20/04/2026
Yannate hajjubba la'inohunni mootimmateniinna paartetenni uyinoonni xawisha.
*******************************************
Daganke guluphisiise badala daahisiise loosi'ne lophinannikki gede loonsire baala umisira gabbarsiisiranni sa'inoha albi gashshoote wirro abbate wo'naalsha assitanno hedubba effi'ne giwa hasiisannota woradu gashshooti xawisi.
Dotteessa 12/2018 M D Hawaasi gaangaawi woradi jireenyu paarte sinu borro mine. Doore baafanno.
Tenne xawinsoonnihu muli dirra hannafe gobbate gede daggino soorro giwisinnonsari konni albaanni noo dirrara tophiyu daga kaddena ciigishe sa'ino gashshooti wirro daara halchiteemmeri sirbunni dagate wodana sorsiisara wo'naalsha assitannore busulletenni afi'ne agadha hasiisannota huwachiishi yannaraati.
Gobbanke, konni albaanni noo gashshooti gashshe sa'ino gara dhage yitanno garinni la'nummoro lowori godowa itanorinna mararsannori ikke sa'ino gobbaati.
Albi gashshooti yanna daganke dhage bowirtannokki gede kande beeshine hunne, daganke saada ce'e lophitanokki gede saadansa giddonni woyyino woraammo insa gashsh*te noorrira gabbaranna hattono amuuwinke ittikkini meessi gobbara heerenni mitii'me guluchinsanni guluphe badala daahe, ado shafire qaamikkinni uminsara bulle gashsh*teemmerira buuronsa gabbaranni sa'ino yannaati. Tini yanna Sidaami gedeno ikko tophiyu daga gede mamootenno dagate godowa ittanni heedhino yannaati.
Mittu Su'mi (Tewodros Kasahun) gobbanke aleenni xawinsi qarrubba giddonni fulte hayyotenni massangeenna baalu handaarinni lophite jajjabbaana gobbuwa ledo qote taalte miinjuniinna poletikunni jawa soorro abbatenni lophite woleho lawishsha ikkite noo yannara tophiyu mayiira lophino yaatenni sirba kaima assino garinni assanni noo millimillo albi qarra affino daganke effidhe gibbino hedooti.
Tinni hee'noommo Yanna xaphoomu ministerichi (Dr) massagonni daga dagate ledo taalte jajjabbaana latishshubbanni horameette ikkite, jajjabbaana pirojekitubba loose jeefise
Tinni hee'noommo Yanna xaphoomu ministerichi (Dr) massagonni daga dagate ledo taalte jajjabbaana latishshubbanni horameette ikkite, jajjabbaana pirojekitubba loose jeefise hattono gobbate gargarooshu olantonni woyyitinotanna woyyaamboha olu uduune qodhatenni soojaati afirikkira albisa ikkite hattono kalqete deerrinni qixxaabbano battalara baxxino baraarsha baraadhanni albisanna baxxino rosicho soorrirate daa'atote danganni hee'noonni gobba ikkite noo yannaati.
Tenne hedo duu'ne amadatenni togoota sorrote hedo abbino halanyanna labbeemme halanyoota de'amikkinni hayyotenni agadhine gobbanke techo woyyitinnota beroo tunsichi widira qolte xiiwate wo'naalsha assitanno bissa efi'ne giwa hasiisannota xawinsoonni.
!
