28/09/2026
في بداية رحلة Northway، كان هدفنا إننا نشتغل ونكبر ونكمل… لكن مع الوقت فهمنا إن الاستمرار لوحده مش نجاح.
النهارده بقى عندنا رؤية أوضح، أهداف محددة، ومعايير مختلفة لاختيار الناس اللي تكمل الرحلة معانا.
زمان كنت ممكن أدي فرص كتير، وأستنى إن الأداء يتحسن، لمجرد إن الشخص بقاله فترة معانا.
لكن النهارده فهمنا إن الوقت اللي قضيته في الشركة مش هو اللي بيحدد قيمتك فيها… اللي بيحددها هو الأثر اللي بتسيبه.
مش كل شخص موجود يبقى إضافة، ومش كل شخص مشغول يبقى منتج.
في Northway، بنقدّر كل شخص ساهم في الرحلة، وبنحترم كل مجهود اتبذل، لكن المرحلة الجديدة محتاجة ناس عندها مسؤولية، التزام، وبتعرف تعمل فرق حقيقي.
Northway مش مجرد مكان بنشتغل فيه… دي رحلة، واللي هيكمل فيها هو اللي بيضيف للرحلة.
