Mostafa Kemry - مصطفى قمري

Mostafa Kemry - مصطفى قمري Contact information, map and directions, contact form, opening hours, services, ratings, photos, videos and announcements from Mostafa Kemry - مصطفى قمري, Travel Service, Cairo.

🌍 Tour Guide (German • English • Arabic)
🎥 Exploring Egypt & hidden stories
📸 Adventures, photography & private tours
▶️ Daily vlogs on YouTube | 🎬 Instagram & TikTok 🌟 500K+ community
🤝 Collaborations → [email protected]

23/05/2026

حاجه مهمة كنت بدور عليها ولما لاقيتها غيرت كل تفكيري عن المحتوي و التصوير
#مصر #القاهرة

| قنا في كل رحلة بروحها، دايمًا الناس اللي بقابلهم هما اللي بيفضلوا في الذاكرة أكتر من الأماكن نفسها.وأكتر مواقف مبقدر...
01/05/2026

| قنا

في كل رحلة بروحها، دايمًا الناس اللي بقابلهم هما اللي بيفضلوا في الذاكرة أكتر من الأماكن نفسها.

وأكتر مواقف مبقدرش انساها الي بتكون في الصعيد

كنت في قرية في قنا ، الدنيا كانت حر جدًا، وأنا كنت بدور على مكان أجيب منه مية.

لقيت راجل صعيدي كبير في السن قاعد قدام بيته، أول ما شافني قال لي:

"تعالى يا ابني، شكلك غريب عن البلد"

قعدني جنبه، وراح جاب لي كوباية مية ساقعة من جوا بيته ،

وقعد يسألني جاي منين ورايح فين،

ولما عرف إني مسافر لوحدي، قال لي:

"البلد دي بلدك، وأي بيت هنا مفتوح ليك إحنا في الصعيد بنحب الضيف حتى لو معرفناهوش."

الكلمة دي فضلت معايا طول لسفرية و كنت دايما حاسس بالامان

حسيت إن الطيبة والكرم مش بس كلام بيتقال عن الصعايدة،

دي حقيقة بتعيشها في كل موقف بسيط.
وممشيتش من عنده الا وانا واكل و شارب احلى كوباية شاي قدام احلى فيو في الكون

و بعد محايلات كتير اني ابات اقنعته اني لازم امشي ولكنه كان مجهزهلي كيس فيه اكل و عيش و حجات حلوة كتير من عنده اداهوني وقالي

"خد ده معاك، السفر محتاج زاد "

لكنه كان والله بيوصلي رسالة ان الزاد الحقيقي هو الناس اللي بتقابلهم في الطريق

من يومها وأنا مؤمن إن أجمل حاجة في السفر مش الأماكن

لكن الناس اللي بتقابلهم، والكلمة الحلوة اللي بتفضل في قلبك مهما عدى الزمن.

#تاريخ #مصر #القاهرة

اهلا بيييك من صحراء المماليك بحيك
20/04/2026

اهلا بيييك من صحراء المماليك بحيك

هل كنت تعرف إن تسريحة الـ راستا كانت معروفة عند قدماء المصريين؟! 👀تماثيل كتير بتورّينا إن الملوك المصريين اتصوّروا بأشكا...
19/04/2026

هل كنت تعرف إن تسريحة الـ راستا كانت معروفة عند قدماء المصريين؟! 👀

تماثيل كتير بتورّينا إن الملوك المصريين اتصوّروا بأشكال شعر مختلفة جدًا، لأن المصري القديم كان مهتم بالمظهر والهوية الشخصية بشكل واضح.
لقينا بواريك وتسريحات شعر متنوعة ومن بينها تسريحات شبه الراستا اللي نعرفها النهارده.

وهنا قدامنا تمثال الملك أمنمحات الثالث من الجرانيت الأسود، ويرجع لعصر الأسرة الـ12.
الملك ظاهر بملابس كهنوتية مصنوعة من جلد فهد و باين وجه الفهد على كتفته ، والتمثال تم العثور عليه في منطقة الفيوم.

وقبل ما دماغك تروح بعيد 😁👇
المصريين القدماء استخدموا اللون الأسود في التماثيل مش علشان لون البشرة
لكن لأنه كان رمز الأرض الخصبة والتجدد والحياة والانتماء عندهم.

التمثال معروض حاليًا في المتحف المصري بالتحرير.

#مصرالقديمة #رحلة

| مولد سيدي الدرديري عارف إن في الموالد دايمًا بتحصل حاجات غريبةوعشان أنا بحب أجواء الموالد وبعتبرها من أهم الفلكلورات...
18/04/2026

| مولد سيدي الدرديري

عارف إن في الموالد دايمًا بتحصل حاجات غريبة
وعشان أنا بحب أجواء الموالد وبعتبرها من أهم الفلكلورات الشعبية في مصر، بحاول أحضر أي مولد تتاح لي فرصته.

بس المرة دي كانت مختلفة بالنسبة لي.

كنت في مولد سيدي الدرديري جنب الجامع الأزهر — واحد من أكبر موالد مصر.

يومها كنت جعان جدًا.
والأغرب إن نفسي كانت رايحة للحمة مسلوقة مع ملح وفلفل

قلت خلاص أخلص المولد وبعدها أشوف أي مكان آكل فيه.
أول ما خرجت من الجامع، لقيت شاب شد دراعي بهدوء.
ملامحه طيبة لابس طاقية ماسك سبحة وبيبتسم.

قالّي: تعالى معايا.

سألته: رايحين فين؟
قالّي: تعالى خد واجبك وامشي.

اعتذرت وقولتله إني مستعجل
بس أصر أمشي معاه.

دخلنا حارة صغيرة جنب الجامع
ولقيت ناس فارشه حُصر على الأرض، والكل قاعد
وبيوزعوا عليهم لحمة في عيش 😁🙏

ساعتها حسّيت إن بعض الأرزاق
بتوصلك قبل حتى ما تدور عليها.
هسيبلكم فيديو المولد و الموقف ده موجود
في اول كومنت 🥰🥰

درب سعادة |كان يوم الحد و الجو حار جدا والشارع زي ما هو دايمًا: ماشي أكتر مما هو ثابت ماكنش عندي خطة، بس رجلي ودّتني ل...
17/04/2026

درب سعادة |

كان يوم الحد و الجو حار جدا
والشارع زي ما هو دايمًا: ماشي أكتر مما هو ثابت ماكنش عندي خطة، بس رجلي ودّتني لدرب سعادة.
مكان قديم ، تاريخه اكتر من الف سنه وكان باب من أبواب القاهرة الفاطمية،
لسه محافظ على فكرة إنه مدخل لعالم تاني.
بين الجوامع والأسبلة
وقف الوقت شوية
كنت بصور و متحمس جدا كالعادة
ماخدتش بالي إني كنت بتراقَب 🤣🥰
لحد ما ظهر “الحج مصطفى عباس”. ما سألنيش كتير، بس كان واضح إنه فاهم أنا مين قبل ما أتكلم،
ومن غير مقدمات فتحلي الدرب كأنه بيقول: “تعالى شوف اللي مش بيتشاف
المكان اللي كنت فاكره شارع اتحول لطبقات.
وفضل يحكيلي طفولته ايام رمضان وهو بيتعلق في الحبال فوق الشوارع
الزينة وهي بتغطي الحيطان كأنها بتجدد الذاكرة
العيد وهو مش مناسبة، لكنه حياة كاملة ماشية في الزقاق. وبين الكلام،
وقف قدام مقام السيدة فاطمة النبوية الصغرى، كأن ده جزء عادي من الطريق، مش محطة روحانية تقيلة. كل ما يمشي، كان بيكشف حاجة أكتر: حرفة الخشب، أنواعه، ريحته، صوته وهو بيتقص ويتشكل. الدرب كله كان بيتكلم
بس محتاج حد قديم زيّه يسمعه
عدّت ساعة من غير ما أحس. وكنت أنا اللي داخل أصور مكان طلعت منه وأنا حاسس إني اتصوّرت جوا حكاية. وفي الآخر ماكانش عندي إحساس إني شوفت درب
سعادة. كان عندي إحساس إني اتسمح ليّ أفهمه لحظة
#قمري

16/04/2026

"الجامع ده مش زي أي جامع في القاهرة 😳
جامع الصالح طلائع بن رزيك
آخر جامع في العصر الفاطمي…
ومبني فوق محلات، ومن غير مئذنة ولا قبة!
والأغرب؟
إنه اتبنى في الأصل عشان يتحط فيه رأس الإمام الحسين…
لكن الخطة اتغيرت في آخر لحظة!
تاريخ مصر مليان حكايات مستخبية في كل زاوية 👀
إيه أكتر حاجة شدت انتباهك؟"

#مصر #القاهرة #تاريخ "

10/04/2026

في قلب القاهرة القديمة…
حارة كانت يومًا ما مركز لصناعة وبيع القِرَب والجلود 💧
تفاصيل صغيرة، بس وراها تاريخ كبير…
أماكن زي دي بتفكّرنا إن كل شارع ليه حكاية.
كنت تعرف الحارة دي قبل كده؟ ولا أول مرة تشوفها؟ 👀
ومنشن حد تحب تكتشف معاه الأماكن دي!"

09/04/2026

"اكتشفت مبنى عمره أكتر من 200 سنة… سبيل حسن آغا أرزنكاني 💧
حكاياته بين النقوش والجدران تخليك تحس إن التاريخ لسه عايش.
مين حابب يجي معايا يكتشفه؟ منشن صاحبك 👀"

03/04/2026

وسط زحمة القاهرة القديمة، بيظهر جمال التاريخ في أبهى صوره ✨
سبيل محمد علي في العقادين مش مجرد مبنى… ده حكاية فن وعراقة بتحكي عن زمن كانت فيه التفاصيل بتتعمل بحُب ❤️

من النقوش الإسلامية الرائعة، لروح المكان اللي لسه عايشة لحد النهارده… كل زاوية هنا تستاهل تتشاف وتتتصور 📸

لو عايز ترجع بالزمن شوية، المكان ده هيوديك لرحلة مختلفة تمامًا 🏛️

#العقادين

01/04/2026

كنت ماشي في شوارع القاهرة القديمة… لحد ما وقعت على مكان شكله بسيط جدًا
لكن وراه حكاية مختلفة تمامًا 🕌
📍 جامع فاطمة الشقراء
الجامع ده اتبنى من أكتر من 500 سنة، على إيد رشيد الدين البهائي…
لكن الغريب إن اسمه ارتبط بست مش راجل!
فاطمة الشقراء…
جارية اتحررت، وبقت واحدة من أهم الشخصيات في عصر السلطان قايتباي،
واسمها فضل عايش لحد النهارده من خلال الجامع ده.
الفكرة مش بس في المكان…
الفكرة في الحكاية اللي وراه
وإزاي التاريخ ممكن يخلّد اسم حد بالشكل ده.
أماكن زي دي بتفكّرنا إن كل شارع في القاهرة ليه قصة… بس محتاجة حد يحكيها 🤍

#القاهرة #مصر #سفر

Address

Cairo

Website

Alerts

Be the first to know and let us send you an email when Mostafa Kemry - مصطفى قمري posts news and promotions. Your email address will not be used for any other purpose, and you can unsubscribe at any time.

Shortcuts

Share

Category