Mostafa Kemry - مصطفى قمري

Mostafa Kemry - مصطفى قمري Contact information, map and directions, contact form, opening hours, services, ratings, photos, videos and announcements from Mostafa Kemry - مصطفى قمري, Travel Service, Cairo.

🌍 Tour Guide (German • English • Arabic)
🎥 Exploring Egypt & hidden stories
📸 Adventures, photography & private tours
▶️ Daily vlogs on YouTube | 🎬 Instagram & TikTok 🌟 500K+ community
🤝 Collaborations → [email protected]

12/08/2026

في حر القاهرة لاقيت مكان ينفع اهرب ليه ، اهلا بيك من جزيرة الدهب بحيييك
تقدر توصل للمكان انك تركب معدية الزهراء علي الكورنيش وتروح تقضي اليوم هناك وسط الطبيعة و النيل و الجمال
#مصر #القاهرة

03/08/2026

اهلا بييك من بيت الكريتليه او متحف جاير اندرسون بحييك - بيت مليان اساطير و قصص و حكايات ومن امتع الاماكن الي ممكن تزورها في القاهره ، البيت موجود جنب جامع احمد بن طولون في القاهرة و تقدر تزوره كل يوم من الساعه ٩ صباحا لغايه الساعه ٥
و انت بتحجز التيكت تقدر تطلب مرشد من البيت يكون معاك ويشرحلك كل حاجه واللوكيشن تقدر تجيبه من علي الماب بسهوله جدا .🙃🙂
متنسوش الشير و الكومنت #القاهرة

اهلا بيك من … .. بحيييك حد يعرف كنا في ضيافه جامع مين ؟! 🧐
01/08/2026

اهلا بيك من … .. بحيييك
حد يعرف كنا في ضيافه جامع مين ؟! 🧐

31/07/2026

عيش معايا بين الشوارع و الحواري المصريه من الجماليه للمحله ومن اسنا للشرقيه لرشيد الاقصر و اسوان ولسه مكملين في الرحله في كل مكان
#القاهرة

اضحك عشان الصورة تطلع حلوة 😁😅حد عارف أنا في بيت مين 😁
31/07/2026

اضحك عشان الصورة تطلع حلوة 😁😅
حد عارف أنا في بيت مين 😁

| جزيرة الذهب ليه بحسد الفلاح؟يمكن أول مرة تشوف الصورة تفتكر إني بحسد الفلاح لأنه عايش في هدوء لكن الحقيقة أنا مش بحسده...
28/07/2026

| جزيرة الذهب

ليه بحسد الفلاح؟

يمكن أول مرة تشوف الصورة تفتكر إني بحسد الفلاح لأنه عايش في هدوء

لكن الحقيقة أنا مش بحسده لأن حياته سهلة.

بالعكس، يمكن مفيش شغل أصعب من شغل الأرض. يصحى قبل طلوع الشمس، ويقضي يومه كله تحت الحر أو البرد، ويستنى موسم كامل عشان يحصد تعب شهور، وفي الآخر ممكن مطرة أو ظرف واحد يضيع كل اللي عمله.

أنا بحسده على حاجة تانية..

بحسده إنه لسه يعرف يعني إيه يقعد مع أولاده من غير ما كل واحد يبص في شاشة موبايله.
بحسده على الضحكة اللي طالعة من القلب، من غير فلتر ولا تمثيل.
بحسده على إنه يعرف أسماء الطيور، ويصحى على صوتها بدل صوت المنبه والزحمة والكلاكسات.

إحنا بقينا بنجري طول الوقت
نجري عشان شغل، وعشان فلوس، وعشان نجاح، وعشان نلحق كل حاجة
ولما نوصل، نكتشف إننا نسينا نعيش.

أما هو.
يمكن معندوش أحدث عربية، ولا أحدث موبايل، ولا حياة مليانة رفاهية
لكن عنده وقت يبص للسماء، ويشم ريحة الأرض بعد الري، ويضحك مع أولاده وهو راكب حماره في طريق ترابي بسيط.

الصورة دي فكرتني إن السعادة مش دايمًا محتاجة حساب بنكي كبير
ولا محتاجة سفر كل شهر
ولا محتاجة بيت فخم.

أوقات السعادة بتكون في لحظة بسيطة
أب مع أولاده بيضحكوا من قلبهم، من غير سبب.

يمكن إحنا مش محتاجين نغير حياتنا كلها
لكن محتاجين نفتكر إن الحياة اتخلقت عشان تتعاش،
مش عشان نجري فيها

الصورة من جزيرة الذهب - المعادي

27/07/2026

الجامع الازرق في القاهره ، واحد من اجمل الجوامع الي دخلتها بناه الامير اق سنقر ورممه مصطفي مستحفظان وموجود في الادرب الاحمر في منطقه باب الوزير و هوا تحفه معماريه اسلاميه لازم تزوروه #مصر #القاهرة 😎

23/07/2026

وصلت قريه الفخار في القاهرة ، مدينه كامله في قلب الفسطاط القديمه كلها فنانين بيعملوا شغل بالفخار بيتصدر و يتباع في كل مكان ، مكان بجد يستاهل الزياره ، قريب من جامع عمرو بن العاص ، لو هتروح يفضل تروح من بدري لان معظم الورش بتقفل الساعه ٢ الضهر ، تقدر تروح تختار و تشتري وتستمتع بالمكان 😍 #مصر #القاهرة

16/07/2026

مملكة النساء الي بتحكي عن نساء مدينة النور و مدينة في مصر القديمة هاجمها قبائل المشوش ايام الملك رمسيس الثالث ، قتلوا كل رجال و حامية المدينه و حاصروا السيدات و هنا يجي دور كبير للسيدات مقاومة الاعداء بدون جيش ولا خبرة و لا سلاح
والخيار الأسلم ليهم كان الهدنه و الاستسلام ولكن هل دي شخصيه السيدة المصرية ؟!

الرواية متوفرة في المكتبات و موقع دار كيان للنشر و في معرض اسكندرية للكتاب

الطبعة الأولى نفذت الحمدت لله و الطبعة الثانية في الأسواق 🥰 #قمري⁩

15/07/2026

في القاهرة و متفرع من شارع المعز واحدة من اهم الحارات القديمه الدرب الاصفر من اجمل الاماكن الي تحسسك انك رجعت بالزمن الف سنة #القاهرة #مصر

Address

Cairo

Website

Alerts

Be the first to know and let us send you an email when Mostafa Kemry - مصطفى قمري posts news and promotions. Your email address will not be used for any other purpose, and you can unsubscribe at any time.

Shortcuts

Share

Category