Tw打咭打到去英倫

Tw打咭打到去英倫 由香港打咭到英倫
記錄生活大小事
努力發掘打咭景點

喺英國都食到豉汁蒸鱔啊🩷好幸福 #英國生活
12/06/2026

喺英國都食到豉汁蒸鱔啊🩷
好幸福

#英國生活

今日行街街無意中見到呢兩隻新產品 #壽司
12/06/2026

今日行街街
無意中見到呢兩隻新產品



#壽司

今日打開眼就見到手機通知Lidl有咁多嘢送俾我喎，幾好喎其實我已經有一段日子冇搵佢㗎啦見佢咁主動呢幾日去吓先
12/06/2026

今日打開眼
就見到手機通知Lidl
有咁多嘢送俾我喎，幾好喎
其實我已經有一段日子冇搵佢㗎啦
見佢咁主動
呢幾日去吓先

點解今晚煲劇咁唔流暢嘅呢？係咪太多人睇世界盃係咪真係有影響🧐🧐
11/06/2026

點解今晚煲劇咁唔流暢嘅呢？
係咪太多人睇世界盃
係咪真係有影響🧐🧐

☀️介紹一個補充維他命D嘅好地方 ☀️ 如果你已經去過巴塞隆拿（Barcelona）或者帕爾馬（Palma），咁西班牙南部嘅馬拉加（Málaga）可能就係你下一個值得放入旅行清單嘅地方 ✈️😂 先講清楚，係馬拉加，唔係孟加拉。馬拉加位於西班...
11/06/2026

☀️介紹一個補充維他命D嘅好地方 ☀️

如果你已經去過巴塞隆拿（Barcelona）或者帕爾馬（Palma），咁西班牙南部嘅馬拉加（Málaga）可能就係你下一個值得放入旅行清單嘅地方 ✈️

😂 先講清楚，係馬拉加，唔係孟加拉。

馬拉加位於西班牙南部，城市同沙灘距離非常近 🏖️，交通方便，巴士車費又平 🚌，美食選擇亦好多 🍴，無論想行古城、睇海景定搵餐廳，都可以好輕鬆安排

今次係同之前香港嚟英國探我嘅好朋友一齊去 👭，亦係我第一次去馬拉加🩷

旅行之中，我慢慢發現一個好有趣嘅玩法
唔一定要跟住攻略行，反而係坐上一程巴士「亂逛」，會發現更多當地人生活嘅地方，同埋意想不到嘅景點 🚍

今次就意外去到一個海邊小區 🌊，有啲似大嶼山小鎮：沿海有沙灘同餐廳 🍽️，入面就係住宅區 🏠，生活氣息好濃厚

而最有趣係，呢度同馬拉加古城只係大約20分鐘巴士車程 🚌，一邊係熱鬧城市同歷史古城 🏛️，一程車之後就可以「穿越」去到寧靜嘅海邊度假區 🌴(EI PATO)

附近有B&B同短租公寓 🏡，行5分鐘就到沙灘 🏖️，餐廳選擇好多 🍤，仲有大型超市 🛒，生活機能相當齊全。

呢個地方，已經加入我下一次再去馬拉加嘅清單 ☀️🇪🇸

💥除咗市內同海邊，其實由馬拉加出發，坐火車大約40分鐘至1個鐘，仲可以去到唔同小鎮同景點，例如龍達（Ronda）呢類地方觀光🤭

#英國生活




💥今朝突然好想食KFC鬆餅💥基本食材，打開雪櫃乜都有話咁快有得食🛒 材料 低筋麵粉：170 克 無鹽牛油 (急凍/冰凍)：40 克 雞蛋：1 隻 牛奶：50 克 泡打粉：3克 蜜糖：20 克 砂糖：10 克 鹽：1 克 額外蜜糖：適...
11/06/2026

💥今朝突然好想食KFC鬆餅💥

基本食材，打開雪櫃乜都有
話咁快有得食

🛒 材料
低筋麵粉：170 克
無鹽牛油 (急凍/冰凍)：40 克
雞蛋：1 隻
牛奶：50 克
泡打粉：3克
蜜糖：20 克
砂糖：10 克
鹽：1 克
額外蜜糖：適量 (出爐後塗抹用）

呢個份量只係整到三個咋😂

#英國生活
#kfc鬆餅

星期一果日一次過見到幾樣特價😂😂 #英國生活
11/06/2026

星期一果日
一次過見到幾樣特價
😂😂
#英國生活

📍Chester 一日遊｜朋友嚟英國玩必收藏 🇬🇧✨雖然 Chester 我已經去過好多次，但每次去都有新發現。唔同季節、唔同天氣，都有唔一樣嘅風景，所以一直都係我最鍾意帶朋友去嘅英國小鎮之一。❤️今次帶香港朋友去，雖然到埗已經下午 1 點...
10/06/2026

📍Chester 一日遊｜朋友嚟英國玩必收藏 🇬🇧✨

雖然 Chester 我已經去過好多次，但每次去都有新發現。唔同季節、唔同天氣，都有唔一樣嘅風景，所以一直都係我最鍾意帶朋友去嘅英國小鎮之一。❤️

今次帶香港朋友去，雖然到埗已經下午 1 點，但完全冇影響行程。

第一站去 Chester Cathedral ⛪️，原來入面仲可以食下午茶☕️，環境好舒服。意外地幾好食，尤其係焗薯同自家湯🍲，啱晒行到攰嘅時候休息一陣。

之後一路行古城區，欣賞黑白木架建築，再去 Eastgate Clock 🕰️ 打卡。

今次再發現新路線，經 Roman Gardens 🏛️ 行落河邊。夏天嘅 River Dee 🚣‍♀️ 好熱鬧，有遊船、划艇同踩鴨仔船，氣氛好悠閒。

離開 Chester 後，我哋順路去咗 Outlet 🛍️ 行下街。晚餐就發現咗一條好多本地人幫襯嘅美食街，最後揀咗一間爆滿嘅土耳其餐廳 🇹🇷，主打極高質、肉汁滿滿嘅雞肉同羊肉燒烤 🍢🔥，大家都食得好滿意。🩷

如果有朋友嚟英國玩，而你又想搵個輕鬆、好行又好影相嘅地方，泊車又方便，Chester 真係值得安排一日。

✨ Chester Cathedral
🕰️ Eastgate Clock
🏛️ Roman Gardens
🚣 River Dee
🛍️ Cheshire Oaks Outlet
🍢 土耳其餐廳 (Istanbul BBQ ）

#英國生活

🇪🇸 每次去到西班牙，無論係邊個城市，我第一時間最鍾意做嘅事，就係去超市用鮮榨橙汁機整返一支新鮮橙汁！🍊最正嘅係有唔同容量可以揀，大大細細隨自己需要，然後親手放個樽喺機下面，看住一個個橙即場榨成果汁，感覺特別療癒。✨即榨即飲，橙香十足，味道...
10/06/2026

🇪🇸 每次去到西班牙，無論係邊個城市，我第一時間最鍾意做嘅事，就係去超市用鮮榨橙汁機整返一支新鮮橙汁！🍊

最正嘅係有唔同容量可以揀，大大細細隨自己需要，然後親手放個樽喺機下面，看住一個個橙即場榨成果汁，感覺特別療癒。✨

即榨即飲，橙香十足，味道鮮甜又天然，每一啖都飲到滿滿新鮮感。

去西班牙旅行，超市嘅鮮榨橙汁絕對係我每次必買嘅「旅行儀式感」之一！🇪🇸🍊❤️

下次你哋去西班牙玩記得試吓

#英國生活

來自香港的朋友回家後一切回歸正常🥹今晚嗱嗱聲開呢套先網上洗晒版，我都要快啲追上😂💥鐵拳教育💥套劇以校園秩序失衡、教師權威下降為背景。教育部成立「教權保護局」，派出督察進駐學校，以強硬手段對付校園惡霸及無理取鬧的家長，為老師和學生討回公...
09/06/2026

來自香港的朋友回家後
一切回歸正常🥹
今晚嗱嗱聲開呢套先
網上洗晒版，我都要快啲追上😂

💥鐵拳教育💥

套劇以校園秩序失衡、教師權威下降為背景。教育部成立「教權保護局」，派出督察進駐學校，以強硬手段對付校園惡霸及無理取鬧的家長，為老師和學生討回公道，應該睇得幾爽😅

你哋睇咗未？
剛剛開左十分鐘都已經好想追落去

 6月5日已經上咗㗎啦，千祈唔好劇透啊我未睇呀

Address

Wales

Website

Alerts

Be the first to know and let us send you an email when Tw打咭打到去英倫 posts news and promotions. Your email address will not be used for any other purpose, and you can unsubscribe at any time.

Shortcuts

Share