Shippidex, Alexandria (2026)

22/02/2026

زي ما انتوا شايفين قدامكم…

البضاعة دي تم شرائها من Amazon بفيزا خاصة بالدكتور/ محمد مصطفى،
واتشحنت على عنوان الشركة في الهانوفيل – شارع أبو هندية – عند مطبعة الإسراء.

المفاجأة إن نفس البضاعة دي بتتعرض للبيع على موقع إلكتروني خاص بمدير الشركة،
من غير أي إذن أو تفويض من صاحب الفيزا أو مالك البضاعة.

وفي نفس الوقت في محاولات لتضليل الناس وإيهامهم إن الدكتور/ محمد مصطفى هو اللي ضحك على العملاء أو تسبب في المشكلة،
وده كلام غير صحيح تمامًا.

كل المستندات والفواتير وإثباتات الشراء والشحن موجودة،
وتم الاحتفاظ بيها بالكامل تمهيدًا لاتخاذ الإجراءات القانونية اللازمة.

ونهيب بالجميع تحري الدقة قبل الشراء أو التعامل،
وعدم المشاركة — بقصد أو بدون قصد — في تداول أي بضائع محل نزاع قانوني لحين الفصل فيها بالطرق الرسمية.

إحنا ملتزمين بالشفافية قدام كل الناس،
والحقيقة كاملة هتظهر بالقانون.

واللي عنده حق هياخده بالقانون.

21/02/2026

الحمد لله تم استرجاع الصفحة بعد محاولة اختراق.

وفي إطار الشفافية، حابين نوضح بعض النقاط المهمة:

تم شحن بضائع من دولة الإمارات إلى مقر الشركة في الهانوفيل،
والفواتير الخاصة بها صادرة باسم الدكتور محمد، كما أن بيانات الشحن موضحة بالأوراق الرسمية.

كما توجد طلبيات من منصات إلكترونية معروفة تم سداد قيمتها ببطاقة الدكتور محمد،
وتم توجيه الشحن إلى مقر الشركة.

حتى تاريخه، لا توجد لدينا تسوية واضحة بخصوص هذه الشحنات،
ولا يزال الموضوع قيد المراجعة والمتابعة القانونية والإدارية.

نؤكد أن جميع التفاصيل موثقة بالمستندات الرسمية،
وسيتم عرضها كاملة عبر القنوات القانونية المختصة.

ملحوظه :- البيانات الموجوده هي مجرد عينات فقط لاوراق رسميه سيتم المقاضاه بها

هدفنا هو توضيح الصورة بكل هدوء واحترام،
وسنلتزم بالإجراءات الرسمية لحفظ جميع الحقوق.

15/02/2026

السادة المحامين الأفاضل بمحافظة الإسكندرية،

أعرض على حضراتكم حالة قانونية بغرض الاستشارة فقط، دون ذكر أسماء أو اتهام لأي طرف:

هناك شريكان في شركة، وكان الاتفاق المبدئي بينهما قبل تحرير التوكيلات أن تكون نسبة أحدهما 85% مع حق الإدارة الكاملة، والطرف الآخر 15% دون حق البيع أو الرهن أو سحب أموال من ممتلكات الشركة.
و لكن تم التلاعب في النسب و الصلاحيات امام الدوله
عند تحرير عقد التأسيس المشهر أمام الجهات الرسمية، جاءت النسب 80% و20%، كما أُسندت صلاحيات الإدارة كاملة للطرف صاحب الـ20% وفقًا لما هو ثابت بالعقد المشهر.

بعد الاعتراض على ذلك، تم تحرير عقد عرفي بين الطرفين يتضمن:

تصحيح النسب إلى ما تم الاتفاق عليه مبدئيًا

منح حق الإدارة للطرف صاحب الـ85%

تقييد صلاحيات الطرف الآخر

إلا أنه لم يتم تعديل عقد التأسيس أو السجل التجاري رسميًا.

بعد مرور عدة أشهر، تبين وجود تصرفات مالية وإدارية تمت استنادًا إلى الصلاحيات الواردة في العقد المشهر.
مما ادى الى الاستيلاء على اموال و ممتلكات الشركةمن قبل الشريك صاحب ال 15%
مع العلم أن الفاصل الزمني بين العقد المشهر والعقد العرفي يومان فقط، والفاصل بين العقد المشهر واكتشاف التصرفات حوالي ستة أشهر.

مما ادى الى الاستيلاء على اموال و ممتلكات الشركةمن قبل الشريك صاحب ال 15%

السؤال القانوني لحضراتكم:

ما مدى حجية العقد العرفي في مواجهة العقد المشهر؟

في حالة وجود تعارض بين ما تم الاتفاق عليه مبدئيًا بين الشركاء، وما تم إثباته في عقد التأسيس المشهر، ثم تحرير عقد عرفي لاحق دون اتخاذ إجراءات رسمية لتعديل المستندات الحكومية —

ما هو مدى المسؤولية المهنية أو القانونية للمحامي الذي تولى تحرير هذه العقود، حال ثبوت وجود اختلاف بين الاتفاق المبدئي والعقد المشهر؟

وهل يُعد الاكتفاء بعقد عرفي دون تعديل المستندات الرسمية إجراءً كافيًا قانونًا، أم كان يتعين اتخاذ إجراءات أخرى؟

وما هي الإجراءات القانونية السليمة التي كان ينبغي اتخاذها لتفادي مثل هذه الإشكالية؟

وفي حال وجود شبهة إخلال بالالتزامات المهنية، ما هي الإجراءات القانونية أو التأديبية التي يجوز قانونًا اتخاذها تجاه المحامي المختص، ووفقًا لأي إطار تنظيمي يتم ذلك؟

وما هو المسار القانوني السليم إذا لم يتم البت في الشكوى المقدمة أمام النقابة الفرعية، أو لم يتم الرد عليها خلال مدة مناسبة؟ وهل يجوز في هذه الحالة اللجوء إلى جهة أخرى داخل التنظيم النقابي أو إلى مسار قانوني مختلف؟

شاكرين ومقدرين لحضراتكم.

تعديل :- الحالة المعروضة هي حالة افتراضية بغرض المناقشة القانونية فقط، ولا تتعلق بشخص معين أو واقعة محددة تخص كاتب المنشور.

كما أنه في هذه الحالة المفترضة، توجد علاقة معرفة سابقة بين المحامي وأحد الشركاء، تشمل علاقة جيرة وتعاملات سابقة، وذلك دون الجزم بوجود أي مخالفة، وإنما لبيان الصورة الكاملة محل الاستفسار القانوني.

نقابة المحامين المصرية

02/02/2026

توضيح مهم: كل القضايا الخاصة بـ Shippidex موجودة حاليًا في ساحات القضاء وبيتم متابعتها بشكل قانوني كامل، وإحنا مؤمنين إن الحق عمره ما بيضيع وطول ما وراه مطالب، وحتى لو ناس قررت تسيب حقها إحنا حقنا مش هنسيبه، Shippidex كانت البداية تجربة اتعلمنا منها كتير، والنهارده وإحنا بنواجه التحديات بشفافية وقوة بنعلن عن انطلاق WebbyDex منصة SaaS اتبنت من قلب التجربة علشان تحط السيستم قبل الأشخاص، وتقدّم حل متكامل يشمل Multi-Country وMulti-Currency، ونظام تأكيد بيحارب الأوردرات الوهمية، ونظام أفلييت أوتوماتيك، ومتجر كامل مع موقع وتطبيق موبايل وتحكم وشفافية وتوثيق كامل، Shippidex كانت البداية وWebbyDex جاية تحط معيار جديد في سوق الـ SaaS، وكما بدأنا أول يوم رمضان 2025 في Shippidex هنبدأ بإذن الله من 15 إلى 17 فبراير 2026 في WebbyDex، وشغلنا هيكون بدون أي شراكات مع أي حد إيده مش نضيفة، وهيفضل شعارنا دايمًا (صديقك الأونلاين).

17/09/2025

تنويه هام من المستشار القانوني للشريك الاكبر في شركة شيبدكس

حرصًا منا على الشفافية وحفاظًا على حقوق جميع عملائنا وموظفينا، نؤكد أن التواصل الرسمي سيكون فقط من خلال الصفحة الرسمية للشركة أو عبر قنواتنا الموثقة على مختلف وسائل التواصل الاجتماعي.

وسيتم الإعلان قريبًا عن مواعيد وأماكن خاصة للتواصل مع كافة العملاء والموظفين الذين لهم مستحقات مالية أو إدارية لدى الشركة، وذلك عن الفترة السابقة التي كانت تحت إدارة المدعو محمد عادل.

هذا الإجراء سيتم في وقت لاحق، بعد استكمال بعض الخطوات القانونية الجاري اتخاذها حاليًا، وسيتم إعلان التفاصيل فور الانتهاء منها.

✍ صادر عن مكتب
المستشار القانوني أ/ أحمد محمد نجيب
المحامي بالنقض والدستورية العليا
المستشار القانوني للشريك الأكبر بنسبة 80%
الدكتور / محمد مصطفى
‪+201220690010‬
[email protected]

linkedin.com/in/ahmed-shraf-a171b3209

16/09/2025

بيان هام صادر من مكتب المستشار القانوني أ/ احمد محمد نجيب الممثل القانوني للسيد الدكتور / محمد مصطفى مالك حصة الاغلبيه في شيبدكس

و كلمة من السيد الدكتور / محمد مصطفى لعملاء شيبدكس الي مروا بتجارب سيئه مع شيبدكس و افتكروا انه تم نهب اموال تحصيلهم او شحناتهم

( اخواتي الاعزاء , ده يمكن اول ظهور ليا بشكل شخصي او كلام يصدر مني . بداية شيبدكس كانت عشان توفر الوقت و المجهود في ظل التحول الرقمي للحياه في العالم كله . دايما في اي بيزنس بتواجهنا تحديات كبيره جدا و منها التحديات الي بنواجهها حاليا . مش معنى وجود عناصر غير مؤهله لتحمل المسئولية ده معناه الفشل المطلق . بحب اطمنكم ان شيبدكس مش هتقفل , ولا هتنكر وجود مستحقات ليكم . هنحاسب المخطئ اشد حساب و هنرجع نفتح شركاتنا تاني بمجهود و تمويلات و كوادر مؤهله يمكن اكتر من الاول . دلوقتي جه الوقت الي تعرفوا فيه مين الي بيجري و يقول انا ماليش علاقة بشيبدكس و مين واقف بيقول دي شركتي و تعبي و حلمي .شيبدكس هتفضل واحده من مجموعة روودكس و هتفضل دايما صديقك الاونلاين. )

اخوكم / محمد مصطفى

28/08/2025

📢 يا جماعة حبايبنا كل شركاء شيبدكس 🐧🛴

عاوزين نطمنكم إن سيستم شيبدكس بيتطور كل يوم، ومش بس بقى بيخدم الشحن الدولي ✈️، لأ كمان أي عميل يقدر يسجل دلوقتي ويشتري أي حاجة من أي مكان في العالم 🌍 بكل سهولة وأمان.

اللي لازم يبقى واضح إن:
✅ الجهة المستثمرة هي اللي قايمة على تطوير وتمويل السيستم بالكامل،
❌ بينما الإدارة التنفيذية في مصر للأسف هي السبب الأساسي في الأزمة الحالية.

وعشان كده، الجهة المالكة للأغلبية بدأت أول خطواتها القانونية ✍️
✔️ تم إرسال إنذارات رسمية على يد محضر محكمة لاستدعاء المدير المسئول للمساءلة المباشرة عن مبالغ التمويل وكمان مبالغ التحصيلات الي اخدتها من العملاء .
مش بس كده ده كمان المسائلات فيها جرد لكل المنتجات الي تم تزويد الادرة التنفيذيه بيها الفتره الي فاتت ..
📌 الرسالة واضحة:
حقوقنا و حقوقكم محفوظة و لكن لازم نسعى عشان نوصلها ✨
وسيستم شيبدكس هيكمل يبقى النظام الدولي الأقوى في الشحن والتجارة الإلكترونية.
شيبدكس هيرجع اقوى من الاول

شيبدكس - صديقك الاونلاين 🐧🛴

13/08/2025

📢 توضيح مهم بعد اللي حصل في شيبدكس™

💬 "هو شيبدكس هترجع تشتغل تاني؟"
✅ مش بعيد، وإن شاء الله راجعين أقوى.

💬 "هل هنعتمد على أي ممول جديد غير الحاليين؟"
❌ لأ… مش هنضيف ممولين جدد.

💬 "إمتى ممكن ده يحصل؟"
⏳ إحنا دلوقتي بنكمّل الـ البيزنس موديل بتاع شيبدكس™، وفي نفس الوقت شغالين على تصفية حسابات الإدارة الموجودة حاليًا.

💬 "هل في عروض اتقدمت من شركات تانية في عز الازمة الخاصه بشيبدكس ؟"
📦 أيوه، في شركات كبيرة جدًا سواء داخل مصر او خارج مصر عرضت تستخدم سيستم شيبدكس، وكلهم بيأكدوا إنه مستقبل الشحن.

💬 "هل ممكن نتعاون مع شركات شحن تانية؟"
🤝 أكيد ممكن. إحنا منفتحين على التعاون من خلال إنهم يأجروا نسخة من السيستم الخاص بينا، على إن يفضل اسمه "سيستم شيبدكس™" وبعلامته التجارية، لأننا مؤمنين إن الشحن مش مجرد سيستم… الشحن تجربة كاملة.

💬 "طيب لو مش متعثرين ماديًا… ليه الممول مش بيرجع فلوس العملاء؟"
📌 لأن الفلوس مع الإدارة الحالية، وهي اللي رافضة تخرجها.
الممول بيحاسب الإدارة بحكم نسبته في الشركة، لكن مش مسئوليته يحاسب العملاء أو يرد فلوس مكانها.
انما المستهلك يقدر ياخد اجراءات قانونيه زي الي واخدينها

💬 رد فعلنا على تصرفات الادارة (او) من تتبع خطواتها في كسر القانون؟
⚖️ أي حد، سواء من الإدارة، الموظفين، أو حتى العملاء، تجاوز أو كسر القانون المصري… هنتحرك ضده قانونيًا خطوة بخطوة.

💬 "ليه الممولين ساكتين لحد دلوقتي؟"
🔍 لأن للاسف دلوقتي الشركة تحت سيطرة الإدارة الحالية امام الدوله، وده بيخلينا عاجزين عن التحرك القانوني داخل البلد أو محاسبتهم أمام الحكومة لحد ما التصفية تخلص.

💬 موقفنا من العملاء:
📌 إحنا في شيبدكس™ فاهمين كويس إن التعامل تم باسم "شركة شيبدكس للشحن"، وإن العملاء مالهمش أي دعوة بالخلافات الداخلية، وعشان كده بنقولكم:
📢 قدموا شكاوي لجهاز حماية المستهلك… ده حقكم القانوني.
و الجهات الحكوميه هتجيبلكم حقكم من الشركة وانت كواحد ليك حقوق مينفعش تتهاون فيها.

06/08/2025

📢 بيان مهم للي اتعرضوا لمشاكل مع الشركات

في ناس بتقول:
"استعوض ربنا، ومفيش فايدة من حماية المستهلك!"

✋ الكلام ده مش صح، وممكن يخلي ناس متخليش نفسها تسترد حقوقها رغم إن القانون معاها.

🔒 جهاز حماية المستهلك جهة رسمية في مصر، وصلاحيته القانونية بتضمن:

إلزام الشركات برد الفلوس لو ثبتت مخالفة

فرض غرامات مالية على المخالفين

إحالة القضايا للنيابة لو في شبهات نصب أو تهرّب

🎯 لو معاك أوراق ومستندات تثبت حقك، ممكن تقدم شكوى رسمية وتتابع الإجراءات القانونية.

📌 طرق تقديم الشكوى الرسمية:

🔗 أدخل على الموقع الرسمي وقدّم شكوتك من رابط تقديم الشكوى
📞 الخط الساخن: 19588 (من أي خط أرضي)
📱 واتساب: 01577779999
📍 أو زور أقرب فرع ليك واشتكي بنفسك: المقر الرئيسي أو أحد الفروع في محافظتك

🏢 عناوين فروع جهاز حماية المستهلك في محافظات الجمهورية:

المقر الرئيسي (القاهرة): 96 شارع أحمد عرابي – المهندسين

فرع القرية الذكية: بلوك 115 – القرية الذكية، القاهرة

القليوبية: الغرفة التجارية – ميدان سعد زغلول – بنها

الشرقية: مبنى مصر للطيران القديم – خلف مديرية الأمن

المنوفية: شارع طلعت حرب – ملحق ديوان عام المحافظة – شبين الكوم

الدقهلية: شارع الجمهورية – الغرفة التجارية – المنصورة

كفر الشيخ: مبنى الدراسات الوطنية – بجوار جريدة كفر الشيخ

البحيرة (دمنهور): شارع السلام الشاذلي – أمام مدرسة الصفوة – برج المعتز بالله

الإسكندرية: حي الجمرك – مجمع المساجد – بجوار مسجد سيدي ياقوت

الإسماعيلية: خلف مبنى المحافظة الجديد – مديرية التموين

السويس: حي الغريب – مجمع المصالح الحكومية رقم 5 – أمام التأمينات الاجتماعية

بورسعيد: شارع 23 يوليو – مبنى ديوان عام محافظة بورسعيد

جنوب سيناء (شرم الشيخ): المبنى الإداري للمخبز الاستراتيجي – بجوار مسجد المصطفى

الفيوم: مبنى الجمعية الشرعية – منطقة كيمان فارس – أمام مديرية التنظيم والإدارة

بني سويف: شارع 17 – بجوار مسجد بني سويف الجديدة

المنيا: شارع نفرتيتي – مساكن السد العالي (الوحدة ٢، العقار ١)

أسيوط: المبنى الإداري – الدور الأرضي، مدينة أسيوط

سوهاج: مبنى المصالح الحكومية – بجوار هيئة الإسعاف – الدور الأرضي

قنا: شارع الأقصر – بجوار هيئة البريد

أسوان: شارع كورنيش النيل – الدور الأرضي – الوحدة المحلية بأسوان

📎 المستندات المطلوبة:

صورة البطاقة

الفاتورة أو إيصال الشراء

شهادة الضمان (إن وجدت)

أوراق ثبوتية إضافية (زي إيصال شحن (البوليصه) أو صيانة)

⏳ استلم المصالحات لاعتماد الشكوى لازم تكون المستندات مرفقة خلال يومين من تقديمها، وإلا هتُلغى

⚖️ إحنا بنشارك المعلومات دي علشان نساعد أي حد يعرف حقوقه ويتبع الخطوات القانونية الصحيحة، من غير ما نوجه اتهامات أو نحرض ضد أي جهة.

05/08/2025

🚨 توضيح مهم بخصوص شيبدكس 🚨

لحد ما تنتهي أزمة سوء الإدارة التنفيذية الحالية (وقريب جدًا بإذن الله)، بنحب نطمن كل شركائنا وعملائنا إننا مستمرين في تطوير نظام شيبدكس للشحن بدون توقف ✅

📦 دلوقتي أي عميل يقدر:

يسجل بحسابه على السيستم

يطلب أي منتج من أي تاجر مباشر من خلال المنصة

✳️ توضيح مهم عن أزمة التحصيلات:
الأزمة الحالية مش بسبب نقص السيولة أو إن الشركة مفلسة – بالعكس تمامًا.
المشكلة الحقيقة إن الإدارة التنفيذية الحالية محتجزة مبالغ التحصيل ورافضة تسليمها للعملاء،
رغم وجود سيولة وأصول داخل الشركة.

❗ بل والأدهى، إن فيه منتجات وأصول مملوكة للشركة ممكن تتباع لسداد مستحقات الناس،
لكن الإدارة التنفيذية بترفض اتخاذ أي إجراء لحل الأزمة.
او حتى عاوزين يحاسبوا المستثمرين سواء فلوس او جرد للمنتجات

💡 ورغم ده كله، إحنا مستمرين في ضخ استثمارات كبيرة في تطوير نظام الشحن الجديد – وده أكبر دليل إن المشكلة إدارية مش مالية.

الخلل في التنفيذ.. مش في السيستم ولا في قدرات الشركة،
وده تحدي مؤقت.. وهنعديه بإذن الله.

تابعونا الفترة الجاية، لأن في تحديثات قوية جدًا جاية في شيبدكس 🔥
وكلنا ثقة إن اللي جاي أفضل.

ملحوظه :- احنا معروض علينا شراكات كتير من شركات شحن طبعا يشرفنا اننا نكون جزء من نجاحاتهم و لكننا هنختار الافضل ليهم

و قريب جدا سيستم شيبدكس للشحن هيكون السيستم المهيمن على سوق الشحن في كل مكان ..

#شيبدكس #تحصيلات

23/07/2025

تم فتح الموقع الإلكتروني علشان تقدروا تشوفوا شحناتكم وفواتيركم بكل شفافية،
وده بس علشان تبقوا معاكم كل البيانات والمستندات اللي بتثبت حقكم، وتقدروا تتواصلوا مع الإدارة لتحصيل مستحقاتكم بكل سهولة.

اذا حصل اي حاجه لمعلوماتكم او تم مسح شحنات او اي شئ من قبل اي شخص , هنقدر نرجعهالكم تاني

يا ريت تكونوا متفهمين اننا متوقفين عن العمل لمحاسبة الادارة , فمن فضلكم محدش يرفع شحنه على السيستم لانها لو اتشحنت , شركة شيبدكس مش هتكون مسئوله عن الشحنه او تحصيلها ..

تحياتنا ليكم و ان شاء الله حقوقكم ترجع ...

23/07/2025

🔴 اللي حصل في روودكس كان ممكن يضيع المشروع كله!

في يوم من الأيام، صحينا لقينا موقع روودكس اتفرّغ تمامًا...
كل المنتجات، الصور، الشحنات، كل حاجة راحت فجأة!

ولإن إدارة الموقع كانت في إيد اكثر من طرف واحد , حصل خلل كبير ومسح لكل المحتوى.

لحسن الحظ، ربنا ستر وقدرنا نرجّع كل البيانات من النسخة الاحتياطية (Backup) 🙏
لكن السؤال اللي بيطاردنا:

تخيلوا لو ده حصل في شيبدكس؟
وقتها كنا نقدر نرجّع إيه؟
والناس كانت تعرف تثبت حقها إزاي؟!

و ده الي خلانا من منطلق المسؤولية، اتخذنا قرار بتجميد صلاحيات منصة شيبدكس مؤقتًا،
لحماية بيانات العملاء والتجار، وضمان إن مفيش ولا شحنة أو جنيه يضيع.

✅ حقوقكم محفوظة بالكامل،
داخل موقع شيبدكس

خلّي بالك من مشروعك… ماينفعش كل حاجة تكون في إيد حد واحد.
شاركو الرسالة دي، يمكن تنقذ بيها مشروع تاني!

تقدروا تزوروا موقع روودكس بعد ما رجعناه
https://roddx.com

Shippidex

22/02/2026

21/02/2026

15/02/2026

02/02/2026

17/09/2025

16/09/2025

28/08/2025

13/08/2025

06/08/2025

05/08/2025

23/07/2025

23/07/2025

Address

Website

Alerts

Contact The Business

Shortcuts

Share

Category