Harbourfront Pop Up 海濱限定

11/05/2026

08/05/2026

【《好嘢港多啲》│東岸板道貫通港島北岸海濱 維港靚景打卡好去處】

北角東岸板道已經全面開放😊🎉，唔知大家去過未呢? 聽晚（5月9日）播出新一集《好嘢港多啲》，藝員葉蒨文同郭柏妍會介紹板道嘅特色設施同打卡位📷，等大家下次嚟嘅時候可以親身體驗同發掘。由堅尼地城到筲箕灣嘅港島北岸海濱亦已貫通，全長約13公里，沿途有唔少海濱場地都值得一去🚶‍♂️🏃‍♀️，大家可以從多角度欣賞維港添🌊。想知多啲? 記得聽晚7點半，無綫電視翡翠台準時收睇啦！

《好嘢港多啲》
逢星期六 晚上7:30
無綫電視翡翠台
#發展局 #維多利亞港 #維港 #香港 #海濱共享空間 #北角東岸板道

30/04/2026

【🌅堅彌地城新海旁連繫優化🌟公眾意見調查正式展開！📣】

堅彌地城新海旁不單止係廣受大眾喜愛嘅打卡熱點📸，仲有日落美景做背景！🌇唔知大家會希望呢段路段點樣可以變得更好、更便民？💭

政府正計劃優化堅彌地城新海旁嘅行人連繫設計👣，為咗令呢片靚靚海旁更貼近您嘅需求，土木工程拓展署將舉行以下公眾意見調查活動💬，誠邀市民一齊參與，分享您嘅寶貴意見🙌，幫助我哋打造更適合社區嘅海旁環境！🌈

📋 問卷調查（共6日）
🗓️日期：6天，包括2026 年 5 月2至4日、6日、7日及10日
🕒時間：上午7時至晚上11時
📍地點：堅彌地城新海旁

🗳️ 意見徵集站（共3日）
🗓️日期：3天，包括2026 年 5 月2、3日及10日
🕒時間：上午7時至晚上11時
📍地點：
1. 吉席街公園
2. 卑路乍灣海濱長廊

💡 溫馨提示：活動日期可能因天氣情況而有所調整，請留意最新消息！
- - - - - - - - - - - - - - - - - - - - - - - - - - - - - - - -
想知更多關於 ＃海濱好去處 資訊，記得留意本頁更新！
🥰 追蹤埋「海濱限定」Instagram：.PopUp.HK
🔎海濱事務委員會網頁：https://www.hfc.org.hk/en/hss/index.html
#維多利亞港 #維港 #香港
#堅彌地城新海旁 #公眾意見調查

03/04/2026

【紅磡海濱動靜同樂日 — 聽日見！🏖️🎉】
 
今個Weekend就係紅磡海濱動靜同樂日啦！🎉 聽日同後日(4月4至5日)嘅中午12點至下午5點，帶埋屋企人朋友一齊嚟紅磡至尖沙咀海濱花園 + 紅磡都市公園動一動、Chill一Chill，維港靚景打卡位、好玩工作坊、運動體驗應有盡有！🎈
 
溫馨提示：
•  所有遊戲攤位接受walk-in，即到即玩！🕺
•  現場活動、部分體驗活動及工作坊設有少量即場參加名額，先到先得，快啲嚟排隊參加！⏱️
•  免費入場，男女老少都啱玩！👨‍👩‍👧‍👦
 
部分精選活動：
 
動感體驗區
📌平衡車體驗：適合3 – 8歲小朋友
📌筋膜刀／瑜伽／動物流／全方位筋膜放鬆棒 ：適合15歲或以上人士
📌動感遊戲攤位：新興運動(布袋球、桌上迷你地壺球)、運動科技(AR「激流之舟」、VR「超時空划艇」)。🚴‍♀️🧘‍♀️🎮
 
慢活創意區
📌熱縮膠藝術工作坊、向日葵扭扭DIY工作坊、維港彩繪同樂站（每節名額有限）
📌拍照打卡互動區
📌Chill 想放鬆區
📌「海濱探索」集印挑戰。
 
唔好錯過！聽日嚟紅磡海濱一齊體驗動靜兼備嘅維港！💙🌊 快啲叫埋朋友出嚟玩 — 我哋聽日見！👋
 
#紅磡海濱動靜同樂日 #維港同樂 #復活節海濱嘉年華

02/04/2026

【優先試玩✨】召集小玩家與大玩家！一齊嚟玩轉西營盤海濱公園全新玩水區

📢 想喺初夏感受涼快🌊、陪伴活力十足嘅小寶貝⚡嘗試前所未有嘅嬉水體驗？ 一於帶佢哋嚟西營盤海濱公園試玩全新玩水區啦！即將開放嘅玩水區設有兩大主題區域：「雨中起舞」同「玩動河流」，集合多個動感嬉水機關同玩樂設施，等大家可以清涼一「夏」💦！除咗當日嘅玩水區試玩時段外，園內仲有✨戶外彈床及互動嬉沙區🏜️ ✨等多項特色設施，保證玩到唔捨得走！😆 ~ 現誠邀大家報名嚟玩水區率先體驗全新設施，同埋分享你哋嘅寶貴意見，為大家做好正式開放前最後準備🤩！

活動將於4月10日（星期五）舉行，分兩節進行，每節名額20人。歡迎有興趣嘅大人小朋友一齊參與，共享呢個特別嘅玩水體驗🫶🏻！名額有限，快啲報名一齊嚟玩水啦！🌊

🌟 活動詳情 🌟
📅 日期：2026年4月10日（星期五）
⏰ 預約場次：
▫️ 2:45pm - 4:00pm
▫️ 4:15pm - 5:30pm
📍 集合地點：西營盤海濱公園入口 (連接中山紀念公園)
👪對象：年齡不限（小朋友必須由年滿18歲嘅成人或監護人全程陪同）
備註：參與是次體驗有機會濕身，請穿備合適衣物及鞋履

想優先體驗嘅話，就記住去呢個網頁報名，費用全免，名額有限，額滿即止。成功報名嘅家庭會收到確認通知。完成試玩體驗後，部份參加者會被邀請進行簡單問卷調查，完成後更可獲小禮物！
Link: https://forms.gle/xf3TqyoYwEWBi8tG9

交通：從港鐵西營盤站B2出口步行約15分鐘

如活動因天氣不穩而有所改動，我哋會盡快喺到公布，大家要留意喇！
- - - - - - - - - - - - - - - - - - - - - - - - - - - - - - - -
想知更多關於 ＃海濱好去處 資訊，記得留意本頁更新！
🥰 追蹤埋「海濱限定」Instagram：.PopUp.HK
🔎海濱事務委員會網頁：https://www.hfc.org.hk/en/hss/index.html
#維多利亞港 #維港 #香港
#西營盤海濱 #玩水區 #放電之選 #親子好去處 #兒童活動

01/04/2026

【🐣紅磡新海濱超靚海景等緊你嚟打卡！🌷🐰】

今個復活節，唔使飛咁遠，市區就有隱世靚景！紅磡新海濱（前紅磡鐵路貨運碼頭）喺3月31日已經開放俾公眾入內打卡喇！喺設施全面ready之前，把握機會欣賞一覽無遺嘅270度維港海景，配埋海風，超chill～ 無論一家大細嚟散步打卡，定係想嚟放鬆心情，呢度都係好選擇！趁假期，出嚟曬吓陽光、吹吓海風，過個悠閒復活節啦！☀️🌊🍃

🎉紅磡新海濱將分階段開放更多設施同埋精彩活動，具體情況會由負責發展嘅灣區傳媒有限公司稍後公布，敬請期待！

⏰ 開放時間
每日早上7時至晚上11時

🚶‍♀️ 點樣去？🚶‍♀️
🚇 港鐵
紅磡站 C2 或 D5 出口，步行約20分鐘
黃埔站 D2 出口，步行約20分鐘

⛴️ 渡輪／巴士
由紅磡渡輪碼頭或紅磡（紅鸞道）公共運輸交匯處出發，步行約15分鐘

🚕 的士
於紅鸞道(近海灣軒) 避車處落車，步行約6分鐘即到！

🚶 由尖沙咀出發
沿尖沙咀海濱花園經高架行人道，步行約10分鐘（沿途仲有打卡位，可以邊打卡邊欣賞海景！）

🚗 揸車
可泊置富都會、黃埔號或紅磡站停車場，步行約10至20分鐘

#復活節 #紅磡新海濱 #維港海景 #假日好去處 #香港週末 #海濱長廊 #香港打卡點

31/03/2026

27/03/2026

【紅磡海濱動靜同樂日！動靜兼備 同樂維港！】

復活節想去玩，三心兩意唔知參加咩活動？「紅磡海濱動靜同樂日」絕對係你嘅最佳選擇！😍 無論家人朋友想動起來爆發能量💪🔥，定想慢慢Chill住享受維港靚景🌸📸，都一站式滿足晒。

發展局聯同海濱事務委員會特別呈獻「紅磡海濱動靜同樂日」！4月4至5日一連兩日，貫穿尖沙咀至紅磡海濱花園及紅磡都市公園。動感體驗區 × 慢活創意區、新興運動、運動科技、藝術工作坊、影相打卡全部有齊，免費入場，大人細路都啱玩！🥳

活動詳情
📅 日期：2026年4月4日至4月5日 （星期六及日）
🕑 時間：中午12時至下午5時
📍 地點：紅磡都市公園、紅磡至尖沙咀海濱花園
🔗 報名連結：https://www.hkpaoe.com/calminmotionfunday

精選活動：

🚩動感體驗區
• 3 - 8歲小朋友平衡車小賽道
• 15歲或以上運動體驗班：筋膜刀／瑜伽、動物流／全方位筋膜放鬆棒
• 動感遊戲攤位：新興運動（布袋球、桌上迷你地壺球）、運動科技（AR「激流之舟」、VR「超時空划艇」）

🚩慢活創意區
• 文創藝術工作坊：熱縮膠藝術工作坊、向日葵扭扭DIY工作坊（每節10人）
• 維港彩繪同樂站及拍照打卡互動區
• Chill 想放鬆區：設有休閒豆袋梳化及露營椅，舒適地享受維港美景。
• 「海濱探索」集印挑戰 - 活動場地設有不同集印站，參加者需沿紅磡至尖沙咀海濱花園尋找並完成收集一套印章以換取禮物。沿路更可欣賞海濱景色，盡情打卡。

部份體驗活動及工作坊需預先網上登記，現場亦有少量即場參與名額，先到先得。
期待同你哋一齊喺維港海濱動靜皆宜，復活節動起來、Chill起來！💙🌊
- - - - - - - - - - - - - - - - - - - - - - - - - - - - - - -
想知更多關於 ＃海濱好去處 資訊，記得留意本頁更新！
🥰 追蹤埋「海濱限定」Instagram：.PopUp.HK
🔎海濱事務委員會網頁：https://www.hfc.org.hk/tc/
#維多利亞港 #維港 #香港
#紅磡海濱動靜同樂日 #維港同樂 #復活節海濱嘉年華

16/03/2026

【海濱美食巡禮 2026 ．即將登陸北角尖沙咀海濱！完成問卷即享免費小食＋飲品！】

上個月巡禮第一站，我哋去咗中環海濱，收集咗唔少巿民同遊客對海濱餐飲嘅意見🥳 好開心見到大家支持參與工作坊同享用免費小食😋今次我哋將美食熱潮帶到北角東岸板道同尖沙咀海濱🎉希望多多收集大家對海濱餐飲嘅意見。完成問卷，就可以免費享用街頭小食（包括麥芽餅、砵仔糕、糖蔥餅等） 同特調飲品。而今次工作坊會繼續有港式奶茶製作，同新推出嘅麵粉公仔DIY，俾大家認識傳統文化。現場仲會有唔同街頭表演㖭，大家到時多多支持😄～

◎【第二站】北角東岸板道近電照街遊樂場
📅 日期：3月21日（星期六）
🕑 時間：下午2時至6時
🤡街頭表演：面部彩繪、快速人像畫！

🍴除咗以上基本小食，完成問卷仲會派發專為寵主同毛孩可共享滋味嘅風乾海鮮美食包🐶同 nodi coffee ，配合東岸板道「人寵共融」嘅特色，同好快會同大家見面嘅咖啡店☕️

◎【第三站】尖沙咀香港文化中心露天廣場
📅 日期：3月22日（星期日）
🕑 時間：下午2時至6時
🎶 街頭表演：人氣單位俊傑與姚寳現場獻唱，動聽金曲伴隨維港海風～

🎨 免費工作坊：
－ 港式奶茶體驗：由茶師親授沖茶撞奶秘訣☕️
－ 麵粉公仔DIY：親子手作傳統藝術👪

想參加工作坊記得預先上網登記 👉（網址：https://forms.gle/mpimecLXNSPmZo5P9 ）

當日完成問卷即可領取美食及參與工作坊，名額有限，先到先得！
期待喺海邊再見你哋～💙

#海濱美食巡禮2026
約定你，海濱見！
- - - - - - - - - - - - - - - - - - - - - - - - - - - - - - -
想知更多關於 ＃海濱好去處 資訊，記得留意本頁更新！
🥰 追蹤埋「海濱限定」Instagram：.PopUp.HK
🔎海濱事務委員會網頁：https://www.hfc.org.hk/tc/
#維多利亞港 #維港 #香港
#海濱美食巡禮 #香港味道 #懷舊街頭小食 #北角東岸板道 #尖沙咀香港文化中心
#週末好去處 #親子好去處

09/03/2026

發展局海港辦事處今晚約7時接獲保安員報告北角東岸板道西段（近和富中心開合橋至油街出口一段） 出現供電問題，導致有關路段照明系統無法正常運作。本辦事處已隨即加派人手協助在該段板道的市民離開受影響的範圍。

經緊急維修工程後，照明系統於晚上約10時暫時回復正常 ，事件原因有待調查。本辦事處會繼續密切監察情況作出適當的安排 。

06/03/2026

【 暢踏西東板道跑 🏃‍♀️ 圓滿結束 ✨ 象徵維港海濱新里程！】

多謝各位上星期日（3月1 日）齊齊嚟到北角「東岸板道」支持「暢踏西東板道跑」！🎉 活動以健康輕鬆跑嘅方式，讓大家親身體驗「東岸板道」全面貫通！好開心見到咁多市民同跑手，用汗水同笑容為海濱注入活力💪😊 雖然當日天氣有啲凍，不過完全無減大人、小朋友兼毛孩嘅熱情🔥大家盡情在板道上奔跑🐾、享受嘉年華小食🍢同音樂 🎵，呢啲多元共融嘅畫面，正正就係我哋發展海濱的動力。✨

今次跑步活動告一段落，但約 13 公里一脈相連嘅港島海濱會一直陪住大家！🌊東岸板道唔止係一條跑道，更係讓每一位市民各適其適編寫美好時光嘅 #海濱共享空間🩵。以後記得多嚟海濱發掘你嘅生活模式：由堅尼地城走到筲箕灣🚶‍♂️🏃‍♀️，無論係散步又好、練跑又好，一口氣行晒定係分幾次行都得，將維港之美慢慢收藏🌅！

再次多謝各位參與同支持，我哋下個海濱活動再見！👋
- - - - - - - - - - - - - - - - - - - - - - - - - - - - - - -
想知更多關於 ＃海濱好去處 資訊，記得留意本頁更新！
🥰 追蹤埋「海濱限定」Instagram：.PopUp.HK
🔎海濱事務委員會網頁：https://www.hfc.org.hk/tc/
#維多利亞港 #維港 #香港 #海濱共享空間 #北角東岸板道 #暢踏西東板道跑