。多謝各位。10年後，我地再回望番。睇吓當年青蔥既歲月，到最後可以走到幾遠。

22/05/2026

大灣仔Y邊檢會議工作報告✍️✍️：

首先講吓大家都想知既港車北上每日預約配額究竟有幾多個🤔，答案係每日7000個額，分別係：
06:00-12:00 > 3000個額
12:00-18:00 > 2000個額
18:00-00:00 > 1000個額
00:00-06:00 > 1000個額

至於澳車北上係每日2000個額。(澳車話：仲關唔關我事？🤣)

然後會上提到，上年端午節塞4個鐘既問題。查咗出黎之後係發覺好多車無預約衝關，再加上好多人唔依預約時間過關。邊檢話，如果大家依照預約時間出行，越對可以喺20至30分鐘內完成過關。
邊檢亦提到，今年3月開始澳門政府嚴打⛔️衝關同預約出行既情況之後，澳車既出入境數字同預約數係一致。我估佢暗示香港政府要加少少力落去，協助珠海口岸塞車既改善。

另外，邊檢亦都鼓勵大家善用🚌金巴大堂分流，以及善用F區上客區。F區地方又大，上落車又安全。而乘客既步行距離亦都短過原本既GH區。我地之前已經拍咗條片教大家點樣可以行秘道快速通關，下面留言區有片。

然後我問到，原本出珠海有個舊出口，好似話係留比無乘客既車直出，究竟幾時會開？邊檢話由於怕大家唔熟路，一出閘就直出，然後接唔番你屋企人。所以暫時封咗，但係相信好快會開，到時可能會預留21, 22號通道做無乘客通關快線。

跟住再講到大家成日漏咗拎回鄉咭🪪既問題。大會上，港澳代表都提議，如果司機唔拎回鄉咭就唔起閘。邊檢話應該可以做到。另外，好快司機過關都可以唔使用証，掃樣就過。

港車薈代表喺會度提到7, 8號閘感應特別差既問題，邊檢解釋係無線電干擾既問題，如果有呢個情況，拔走ETC咭就可以 (我成日都話插咭版ETC好用，係你地唔聽我講)。同埋依家21號通道有通關咭檢查服務，如果你成日出入都感應唔到，或者喺大陸換咗玻璃拆爛咗張咭，都可以去21號通道辦理。
邊檢進一步講到，你過關時，邊檢淨係會認車牌；但係海關就要認車牌同時要掃到你張通關咭先會放行。而大時大節的話，海關會放寬呢個限制，只認車牌就會開閘。所以大家會發覺閒日出唔到閘既機會會多啲。

便民措施方面
珠海政府聯絡咗易停車，加多咗300幾個停車場可以認到單牌車。

另外，有啲人發覺續ZMB時會kick住唔批，呢啲多數係因為你有違章。因為原來珠海無單牌車既電話，所以如果你超速、過線、違泊比人影咗相，係無短訊提示你，但係已經記錄在案。大家要勤啲睇12123APPS喇。

報告完畢。

22/05/2026

純電夠晒行一條大橋😎😎

呢缸油⛽我上個月入既，中間有免費充電就充🔌（我指珠海4S店同錦田倉），結果揸咗成個月仲有539公里用，但係我已經行咗793.3公里😍😍。

DMI就係要咁樣用🎉🎉🎉🎉

明天，我地錦田倉開放日，會展出BYD ATTO1、Sealion 6 DMI以及SEAL 6 DMI Touring。有興趣睇車既朋友，快啲Whatsapp📱 5633 3252預約喇。

21/05/2026

明天珠海邊檢開會，有冇人有意見要借我把口提出🤔？

無既我呢啲Melody去到就問吓領導今日食咗飯未就走架喇🤣🤣🤣🤣

btw，有冇人想參加，呢個會公開既，歡迎大家過黎邊檢大樓。PM我報名。

20/05/2026

EX30泰好燒🔥？泰國又燒兩部EX30，其中一位車主話，已經跟足代理講充7成滿，但係都燒咗。

泰國當局出晒聲叫Volvo搞掂佢，所以泰國5月22日起會召回1668架EX30返廠換電池模組🪫。

至於香港，香港VOLVO代理非常有擔當，原來已經出咗Recall，呢個行動要一讚👍👍👍👍。順手講埋佢同門師兄弟，又係用同一牌子電芯，連大陸都出咗Recall，但係香港代理繼續一國兩制唔關我事🤷。祝大家好運。

(Fixes dateline to May 20 (not May 19) STOCKHOLM/BANGKOK, May 20 (Reuters) - Two new battery-related fires involving Volvo Cars' EX30 has prompted Thailand's consumer watchdog ‌to consider civil action, adding to pressure on the Swedish automaker as it grapples ‌with a global recall of the elect...